女皇又病了

2012/02/10 08:41:22 網誌分類: 生活

10 Feb

        女皇Shane又回復嬌嗲，等於牠又病倒了。

        上次耳仔生黑色線瘤的地方，耳殼部份做手術清理了，可是身後近淋巴線近日腫脹起來，成隻雞蛋一樣。摸牠的腫瘤不痛也不癢，就是大得嚇人，唯有再看醫生。

        醫生謹慎起見，割了部份組織化驗，未有結果前，只好日日食抗生素。

        女皇最怕食藥，餵進去的藥丸總被牠的彈弓脷彈出來，用藥槍直達喉嚨餵了兩日，牠一見槍就走人，那感覺應該令牠很不舒服。今早餵時終於反抗，抓了我一下。

        餵藥以外的時間，牠又露出嗲嗲的神態，主動要你撫摸，是很窩心的，可是當牠只有在病中才願意親近人，我寧願見到平日惡死死但健康的女皇。

        關慧玲

回應 (33)

我要發表

2012/02/15 18:47:35 回覆

關小姐,不要太擔心.女皇咁叻女一定會堅強地渡過難關!你都要堅強呀!我和我家主子都會全力支持你和女皇!祝女皇早日康復!加油呀!

2012/02/15 16:20:21 回覆

關小姐

平常心會幫我地渡過難關

Shane女皇知道你愛護她的, 給她多點正能量, 希望她可以舒服D

2012/02/15 15:57:47 回覆

女皇Shane加油啊! 關小姐你都要加油啊!!!

我地大家用正能量為Shane送上祝福, Shane 一定會好返既.

2012/02/15 15:38:57 回覆

你唔好嚇我喇 ! 我真係好擔心架......., 佢依家點呀 ? 醫生點講 ?

2012/02/15 15:18:14 回覆

關小姐:小朋友的生存意志好多時都比我地想像中還要頑強, 俾心機呀, 我地為你地打氣!

關慧玲 2012/02/15 14:43:20 回覆

不樂觀!!!

2012/02/14 19:15:53 回覆

shane 點呀 ? 好掛住佢 , 想知佢依家點 ........?

2012/02/14 12:54:45 回覆

關小姐 , 女皇嘅手術點呀 ? 好擔心......好期待你嘅好消息 .....

2012/02/14 11:49:55 回覆

關小姐:

女皇應該是很不適才會這樣,為有多給愛心與牠吧!女皇關小姐努力

2012/02/12 15:30:50 回覆

女皇真的病得很重,希望牠能早癒!

2012/02/12 11:58:59 回覆

原來英短有這種基因問題.....點解係英短呢?

關小姐: 我和貓貓繼續為女皇祈禱. 祝手術順利, 女皇早日康復!

2012/02/12 00:03:09 回覆

關小姐
女皇病又辛苦你了。你說得對我家兩隻頑皮貓touch wood 沒有太多病痛，但一病就不玩只有訓，我希望他們日日頑皮，咬我再多戰績也沒所為。祝女皇快D康復，人貓健康 , 女皇呢 ? 佢食嘢 ok 嗎 ?女皇一定會無事的 . 女皇妳要努力 ,
努力努力

2012/02/11 23:53:10 回覆

祝女皇早日康復

2012/02/11 23:03:14 回覆

好唔想聽到的結果，但關小姐你放心，手術後女皇一定會無事的，因為我們一班貓奴會為女皇祈福！祝願她不會有事，以後健康，快樂！女皇妳要好好努力呀！

關慧玲 2012/02/11 16:44:29 回覆

亞寵，

謝謝你的提議，女皇精神不好，不太郁動，會嘗試要她郁吓。

2012/02/11 16:13:52 回覆

祝 shane 手術順利 , 早日康復 ! 送上祝福 ! ${#icono_3}$ , 關小姐你都要努力 , 我等一眾貓奴一定支持你哋 ! 等妳好消息 !

關慧玲 2012/02/11 14:06:03 回覆

是會做的，已訂最快下星期一。唔理咁多，有機會都試。

2012/02/11 12:46:09 回覆

關小姐 , 決定成點 ? 女皇呢 ? 佢食嘢 ok 嗎 ?

2012/02/11 05:16:06 回覆

趁女皇SHANESHANE還年輕又美,快去做吧.

況且,頸已經賬得很大,應該幾危急下...

最重要既係..真係問下醫生佢個瘤既情況去到點.
做左之後既復發機會又會係如何...

怪我講句,小甘的事仍瀝瀝在目.
如果....

如果經濟許可,我是贊成早點給小女皇醫治,給所愛的她拾回舊有的尊嚴和信心吧

2012/02/10 21:53:22 回覆

好得人驚,不過唔做的話佢又辛苦 -_-

2012/02/10 15:48:55 回覆

英短有呢種cancer基因, 兩年前我兩個仔都係因為咁走左既 ${#icons_cat5}$ , 但醫生話如果做完手術立即做一次化療效果會好d, 當時我無做, 手術後幾個月就擴散去神經線, 手仔腳仔都無晒力, 又唔可以自己便便, 最好問清楚醫生啦, 希望佢早日康復啊!

2012/02/10 13:52:01 回覆

唉 ! 你係佢媽媽 , 呢 d 事都係你自己決定喇 , 咁大件事 , 個瘤生得咁快 , 咁大.... 醫生話成功率有幾多 ? 黑酵母可以一試 , 口碑唔錯 ...... 祝早日康復 !

2012/02/10 13:42:34 回覆

站在女皇立場, 做又辛苦, 唔做又辛苦...

但做手術起碼可以暫時令女皇舒服點, 起碼不用有個大瘤係條頸到. 而且可能不會惡化和擴散的 !!

2012/02/10 13:26:16 回覆

關小姐:

女皇不做手術, 不是更加危險嗎? 有個腫瘤在頸上, 女皇一定很不舒服.

Old-Ox ${#icons_cat6}$

關慧玲 2012/02/10 13:19:18 回覆

各位，

醫生今早化驗有結果了.......

是惡性的......

做手術當然得，但由於用高劑量麻藥，有危險，做完會否擴散也未知......

應該做嗎?

2012/02/10 11:47:13 回覆

哎呀, 可憐的女皇.

我和貓貓會為她祈禱的.

2012/02/10 11:47:12 回覆

如果妳的貓貓有腫瘤或時常病, 你可嘗試餵牠吃黑酵母.

2012/02/10 11:38:39 回覆

個瘤真係幾大啊....千祈,千祈唔好係惡性...BLESS HER..

2012/02/10 11:20:05 回覆

女皇呀，女皇，你快啲好番啦！唔好要我哋一班貓奴子民為你擔心啦！

2012/02/10 10:50:23 回覆

女皇睡得好舒服，希望當：小病是福，快快康復，惡女皇本色，快些重現吧！ ${#icons_cat4}$ 期待中！

2012/02/10 10:07:18 回覆

唉~! 最怕就係寶貝病..心痛之餘..餵藥也難辛...要肉摶...但總把藥丸頂出..食唔到....女皇呀女皇..快d好番啦..餵藥都係想你快d好..乖乖食藥啦...至緊要就係身體健康... ${#icons_cat9}$ 咩事都冇..

2012/02/10 09:55:55 回覆

祝病魔早離, 各貓爺身體健康.

2012/02/10 08:53:11 回覆

女皇,你要多多保重,快d回復惡死死既樣出黎啦..... ${#icons_cat1}$

女皇又病了

網誌分類

已關注

最新網誌

最新回應

月曆