復甦論
美股又因對中國和美國的GDP增長轉趨樂觀而大升。雖然昨日公布的最新一周首次申領失業救濟人數增幅遠超市場預期，但貿易數字靚仔，大市強勢反彈，杜指連彈兩日共270點，完全收復周二的大跌市損失，收12986點，逼近番13000點關口。
美股彈得咁急，主要有幾個因素推動，首先係歐洲。意大利及西班牙經濟狀況惡化，開始惹人注目，歐債危機再次成為市場投資情緒的指揮棒，意大利及西班牙的國債收益率有乜風吹草動，直接攪動投資者神經。兩國國債息在周二急升後逐步回穩，投資者鬆了口氣。緩和了大市的緊張氣氛。
不過真正令美股抽高的是環球經濟有優於預期的可能性。美國投資者關心環球經濟增長的格局係咁:到底美國今年GDP增長會高過抑或低過2%? 到底中國GDP增長會高過或低過8%? 到底歐洲經濟只經歷一個輕微衰退，到今年第4季結朿，還是較大的衰退，延續到2013年?
中國的情況指向樂觀一面。中國昨日公布的3月份銀行新增貸款1.01萬億入仔，好過市場預期，遠超過1、2月水平，減低了西方市場對中國經濟可能出現「硬著陸」的憂慮。此外，深圳昨日宣布一系列金融及實體經濟改革措施，其中放寬小型企業銀行壞賬比率至5%，令缺水的企業容易些借到錢，亦帶給市場對中國可能會在定量寬鬆政府方面鬆鬆手的憧憬。
美國投資者擔心中國，因為中國經濟唔掂，美國經濟都好難獨善其身也。而家睇中國放鬆貸款但係唔減息的策略似乎有效，中國經濟好大機會軟著陸，而且已經見咗底。
美國亦唔係好差，美企盈利好過預期的支持。美鋁（Alcoa）在美股連插五日後，派出一張叫人喜出望外的成績表，令大市「起死回生」，昨日Google亦在收市後公布優於預期的業績。唔少分析都認為美企業績起碼在首兩季都會支撐住大市，當中好有「造馬」味道。因為美企業績好過預期，主因唔係真係表現咁正，而係市場預期界線劃得太低，呢個就好似去睇電影一樣，入場前，人人都話呢部電影好正，你總會覺得失望。但人人都話佢係爛片，你反而會發覺有驚喜。不過這個「驚喜」唔係咁易維持到第三、四季，因為市場對年尾的業績預期甚高。
在美國經濟數據方面，雖然就業數據不太理想，首次申領失業救濟人數增加1.3萬人至38萬人，差過經濟學家預期跌到35.5萬，但亦有好消息，包括3月生產物價指數持平，更好的是美國2月貿易逆差收窄12.4%至460億美元，係2009年5月以來最大跌幅，皆因出口創新高。巴克萊因此將美國第1季GDP增長預測由2.2%調高到2.7%。摩根大通將美國第1季增長預測由2%調高到2.5%。
你就唔好問我乜唔係美國經濟增長好等如無QE3等如跌市咩? 我都唔係幾識答呢個問題，可能因為聯儲局成員出來講話都傾向放水的一方，減輕了經濟好關水喉的憂慮。例如紐約地區聯儲銀行總裁Bill Dudley昨日演講時，以日本經濟滯漲為例，警告唔應過早結束貨幣刺激措施。佢又話，美國政策制定者正考慮額外貨幣刺激措施的成本與收益，如果經濟前景惡化，美聯儲已准備好實施第三輪量化寬鬆措施，Bill Dudley係聯儲局貨幣政策委員會內比較有影響力的一員。他的言論打消了市場對美國今年或者會加息的疑慮。今日， 聯儲局主席伯南克會出席在紐約舉行的「金融危機教訓論壇」，挑起了投資者對當局可能「有料到」的期望。
無論如何，經濟復甦論有市場，中國變成利好因素，會唔會對香港的H股有支持呢?
陸羽仁
陸羽仁覆網友
KFC:若對內地經濟走勢長線向上的估計正確，內地股市的趨勢會向上，記著中國轉角市即使發生，也只是影響中長線走勢。上證綜指短期波幅是2250至2450點，而家2351點，在中間，若等跌近2300點買，入價會靚一點。
你問長線睇好內地是不是買國壽，從投機的角度可能係，但長線未必，國壽和平保比，睇市帳率清楚一點，國壽市帳率2.4倍，平保3倍，這就是平保比國壽貴的差幅，約25%，但國壽以大國企方式營運，平保以民企方式營運，平保進取很多。國壽雖然換了老總，但能否打破這個悶局，未必，所以維持長線平保跑贏國壽的看法，但短線若內地A股抽高時，不排除短期升幅國壽會稍好。所以投機和投資的角度並不相同。
buddaau (迷惘中...): 你問「我一直都想買啲國航, 但覺得佢處於一個好奇怪既環境, 佢既利潤主要來自, 1. 載貨同載人既收入, 依個可以好肯定, 只要國力日增, 依方面既收入亦會增加, 問題唔大, 2. 油價 3. 兌換收益, 2同3就攪鬼啦, 基本上佢地係相對既, 油價升, 即代表美元跌, 兌換收益就會增加, 依用油成本又會增加, 相反油價跌， 即代表美元升, 雖然油平, 但係兌換收益就會減少. 想請問下有無咪情況下2同3都同時出現對國航有利既情況呢? 即係油價跌, 美元又趺呢?」
我估你的分析有個缺陷，係無睇到人仔匯價不一定跟足國際自由市場的美元匯價的反向走勢。油價強通常代表美元弱，但亦有可能是油價急升，但人仔兌美元只是小升，對國航不利; 要你所講的油價和匯兌收益同時對國航有利，要油價大跌加人仔大升，這已是幾年前的情況，關鍵是人仔已不如以往那般大升了。
再講多兩句中國國力日增運貨和運客收入會增加，這從大方向來講是對的，但睇一年業績要睇小方向，若油價大升，業績因短期環境不前，甚至倒退，業績只會倒退。長線啱的事情，短期可能錯。所以若你是長線投資者，應等到國航因業績轉差而大插時，才慢慢吸納，睇番長線。
Bdroom:1688和432都因收購而變定局，而且成事機會都好高，但仲有人買賣，一則有些人是食差價的，可能是只想以大賺小、嫌惡市場風險的大戶，他們會去買。但亦有人是不想等這麼長，可以以較低價位出貨的人，可能是散戶，因為其他股份跌得多，這兩隻股無乜跌，佢地唔等收購，沽咗呢兩隻股換馬去一啲跌得多的股份，也不一定是笨策略。
KYM:你問內房，市場仲艱難，但龍頭內房股若售房頂得住，可能會慢慢走出弱勢，但二三四線內房股仲係碌緊地沙。我由頭到尾都唔贊成人「溝淡」，這是弱者行為，要買內房，要當新入咁睇，自己長或短線? 行業點睇? 個股邊隻好? 答哂呢啲問題才決定買唔買。否則若你過去買著隻最差的內房，佢一浪跌下來已特衰，你又想去買多啲，為乜?所以唔係唔可以買內房，但睇乜心態乜研究去買。
風電整體行業相當過剩，雖然每一隻情況都唔同，但好難期望佢地較快轉勢。
國美在地底橫行，若是淨賺番來的，建議咁，佢近期在1.4至1.65元中間波動，若跌穿1.4元止賺離場，若不穿就揸吓，若無生意方向上重大利好變化，否則上穿2元時可以離場。
陸SIR: 我一直都想買啲國航, 但覺得佢處於一個好奇怪既環境, 佢既利潤主要來自, 1. 載貨同載人既收入, 依個可以好肯定, 只要國力日增, 依方面既收入亦會增加, 問題唔大, 2. 油價 3. 兌換收益, 2同3就攪鬼啦, 基本上佢地係相對既, 油價升, 即代表美元跌, 兌換收益就會增加, 依用油成本又會增加, 相反油價趺, 即代表美元升, 雖然油平, 但係兌換收益就會減少. 想請問下有無咪情況下2同3都同時出現對國航有利既情況呢? 即係油價跌, 美元又趺呢?
陸sir,
早晨。既然預計中國股票趨勢是向上，現時是否買入國壽(2628)的機會？雖然平保(2318)理論上多方面都比國壽優勝，但純以投機角度而言，國壽從高位回調較深，以中線計，是否應選國壽？先謝回覆，謝謝。
將軍,
同主席打?
我仲以為你哋講嘅八婆股，只係做太陽能硅板，而家走去合作搞燃氣，雖然都屬於新能源，但又好似格格不入…
Linc Energy Limited (ASX:LNC) Signs Commercial Terms Deed with GCL
PS 睇清楚啲，好似係八婆個阿媽去搞…
5蚊邊國航, 有無人要?
FATKIE: 原來出左去玩...
, 你就好啦... 
陸 sir,
1688同432都係一D已成定局既股，股價唔會點變。咁點解每日都仲會有人買有人賣咁得意架呢?
謝
Bdroom
又是晴朗的一天呢.
大軍今日要打番場硬仗呢.
捕捉中國轉角市
2012年04月16日
中國經濟今年有無8％以上的增長，又是一個價值100萬的問題。老外怕中國硬着陸，陸羽仁係樂觀派，認為今年中國經濟增長會有8％以上，已經在軟着陸中。
內地上周五公佈今年第一季度經濟增長(GDP)數據，首季經濟增長顯著放緩至8.1%，創近3年新低，低於市場預期中值的8.4%，較上年同期更低1.6個百分點。但國家統計局發言人盛來運解話時基調較樂觀，話從3月份當月情況來看，主要經濟指標幾乎都較1至2月份回升，這是一個很好的現象，今後的經濟走勢將會繼續保持適度較快增長。
中國經濟有三頭馬車，固定資產投資、出口和內部消費，現時中央控制信貸令固定資產投資減慢，歐洲債務危機又令出口增速放緩，內地消費增速尚可，但不足以抵銷前兩者增速放慢的影響，就令GDP增長下滑。
經濟減速拖低股市
中國GDP增長和內地、甚至香港股市息息相關。近年幾年中國GDP增長的高峰在2010年第1季，阿爺在2008年宣佈海量的4萬億救市大計，資金在2009年湧出市場，GDP增長率借勢爬升，在2010年第1季升上11.9％的高位，然後急促回落至今的8.1％(見附圖)。
資金供應也同步增減，2008年宣佈4萬億大計，資金在2009年井噴，2009年人民幣各項貸款增加9.59萬億元，比對上一年大增32％，當年廣義貨幣供應M2亦比上年大增28％，這樣一個大國的M2以如此高速增長，增幅驚人。截至2009年底，中國M2餘額已有61萬億人民幣，折合8.94萬億美元；同期美國M2餘額為8.55萬億美元，中國的貨幣供應在這一年開始超過美國。2009年美國名義GDP(即未扣除通脹率的毛額)是中國的2.8倍多，美國人均GDP是中國的12.6倍多，但中國的貨幣供應量已經實現「超美」目標。巨量資金供應引發通脹，阿爺急速撲火，在2010年關始慢慢關水喉，2010年11月通脹率升上5.1％，通脹加劇，令阿爺在2011年加大關水喉的力度，令2011年M2同上年比較增長降至13.6%，和2009年的28％海量增長是天與地之比。大關水喉令內地已高升的樓價在去年下半年開始急速放緩，令無乜得升的股市更沉淪。
內地股市與GDP增長和M2供應增長基本同步，經濟好加上錢多時股市升，經濟放慢加水緊時股市跌。內地GDP在2010年第1季上高位，上證綜指在2009年9月見咗3478點的高位後，到2010年1月還處於3300點的近高位置，股市稍早於GDP見頂，之後GDP反覆向下，中國股市也跟着向下，直至如今，上證綜指現價只得2359點，在低位徘徊，和美股2010年以後繼續反覆向上的走勢，大異其趣。港股夾在中間，雖然走勢略好過內地股市，但都只是一個橫行局面，在2010年中國經濟見頂後，即使美股走勢不俗，港股也未大好過。
2季GDP將會回升
而家見到中國今年第1季GDP增速放慢到8.1％，好符合西方估計中國經濟會硬着陸的推測，上周五美股下跌，杜指插了136點，也和中國首季經濟增長放緩及歐債危機升溫有關。真正問題是中國今年首季經濟增長得番8.1％，第2季、第3季還會一直跌下去，令全年增長跌到8％以下嗎？
我認為不會，我估中國經濟增長在今年第1季見底，到第2、3季就會慢慢走番上去。阿爺唔想經濟過熱，通脹急升，咁樣市民怨氣好大；但係佢亦唔想經濟過冷，失業大升，你要知道中國一年有600萬大學生畢業，經濟一差大學生搵唔到嘢做，又是不穩定的泉源，所以經濟一冷，就會刺激阿爺做嘢。
中國股票趨勢向上
關鍵仍然是水源，其他支持經濟的政策都無咁重要，阿爺在3月開始放水，3月份內地新增貸款高達1.01萬億元人民幣，遠超市場預期的8000億，我估阿爺在3月當時已看到1、2月GDP放慢的走勢，所以在3月開始谷水救市，可以預計阿爺這個放水的勢頭會延續下去，起碼是一見到GDP增長唔對路就開水喉去頂。據新華網報道，中央對主要在地方放貸的縣域法人金融機構降存款準備金率1個百分點，這個優惠政策已在4月1日實施，為期一年，支持農村及地方中小企。
若中國GDP已在第1季見底的估計正確，未來GDP會一直復甦，雖然不是爆上那種復甦，因為中央要防通脹，但趨勢會由向下變為向上，這是一個經濟的轉角市，也是內地股的轉角市，A股走勢將會慢慢改善，香港H股雖受歐美股市影響，但中線亦可看好。現在是開始買入A股的時機，每逢回吐可以吸納，是由見高減持改為逢低吸納。中國經濟這種大趨勢，影響幾年的股市，若能預見在2009年底中國放鬆過度必須收掣，就能預知2010年以後反覆走軟的A股，及其對香港股市的影響。同樣道理，若中國經濟見底回升的預言實現，亦將影響內地股市一兩年的走向，這種走勢對短周期股較有利(例如水泥建材)，對依靠出口的長周期股(如航運股)，好處就唔係咁快見到，所以買股都要睇清行業狀況，分清經濟走勢在那類型股票會較快反映出來。
陸羽仁
TO 陸SIR,
陸老師唔知仲記唔記得我,我早陣子問過 內地燃氣股,內銀股,內房股配置問題
陸SIR話內燃股近周期高位,不應高追加倉,我聽陸SIR話,認痛賣左D內燃股,得番昆侖能源同華潤燃氣,現在內燃股佔倉位25%
內銀出晒業積,入左少少,維持倉位25%,陸SIR點睇內銀前景, 好就話估值低,中央放水機會大,最差日子已過, 差就話中國經濟增長放慢,銀行暴利乞人憎, 我投入內銀的錢多過內燃,但得番黎的回報差一大截,內銀唔通不值寵愛~"~
陸SIR話唔好溝淡內房股,要等大跌先好入,現在國情下,值唔值得溝淡,我隻隻內房都蝕錢,日日想溝淡
最近中央話支持環保,我跟風入左龍源電力同1296國電環科,兩隻都係國電企下,應該可以睇好掛,但係我之前買風車股中過伏,蝕過大錢,大陸玩環保究竟有無得做?我買左10%倉到
最後到隻國美,佔5%到,我D國美已經係零成本,應該沽定等佢番生?
謝謝陸老師
KYM上
各位老友,
沽空之王沽空完意大利返來喇!
明天開始沽空恆仔好不好.......好驚呢!
原來意大利d地方, 真是 窮到你不信. 實在太舊!
袋鼠,
佢其實都唔係好需要排隊,只要唔好星期六,日(下午5點前)去
不過佢地宜家逢星期四放假,啲伙記大晒,唔好去呀
Eric兄，下次袋鼠去開佐敦就昅昅啦！不過好怕香港排隊……
大戶C兄: 你想暗示大人要回來沽空恆仔嗎?
主席大人係歐豬沽夠未呢?
史哥: HSI比重列表, 有無link呀? 如有, 我幫你貼出啦.
史哥分析:
第一阿爺擺明撐場，
你留意下？
恒仔在16170,17600,18300這三個低位阿爺都有撐場。
之後點？
你唔信查下當天新聞？
每次到關建時克都撐場。
Yes.
看來大人回歸之時會做牛魔王....
史哥: 呢段?
腳旨週圖已出破腳穿頭，而且權重股939,3988,388,2628,857,1
已有盤底出現。
特別939,3988 已上企BB通道中軸三週（週線圖），
腳旨150日線下試，並2次都上企，試問恒仔還有多少空間句下？
藍妹。 第112 頁妳開始看啦。
藍妹。 notenotepig 咪喺scan sir lor.
藍妹已在svan sir blog. 妳助我貼上來啦! 謝謝。
史哥: 主席大人好似去左.......意粉國一周啦, 佢係咪比意國債務纏住呢?
你點睇大市呀?
袋鼠兄，我印象中應該是佐敦間袋鼠牛奶公司D通粉，多士，奶茶正D。日日都有人排隊。
各大大午安。 e~mug 大王右咗外遊咩？ 去咁耐？ 去咗邊？ 幾時出發架？ 唔怪得沽唔落啦！
草木兄，隱世有一個小小唔好處－無得嘆港式奶茶餸新鮮蛋撻
呢味嘢深水埗啲舊式/港式茶餐廳好正…
PS 隱世還隱世，高人應該唔係指袋鼠，高嘅係跳呢樣、跳嗰樣時會跳得高
憧憬放水 ...
好夢成空 ...
中國哀歌 ...
SIGH ...
Will repeat indefinitely ...
SIGH ...
鼠兄不用改變習慣,金兄昨天提及鼠兄的優質生活:
"澳洲多隱世高人，很多早年澳幣便宜是買大屋，儲澳幣，現時享受陽光空氣和自由安靜的居住環境。"
袋鼠以前返港經常避開午市迫人時段，去食下午茶餐…
而家咪係要迫住改變食晏時間的習慣？
朋友是某連鎖快餐店的忠實擁躉，幾乎每個週末都會光顧，忠實程度至週末會在該連鎖快餐店享用早、午、茶及晚餐。朋友近日告訴筆者，他觀察了數個月， 發現該連鎖快餐店的正價午飯時段顧客不多，抬頭望看到有十多張「吉枱」，就算是四人枱，都只是坐了一、兩人，環境絕不擠擁，這與快餐店應該是平民首選、人 山人海的形象格格不入。據朋友觀察所得，近十一時的早餐時段以及近二時的下午茶時段，該快餐店門庭若市，不少人還會於一時半開始霸佔坐位，等待下午茶時段 開始，朋友相信是通脹高企下，人們以茶餐代替午餐，節省金錢。
早在五、六年前，筆者已提出如情況許可（如彈性午飯時間），可以在茶餐時段享用下午茶，代替午餐，從而省下更多金錢，亦不用與人在繁忙時間爭位。當 時坊間還有些人嘲笑筆者這種方法慳得「騎呢」， 在網上甚至有人說「走火入魔李兆波」。不過隨覑時間過去，人們的薪酬升幅追不上通脹，購買力被蠶食，不少人不得不採用一些手段如以茶餐代替午餐來節省金 錢。以一個四人家庭為例，如果每人在正價午飯時段花費40元用膳，一家人的餐費是160元；假如一家人改為在下午茶時段用餐，每人花費25元，一家人便只 需100元，剩下來的60元可以用來補貼晚餐。一些快餐店深明此理，掌握這個趨勢及商機，在下午茶時段推出迷你叉燒飯、鐵板炒轱等食品，既可吸引顧客光 顧，又可切合顧客已改變的生活習慣。
有住在公共屋鸷的朋友慨嘆，自從領匯管理部分屋鸷商場後，雖然食肆的組合及選擇多了，但是由於商店的舖租不便宜，食肆的經營成本愈來愈高，令到有些 大排檔的食品價格比新界區的食肆還要昂貴，例如一碟時菜炒牛肉索價60、70元是等閒，或是價格不變，但「極度反映通脹」，份量少得可憐，所以朋友現時減 少出外用膳，以免錢花掉了卻吃不飽。
除此以外，為了對抗持續的通脹，有些朋友在購物模式上也出現了變化。筆者相信部分讀者已經習慣利用團購及網上購物，不過在此提醒讀者要小心選擇團 購，要留意團購的條款及商舖的信譽，否則錢花了但得不到服務，便得不償失。至於網上購物，雖然貨物的價錢便宜，但購物宜多加節制，不然買多了不自知，或是 貨物質量不好，便浪費金錢。
李兆波
花姐,
好多謝妳咁有心幫我找資料呀 ! 想問吓妳是不是在中央結算開了個人投資戶口, 可以好似像其他股票行咁, 即日買賣都得是嗎 ? 但就非常安全係咪 !
請問我有沒有理解錯呢 ?
中國哀歌 ...
SIGH ...
Good show ...
SIGH ...
領匯終止尋味時光 宣傳懷舊 被轟加租逼走老舖
HA HA HA........為富不仁的後果
雖然有人話呢D小店，經營不善，缺乏生產力，無理由用納稅人錢來補貼呢D舊鋪，應該早被淘汰。
但我認為一個社會下下講錢，而不理大眾感受，呢個社會真係好悲哀。
領匯根本唔應該出現，現在出現了，大家只有承擔呢個結果。
小潘
美國佬真好笑, 朝鮮個肥仔玩玩下放個炮杖上天空爆,
佢日日在鬼殺地嘈.
花姐,
請教, 股票轉了去中央結算, 可否由不同股票行操控? 例如, A行轉去中央, 然后在B行沽或按出作孖展 ? 或是轉了後己不在任何行的簿上.
淑敏,
我愚見是: 遊戲規則 No.1 是不買雞股, 如$100買了港交所, 08年見$6X, 死守到今見番$130. 有些股不用止蝕, 止了好小會買番.
Dow Jones Industrial Average (^DJI)
12,849.59
136.99(1.05%) 4:02PM EDT
袋鼠：you have a nice weekend, too.
Kathleen，早晨、早唞、and have a nice weekend!
hihi
Hi 陸Sir， 现在我主要投资在中移动和建行。我想加注雷士照明（2222）和 royal furniture (1198)。这些资金都可以长期放在股巿。（五到十年） 我想请教你的意见。谢谢。
pslok: 下面條link有答案
http://www.labour.gov.hk/tc/public/pdf/wcp/ConciseGuide/04.pdf
淑敏,每個初哥都有如此經歷和教訓,我忘記某年份買入64,如今剩下0.335,如沒記錯我高位五元接貨,哈哈!今天都當撇賬沽埋,幸好都有息收下!
淑敏代你找到所需資料看能否幫到你
當你買入股票後，你可能會考慮把股票存放於經紀行，或是自行保管。兩者各有甚麼利弊？
選擇一：存放於經紀行
經紀行必須將本身 持有 的 股票 與客戶的 股票 分開存放 。它們 通常會將客戶的 股票 存放於中央結算及交收系統 ( 下簡稱「 中央結算系統 」 ) 內，並以香港中央結算 ( 代理人 ) 有限公司的名義登記。 在這種安排下，你並非登記股東，也不能直接控制你的股票。 股息及其他權益會派發予代理人公司，然後轉交給你的經紀行，過程中會徵收若干費用。 這種安排的好處是你可以隨時透過經紀行出售你的股票。
選擇二：持有股票證書
你可以從經紀行提取股票。 緊記 在提取後把股票以自己的名義重新登記 。那麼 ， 你便會成為登記股東，並且能夠直接收取股息、股東通函及其他公司通訊文件 ( 例如年報 ) 。
然而， 當你出售股票時， 經紀行需要將股票證書存入中央結算系統，重新以香港中央結算 ( 代理人 ) 有限公司的名義登記。 由於需要 核實股 票 擁有權和重新登記 的手續，你可能需要 等候一段時間才 能 沽出 股票 。 此外，你一定 要小心保管股票證書，因為一旦遺失，補發過程將會既費時又昂貴。
選擇三： 中央結算系統的投資者戶口
此外，你 亦 可以在中央結算系統開立投資者戶口 ，把股票以實物形式存入或由你的經紀行將股票轉移至投資者戶口。因此，你便不用持有股票證書，又可直接控制股票 ，經紀行在未獲你的授權前不能調動投資者戶口內的股票。 你亦會收到 戶口活動結單及月結單，讓你監察 投資者戶口內的 股 票 往來。 網上使用者可透過互聯網操作投資者戶口及收到電子結單。此外， 香港結算會代你收取股息 ，而上市公司的股票過戶處亦會向你寄發 公司通訊文件。當你出售股 票 時，需要向中央結算系統發出指示， 以便先將股票從你的投資者戶口 轉移到你的經紀行 。
除了香港居民外，澳門的個人投資者也可以申請投資者戶口。
陸sir, 你講的用幾萬元買一隻股到最後剩下幾百元，即挑起我的舒發。 早2-3前用咗2萬買了隻(生狗漆)，忘了拆細,合一多少次...最 終現在剩下碎股得返$160元左右，我就放在倉裡要來提醒自己， 绝對不能再發生第二次。 所以我一定會跟隨遊戲規則(10-20%)止蝕，這做法係咪好阿Q呢! 淑敏
陸 Sir,
真多謝你教我用這方法, 不過我唔知道將股票存入中央結算之後, 如果我想賣走股票......手續又如何做呢 ? 能不能見心水價就即沽呢 ? 麻煩你教埋我可以嗎 ?
謝謝 !
淑敏
Bud兄•••••••@11•4done
PSLOK: 勞工假即係法定假日, 應該係固定一年12日, 同年資無關.