剷之而後快
2012/05/11 10:16:58 網誌分類: 生活
貓的身體沒有汗腺,統統集中在四隻腳掌上,熱得不行了或是好緊張時,腳掌都是微濕的。初立夏已悶熱得很,貓爺披住厚厚毛皮,有時也替牠們辛苦。 即使已經不斷梳理,但毛還是大把大把掉下來,有些被舔到肚裏再吐出來,令貓爺胃口也差了。家裏四周都有貓毛飄揚,昨晚炒菜時,目睹有幾條飄落鍋子裏,避也避不了,也不知已吃進了多少。 有朋友替長毛貓除之而後快,除了貓頭,身上全都剷光,尾巴末端卻梳剪成一個球形,看樣子是涼快多了,可是貓貓又羞又怒,躲起來幾日不吃飯不見人,看來在熱死和醜死之間,貓是會選擇前者的。 米米、骰仔、真真和紅豆都是特厚毛皮,究竟要不要剪?真的剪了,貓爺會不會跟我死過? 關慧玲 |
但這貓貓的樣子很不滿意喎 眉頭緊鎖到好像一眉道人咁呀
cat cat 我隻細佬現在耳仔已經生肯,奇怪的事他三年前來我家,(從spca回來)肚柯,看了半年醫生,年年打針都有check 耳仔,都check唔倒,今次專登去看耳仔個e生就說係耳蚤,唔出街係媽媽遺傳,你話奇怪唔奇怪,兩個e生都成日睇咁多年都無講,激死may
old ox.
係囉係囉,就係想剪成咁,會涼快好多。所有長毛一齊剪就唔會有人唔高興。
關小姐:
今午經過旺角太平道某寵物用品店, 門口的招財貓似是你所說的剷剩頭, 尾餘下一個毛球那款, 現時毛毛已慢慢長出來, 明顯看見長短毛.
係呢, 無毛的貓貓會否被蚊叮蟲咬?
Old-Ox
關小姐,
剪得多佢會少了一份油脂保護皮膚, 形成皮膚乾燥(因為我哋會開冷氣), 令佢皮膚痕癢, 經常抓而抓傷自己~
soso88,
耳虱要杜架, 你可以買耳虱水(油性)定時洗耳仔, 到耳虱完全清除後, 平日用BB油洗耳仔(bb油可以清潔耳內昆蟲, 購買又方便安全), 我家GARFIELD細個耳虱嚴重到感染埋眼仔發炎(耳鼻喉通), 而且會傳染其他貓, 你會發覺佢經常頭側側, 耳仔又dam dam及經常抓耳仔, 耳虱會在耳仔有黑色一舊舊東西, 及後會有嗅味, 如果唔理佢後果可以耳仔發炎時仲麻煩~
關小姐: 短毛唔使剪, 勤D沖涼就得! 如果真的要剪就全部一齊剪, 個個一樣無得比較會好D, 千奇咪剪D唔剪D, 剪左果D會好唔開心同抑鬱架, 緊記!
old ox,
冬冬好靚呀!!!!其實貓毛的確長得很快,我家幾隻貓做手術都曾剷過一部份毛毛,話咁快又生番出來。
關小姐:
我隻冬冬當年做結紮手術, 左身有一處剷光, 一個月左右便回復原貌.
Old-Ox
似乎投票結果係no喎,咁好啦,順從民意,讓米爺避過一剪!!!!!
不知米米, 真真他們脫毛後, 貓貓的膚色是否一樣的?
Old-Ox
千奇唔好剪呀!千奇唔好試呀!我重好想個個星期睇到米爺個靚樣呀!唔好用佢哋(其實係我哋 )啲Benefit嚟試呀! 如果我係佢哋都唔想比人見到自己光脫脫個樣啦!
無毛的米米....會不會怪可憐的?
唔該晒呀 ! 我會睇緊 D 貓大人的耳仔架啦
不要剪, 不要..不要
我覺得三位多毛壯男唔會介意, 感覺佢地較大情大性, 呵呵.
紅豆小姐就難講d, 使終係女仔嘛~ 愛美~
關小姐&soso88,
已去看醫生,醫生話佢(細佬)生耳蚤,今天看五月號"貓之生活"都有人問佢隻貓隻耳仔同你(soso88)過隻一樣有克色一塊塊嘢doctor ivy話有機會係耳蚤,所以你(soso88)你都要小心因為會動物傳動物架,多看個醫生吧!!!多謝大家回答
我都知,但成日心癢癢想替米爺剷之而後快,但又驚佢從此唔肯出鏡呵!!
我都無聽過咁樣生耳蚤呢,其實好多杜蚤藥好有效,任由牠們發展會大災難丫。
我就冇聽過, 但我家肥女耳仔成日有很多黑色野, 仲成日抓耳仔, 醫生話係耳仔很油&發炎, 用藥水抹多D就OK喎 !
請問大家的小動物有無試過生耳蚤,醫生話家貓狗唔出街生耳蚤是母親遣傳,有無聽過大家【心急人上】
請問大家的小動物有無試過生耳蚤,醫生話家貓狗唔出街生耳蚤是母親遣傳,有無聽過大家【心急人上】
我上星期見貓咪d毛飛到四圍都有
用左o個把日本買返來既梳
(我初時唔知梳齒中間有刀)
狠狠同佢搏鬥左半個鐘
好快剷左半邊身好多毛
明顯d毛乾淨左又短左好多 (我至研究下把梳發現有刀)
好辛苦又另轉佢剷埋另一邊
最後係硬食左佢一下重擊,手都出血。
之後仲嬲左我半日......
其實可唔可以好似人咁偷薄而唔駛剷晒呢?
千祈唔好剪啊!我係貓的話,都唔鍾意人剪左我的毛架. +2