舔到你睡着
2012/05/18 08:40:25 網誌分類: 生活
親善大使紅豆從來不會和貓嗌交,也是貓爺之間的潤滑劑,最近牠就很關心小襪。 小襪有先天性心臟病,所有的精力都消耗在供氧氣到心臟仔,一呼一吸都很用力,這陣子天氣又熱,牠胃口更不佳,肚仔凹陷下去,一雙大眼睛無神地望住你,想把牠谷肥一點維持體力,於是每日都另外餵牠半個貓罐頭,其他貓自然嘈到拆天,又羨又妒。 紅豆非常抵得諗,這陣子常在小襪吃罐頭後走到牠身旁,仔細地舔牠,舔到小襪睡着為止,究竟是食物的香味吸引紅豆還是紅豆真的想照顧小襪?我不知道,只是兩隻小貓互相依偎場面,看着也覺得很溫馨。 為了獎勵紅豆的細心,決定也讓牠跟小襪一起吃罐頭……一日咁多啦! 關慧玲 |
關小姐, 今日突然間想起小襪, 佢點呀? 胃口好番d未??
賣假奶粉的正人渣!
CAT CAT
佢個樣好陰公
ECHO YEUNG , 關小姐&各貓友
我上次係到講花園街個件事就係這單新聞了
關小姐:
係呢度睇到假奶粉消息
http://www.facebook.com/photo.php?v=10150830472084646
關小姐:
我以前隻金貓也是日日都舔隻大灰熊, 由頭舔到尾!
Old-Ox
關小姐,你唔洗擔心,紅豆小姐不嬲都係親善大使嚟架啦!佢對個個都咁好架啦!不要多心!雖然小襪係廋,不過肯食,肯玩,肯瞓就唔應該有咩大問題!放心放心!
臻淇貞子 ,
唔好嚇我啊!!!要睇實啲先!!!!
antydorothy ,
我都有聽過呢個傳聞,假奶粉是真的嗎?在那條街??咩牌子??
antydorothy, 右邊的是Borgee剝後回家的樣子, 我覺得佢有喊架, 仲喊到眼仔又紅又腫, 當時我驚佢以後都會係咁, 我覺得我好似做錯咗咁, 所以我都喊咗, 好彩幾日後就冇事喇, 左邊的是康復後企響路邊等夾心脆脆, 佢康復之後食多咗零食, 唯獨唔食罐罐. 所以支出大咗, 因為夾心脆脆及脫水雞粒貴過罐罐好多, 我情願佢食罐罐~~
有d擔心,成日話貓貓會知道邊個邊個時間就到,所以會特別親近.......
本人一向買cat food都在買開的鋪買很小在寵物街(花園x)因有貓友在這街買了假貓奶粉令到貓b食後肚柯之後死了請大家小心
關小姐
紅豆是錫小襪的。上次我說我細佬生耳蚤,每晚回家要和他洗耳,滴葯(如打丈一樣)肥仔之後都好似紅豆咁舐番細佬
cat cat
你d貓好可愛呀
無聊芝,
小襪真的很瘦,輕如一隻小老鼠,我是有點擔心的。但牠一直吃住藥,而睡、吃、疴都無問題,故觀察住先。
陰功囉, 小襪唔單止肚仔凹, 連塊面都凹哦.....
So sweet
好乖巧的貓咪,應該食多一日罐罐啦
catcat,
哈哈,無咩扺唔扺食嘅,你捨得不餵佢麼???
我家的用罐罐未必隻隻貓受用, 罐罐只可用於蕃薯, 但是蕃薯有甚麼功績值得我獎勵呢??? 今早又發少爺仔脾氣抓傷我了, 還值得吃罐罐嗎??
但如果是脫水雞粒及夾心脆脆就不同了, 牠們會乖乖的等吃, 而且Borgee自從剝牙康復後, 每餐一家要加夾心脆脆, 否則一家meow到你暈為止, 企響食物兜前見一個人行過狂meow一次, 唔理佢咩繼續meow, meow到你心軟, 如果佢知道有雞有幾款脆脆, 每食完一款又meow一次, 為求食齊所有味道為止~~
真的是好貓
紅豆是真心幫小襪清潔的, 貓地會感應到誰要幫忙, 同一屋簷下嗎?
好贊成關小姐獎勵紅豆呀 您做得好好呀!
憑相中的紅豆,看得出是真心想照顧小襪的,紅豆小姐真係低錫架!
係呀, 真係好溫馨呀, 我相信應該係紅豆出自真心去對待小襪囉, 抵讚
好溫馨呀!