旅遊雜講 (1)

        好多香港人都好似我咁，一有時間都會去吓旅行。自由行又好，跟旅行社都好，總知就係想暫時唔理手頭嘅工作，出去外面激玩激食幾日。實會有人鬧我：「你就識講風涼話啦！去旅行咁爽，我有錢都去買股票啦。」

        各位大佬唔駛咁激動，去旅行平有平去，貴有貴去。平嘢都有好多選擇格，好似近呢幾年勁多 uncle  auntie 參加嘅中國短線團，五嚿幾水就包食包住仲包埋浸温泉，咁平當然系會跟導遊去指定購物啦，不過你唔買嘢都唔會啤人留係墳場嘅。至於澳門都係一個唔錯嘅選擇，八嚿水倒有珠海澳門三日兩夜，一家大細走過去食吓嘢，如果有啲閒錢仲可以玩兩手，分分鐘可以又食又拎，不過齋男人就唔好去，誘惑咁大好容易出事啫。而用千玲蚊、過台灣走翻轉都幾好，頭尾個玲鐘就已經有出國嘅感受，計落條數行程重快過香港仔去天水圍。唔怕熱嘅去新加坡都好正格，該道有籃天白雲，又有清新空氣，夜晚坐係啲露天大排檔食吓飲吓真系好好 feel。想要陽光海灘，又想 shopping 嘅你，泰國當然系首選。五日四夜千三銀都試過有，不過喱排該處機場就亂亂哋，交通又危險啲啲，比起其他地方嚟講都唔算太差嘅。講兩講個人又心郁郁想出發。

        以上講過嘅價錢係旅遊淡季先至有機會出現，啤貴佐唔好找我悔氣呀。

＊ 以上文字全用香港口語及大量白字表述，如閱讀時引起各方困難及不安，請多多包涵。