旅遊雜講 (2)

阿水無聊咁問：「去旅行跟團好定自由行好？」

我無氣咁答：「個答案係見仁見智睇你點睇。」

佢懶惡咁鬧：「車！個答案咁行駕。」

我懶認真咁答：「無點你呢,！係食、住、行三方面，樣樣嘢都有辣有唔辣啦。」

        大路黎講跟團係飲食方面可以用十個字形容，「一係唔啱食，啱食唔夠食。」點解咁講？無他嘅，成本問題，一嚿有限錢又點可以滿足三四十人要求，由其是我地咁嘴刁嘅香港人。所以跟過圑嘅朋友食完飯後多數都會聽阿導遊咁講：「你哋食飽未呀？食飽去埋洗手間可以上車等。」通常導遊都唔會問個客啲嘢好唔好食駕，問嘅話多數捉蟲。不過有幾次跟團都遇過有啱食嘅餐，食歌陣份外覺得啲嘢食勁好味。點解會覺得啲嘢好食咗？因為之前幾日餐餐啲嘢唔啱食，變相餓你幾日後啤啲正少少嘅嘢你食，唔好食就有鬼。而食到唔夠食就多數無得加，想加就加錢囉。咁如果夠銀兩跟亞「蔡 san」 該種美食豪華團，就梗係無喱啲嘢發生啦。

講開食飯，有幾次食飯就真係勁摑笑。你有無見過食食吓飯對面個 auntie 幫佢個仔仔換片？又有無見過旁邊個靚仔食到噴飯。最難頂重係同團有個哥仔，佢當然無我咁靚仔，講嘢重超低能 (衰過我歌隻呢)，但亞導遊翩要佢同我同枱。睇落我係唔係好勁呢，羨慕我呢。

       咁咪以為自由行就好好呀？開頭諗住去到老連咁遠，揾間出名嘅食肆嘆吓，結果就係人生路不熟揾到死死吓，去到重要排長龍等，喱個時候饑寒交逼都幾淒涼。求其揾間坐低又點呢？咁重慘，外國好多地方其實唔係好似香港咁，啲人唔會成日出街食飯，你幫襯食嘅嘢分分鐘係幾日前剩落。

＊ 以上文字全用香港口語及大量白字表述，如閱讀時引起各方困難及不安，請多多包涵。