心軟
2012/10/12 08:40:43 網誌分類: 生活
如果紅豆是女人,應有迷惑天下人的本事。 牠本性嬌嗲,每次回家,總是第一個撲到我的腳跟前,兩隻腳站起來嗲聲嗲氣地叫,叫到你抱起牠為止。另一項本領是愛舔人的頭面手腳,用舌頭替你磨砂,就算我左閃右避,牠都不放棄,直到我忍受不了放牠下地;可牠又抬頭眼睛水汪汪的望住你,教你不忍心拒絕牠太久。 牠這項纏人的本領,在飯桌上更是無往而不利。和大班朋友吃飯時,紅豆聞到牠最愛的蟹味和蝦味,一躍而上客人的大腿,望實別人拆蟹死也不肯走,有的客人不肯給,牠等了一會無收穫,即轉到另一個客人的大腿上,等到人家心軟給牠一點,牠知道纏這個客人有着數,吃完又再跳上去。抱牠走,牠大聲喵叫抗議,轉過頭又溜回來。 很少給貓吃人的食物,其他貓熟知我脾性,習慣了不會圍在飯桌上討吃,唯獨紅豆總能嗲出好吃的來。對住牠的水汪汪眼晴,又確實幾難抵擋的。 關慧玲 |
紅豆= elegant
最好唔好啦,,,
真係唔可以比人類食物呢,,其實,,我心一定軟過您,不過,我更是個緊張大師,,,,,,貓爺有d小事,,我就陣騰騰架,,.............所以我好要小心,,
關小姐,您可試下"偷鷄",換了貓小食比佢,,我相信您班寶貝貓爺,一樣收貨,,,,
pak ma,你家教真好丫。要學習學習。我都唔俾,但佢地總有嗲的方法,於是偶然犯例,俾些不咸的牠們淺嚐囉。
hi,我一定唔比人的食物我愛貓食,太危險,,,到貓爺老時,您就知味道
牠們貓b開始,,已經教育牠們(當貓奴開飯時,牠們不可參與),,現在進化倒我一放碗筷在枱,,牠們便入晒房睡覺,哈哈,,我都好老懷安慰架
我試過腸蛋麵唔見咗條腸腸!!! 我昨晚飲苦茶都有主人嚟偷飲呀!!!
我都試過比佢地担走左隻雞翼
紅豆真係好斯文, 我家的就成班貓賊, 一行開就一湧而上來...
紅豆又識嗲人,對人對貓佢都咁溫柔,如果佢真係女人,真係會迷死好多人...