集體回憶
昨天,在的士上聽新聞報導,指一群小伙子反對清拆皇后碼頭,已經絕食廿多小時。
的士大佬沒聽完,已經破口大罵:「乜係集體回憶?整班友冇腦架。集體回憶就是殖民地統治,就係曾經效忠英女皇。」他繼言:「香港教育失敗,教育出一班咁架市民,沒有獨立思想的能力,有人話乜就乜。自己唔識諗吓。」政府都係豬頭架,就晒班友,話將皇后碼頭搬去大嶼山。頂!搬去大嶼山仲係皇后碼頭?浪費納稅人金錢。拆就拆啦,有乜好回憶架。捐五千萬俾公益金好過啦!好過將搬碼頭的五千萬丟落咸水海。你話係唔係?
昨天,另一篇新聞報導,看的我也火滾。「九龍皇帝」曾灶財死了,他在城市中的涂鴉也成了墨寶,也成了集體回憶的一部分,還要加以保護,還有人擔心被破壞。
天呢!香港怎麼了?
曾灶財當年「練字」的時候,政府每年花費廿幾萬幫他清洗墨跡。曲指算算,就以廿年來計吧,政府花了納稅人400多萬元,如今看來,納稅人的錢不是白花了?
政府也應該懂得獨立思考,不應該遷就再遷就,有幾個所謂的藝術家走出來炒作,政府也跟著人家屁股走。
又聽的士大佬話:「大陸這幾年發展的好好,人家向前看。香港倒好,向後看,要回憶。你話,點可以唔俾人追上來呀。睇吓上海,真正的東方明珠,香港,玩完啦。」
聽得我無言以對。
早年聽人說,香港是尋夢者的樂園,甚麼事都可以發生。越來越覺得有道理,就如長毛可以做立法局議員。
其實我都好迷惘,究竟點先為之古蹟?
如果冇o左件實物o係度,個回憶就冇法喚起,咁個回憶仲有乜意義?唉........又係乜鬼「集體回憶」嘛........我都聽到厭倦喇........
呢班友都唔知道心裡點諗嘢嘅?
吓吓都話要乜鬼「集體回憶」,樣樣嘢都話唔好拆,要繼續保留,佢哋有冇諗過現時 香港 咁嘅環境,究竟係咪咁適合保存〝古蹟〞嗎?
大家又似乎忘記咗人類科技上其中一項偉大發明........照相機,不論係舊式傳統的照相機,還是最新科技的數碼相機,可以將眼前的景物立刻拍照下來,永遠保存住呢一刻的景物,其實我覺得咁咪仲好咯........
文物古蹟是應該保留的。
皇后碼頭有什麼價值要保留呢?是為了有「皇后」二字就是「古蹟」吧!
為了一個碼頭清拆就來了一輪爭論,那麼香港什麼都不要改進了,停留下來算了;因為每地方改建,都會改變以前的面貌的。處處都要回憶,最好連舊報紙也不要扔掉,留待將來來回憶!
事實上他們的動機,就是抗議,是給政府難題,也博自己出名!
好多人真係食飽飯冇野做。什麼都話不許拆,香港今日豈不仍是漁港一個??
至於曾灶財,怎樣說都只是一個塗鴉的傻佬吧回憶o既事, 大把啦~
好想問,皇后碼頭對這班反對人士有甚麽回憶之事?