大凌集團（0211）東方日報．周維秉

自 ○ 四 年 起 停 牌 的 大 凌 集 團 （ 0211 ） ， 日 前 剛 宣 布 業 績 ， 轉 虧 為 盈 ， 公 司 又 宣 布 派 末 期 息 ， 本 來 小 股 東 有 番 些 少 安 慰 ， 無 奈 公 司 長 期 停 牌 ， 收 番 雞 碎 咁 多 利 息 ， 又 點 補 番 呢 三 年 幾 的 機 會 成 本 損 失 。 大 凌 去 年 虧 損 1,400 萬 元 ， 今 年 賺 601 萬 元 ， 期 內 營 業 額 達 1.09 億 元 ， 較 去 年 的 7,160 萬 元 上 升 52% 。 董 事 會 建 議 派 發 末 期 息 ， 每 手 可 獲 22 元 ， 或 每 100 股 可 獲 22 仙 的 現 金 股 息 。 股 東 可 選 擇 以 股 代 息 。

「 保 密 」 理 由 做 擋 箭 牌

另 外 ， 持 有 少 於 1 手 或 100 股 以 下 的 股 東 ， 在 收 取 現 金 股 息 或 以 股 代 息 時 ， 可 能 會 遇 到 技 術 或 支 援 性 困 難 ， 因 此 集 團 已 委 託 長 雄 證 券 公 司 代 為 處 理 有 關 問 題 。

大 凌 表 示 ， 該 公 司 自 ○ 四 年 四 月 廿 一 日 起 停 牌 ， 為 向 所 有 股 票 持 有 人 表 示 歉 意 ， 經 董 事 局 同 意 ， 決 定 派 發 免 費 禮 品 予 合 資 格 股 東 ， 務 求 與 所 有 股 東 ， 共 同 分 享 去 年 的 業 績 成 果 。 大 凌 咁 做 又 係 於 事 無 補 ， 反 而 快 快 向 港 交 所 申 請 復 牌 至 係 報 答 股 東 的 最 佳 方 法 。

集 團 披 露 的 資 料 顯 示 ， 公 司 營 運 已 上 正 常 軌 道 ， 當 中 單 係 武 漢 其 中 一 個 項 目 ， 已 經 收 取 過 億 元 現 金 。 老 周 硬 係 唔 明 何 解 監 管 當 局 遲 遲 不 批 准 復 牌 ， 當 中 出 乜 問 題 ， 公 司 有 需 要 向 小 股 東 交 代 ， 監 管 當 局 亦 應 表 一 表 態 。

大 凌 集 團 停 牌 至 今 已 三 年 多 ， 一 批 資 金 被 綁 的 大 凌 集 團 小 股 東 ， 早 於 六 月 自 發 組 成 「 大 凌 集 團 小 股 東 權 益 關 注 組 」 ， 其 召 集 人 兼 主 席 蕭 炎 坤 表 示 ， 要 求 大 凌 集 團 及 港 交 所 解 釋 大 凌 停 牌 的 原 因 ， 以 及 盡 快 公 布 大 凌 的 復 牌 條 件 及 日 期 。

呢 個 小 組 表 示 ， 曾 分 別 去 信 大 凌 集 團 及 港 交 所 上 市 科 查 詢 有 關 大 凌 停 牌 同 復 牌 的 問 題 ， 但 兩 者 皆 以 保 密 為 理 由 ， 沒 有 詳 細 交 代 。 當 日 大 凌 集 團 停 牌 的 原 因 ， 只 係 簡 單 表 示 等 待 公 司 發 表 一 份 有 關 供 股 建 議 ， 但 之 後 一 直 沒 有 復 牌 ， 也 沒 有 任 何 交 代 。

大 凌 停 牌 超 過 三 年 ， 期 間 公 司 一 直 有 運 作 ， 但 係 停 牌 咁 長 時 間 ， 查 實 已 經 可 以 畀 交 易 所 取 消 其 上 市 地 位 ， 但 雙 方 一 直 神 神 秘 秘 ， 又 唔 肯 講 因 乜 事 要 停 牌 ， 小 股 東 資 金 被 綁 ， 真 係 一 殼 眼 淚 。

當 局 何 以 保 障 小 股 民

老 周 上 個 月 都 講 過 ， 一 名 投 資 者 在 場 外 以 每 股 平 均 價 2.4 仙 ， 買 入 相 等 於 公 司 已 發 行 股 本 近 兩 成 ， 大 凌 主 要 股 權 變 動 ， 又 係 無 交 代 過 呢 件 事 。 港 交 所 對 此 則 表 示 無 意 見 。 作 為 小 股 民 ， 自 己 投 資 間 上 市 公 司 乜 都 唔 使 交 代 ， 慘 過 肉 隨 砧 板 上 ， 至 大 鑊 係 公 司 停 牌 ， 想 投 降 亦 無 辦 法 。

港 交 所 經 常 口 口 聲 聲 話 保 護 小 股 民 ， 但 實 際 上 又 係 不 聞 不 問 ， 單 係 大 凌 股 東 爭 取 復 牌 已 幫 唔 到 手 ， 作 為 監 管 機 構 ， 由 得 小 股 東 被 魚 肉 ， 請 問 句 何 來 有 保 護 小 股 民 利 益 。