環保觸覺再勝一仗 庫房再少收十億

今天下午黃大仙拍地, 原本市場估計可以賣倒約五十億. 但實際成交價未到四十億.

恭喜嘉里建設以筍價奪得靚地!!

地盤可建樓面面積約九十二萬呎, 計約25%發水 (已經很保守了, 現今發展商發水已可達三成以上), 即可售樓面面積約一百一十五萬呎. 以每呎七千五蚊計 (也是很保守了, 小弟計此項目將來平均可售倒八千蚊呎.), 共可售得約八十六億. 以嘉里表示投資約55億元計(已包地價), 項目利潤至少可達31億 (或 31/55 = 56%).  利錢之深可見一班.

咁好搵, 點解其他發展商唔舉手推高地價呢? 其實小弟在 “屏風效應 西九拍地 庫房少收十億” 一文中, 已解釋了! 而小弟所講的發展風險, 亦事實上正在發生! 政府在屏風樓的議題上, 一直只做縮頭龜. 一直不敢發出清晰的指引. 在近期的發展項目上, 對發展商提交的方案只行拖字闕. 今次發展商收手拉低地價, 其實是對政府的態度, 作出一個無聲的反擊.

庫房再少收十億, 苦了的又係納稅人.