年廿八
2013/02/08 08:41:33 網誌分類: 生活
| 年近歲晚，全屋都要清潔迎接過年。先把貓廁所裏裏外外洗一次，重新鋪上一整包乾淨貓砂，貓碗也浸洗過，貓睡的地氈早一天已洗好曬乾，鋪在地上。之後才全屋大掃除，掃塵抹窗拖地搞足大半天。 別以為一屋乾淨好過年，搗蛋鬼總會來搞局。 一夜無話，早上醒來，兩隻曳仔在玩兵捉賊，把平放的地氈踢到揭起，不知誰個又在上面嘔了毛毛，再看廁所，經過七貓輪流幫襯後，開始有些味道。再看廚櫃，又被米爺打開了，在裏面搞個天翻地覆，紙巾扯了一地。至於客廳的桃花，應該是有衰仔在玩撲花，一地都是掉下來的花碎……屋企比未執前更凌亂，看來之前是白忙了。 在凌亂中，七貓爺卻自在地舔腳，完全不覺得亂到七彩是問題。貓的清潔觀念與人是有一段距離的，又或者，對家有搗蛋貓的人來說，基本上日日都是年廿八。 關慧玲 |
 | |
桃花下既米米好神氣呢!!!
無錯，貓愛乾淨，但佢地係期望人同佢地保持清潔，一日唔掃地，就不得了。如果佢地可以幫忙做家務就好了。
關小姐,佢地大爺係向你表達不滿,唔鍾意你執得間屋太乾淨呀 ^o^
Nicely shot picture !!!
米米媽:
聽你咁形容第2日既情況, 可以感受到真係亂過未大掃除之前,地毯上的嘔吐....一地桃花....廚櫃紙巾碎....真係眼前一黑