武是止戈學是覺_1

學字, 根據說文解字的詮釋就係覺! 呢種覺, 最高層次就係感覺. 所以, 古代高手可以閉目矇眼或夜不見燈之時同人過招之下全身而退. 呢種覺, 唔係憑武技可以練番黎, 而係憑內心仁慈一念, 同宇宙自然界合為一體. 新學武既人成日同人鬥快鬥力; 練武有年既人會走入以柔制剛既層面; 真正高手係求慢, 以慢勝快!

不過, 唔好以為高手求慢就真係慢至得! 呢種慢, 係極速既快! 呢種極速既快, 就係快到肉眼睇唔到; 快到外人以為冇郁過冇出過招; 快到對手未出招前經已中招認輸! 雖然贏左, 真正高手唔會承認有贏, 或會講打成平手; 或會講切磋完畢; 或會講自己輸左! 呢種胸襟就係武德! 以德入武先至可以止戈, 先至係英主!

~~待續