傷心十週年_張國榮

無人會忘記哥哥張國榮先生! 從中學時代, 筆者喺當年嘅威靈頓英文書院禮堂, 聽住學兄張國榮唱American Pie; 到佢參加麗的嘅歌唱比賽時仍然唱呢一首American Pie攞到冠軍. 之後, 佢加入麗的, 做左幾年, 浸出演技. 一套[浣花洗劍錄]嘅方寶兒, 留住萬千好感. 到轉身無線, 憑風繼續吹跟Monica成為超級巨星.

從此一帆風順嘅佢, 都為左突破問題而暫時退出歌壇, 令所有愛佢嘅歌迷傷心欲絕! 後嚟再次復出, 又令所有歌迷歡喜若狂. 到最後, 佢無言哋忍痛離開, 再次令全球愛佢嘅歌迷不敢相信之餘, 日夜以淚洗面. 時隔十年, 相信哥哥喺另一個空間生活得好好, 一班擁戴嘅有心人將會舉行十週年紀念活動獻比哥哥張國榮.