限罐令
2013/03/15 08:41:25 網誌分類: 生活
聽聞尖東忌廉哥被主人下了限罐令,不能吃太多,因為牠已經十分肥。我回頭看米米,牠的腩肉已經成個韆鞦一般。問牠要減肥嗎?牠喵了一聲,扮可愛。 要限制牠吃可真不易,牠對開飯最敏感,老遠聽到打開廚房櫃門的聲音,總是第一個箭步過來,飛快吃完頭圍,之後再爭別人吃的,酒過三巡才施施然離開。如果牠要減肥,就要七貓齊齊減糧陪牠節食。近期阿寶和Kidd消瘦不少,又不敢減太多。 肥人後遺症如心臟病、呼吸困難、糖尿病及關節炎,肥貓亦一樣會患上。獸醫朋友說,目測貓狗是否肥胖不難,只要向下直望貓身,如完全沒有腰間凹位甚至向外凸出的,就可能有肥胖問題。 肥米現在十幾磅,好在牠好多運動,也很敏捷,自己成日無端發癲在廳裏狂跑,或者追趕骰仔鬥蠻力,肚仔繼續擺呀擺的非常誘人。我想,牠能跑能吃,總比奄奄悶悶的好,到牠真的肥到無腰再算吧。限罐令?都係諗下先。 關慧玲 |
關小姐:
不能停, 星期五第一段看就是您的文章, 不能停
每次見到佢地好鬼懶洋洋大字咁攤向樹, 就連自己都覺得好幸福呀
米米有多重呀???
我家拖肥約7.7kg(英短仔,下月7歲),一生都處於減肥中,但卻越減越肥,唉
我啲貓都係呀, 次次去檢查醫都話要減肥.
試過停止長糧, 都係差唔多.
唉! 日日攤喺道...
關小姐:
千祈唔0好俾個blog停呀,我每逢星期五最大樂趣就係上網睇關家大爺們o既攪鬼野,up date遲d我都囉囉鬈架 ^o^
8012
哈哈,你不否很喜歡今期的文章呢,你post咗四次回應呵。
米米係好難節食的,佢太鍾意食嘢啦。不過佢對人的食物興趣不大,只喜歡貓餅和罐罐,不會太咸,相信健康仍不錯。
ankinkin
係丫,肥米好食得好瞓得亦好疴得,所以未有好熱切咁迫佢減肥呢...因為佢天生曵,成日郁,肥都好敏捷下架..
臻淇貞子,
多謝多謝你捧場啊!!!!!!!!!!
其實有時都寫到有啲攰下,但如果你地對肥米的生活仲有興趣, 我就有動力寫下去......
關小姐:
睇相都唔係好過份肥, 稍為節制便可, 最重要有四得, 食得,痾得, 瞓得, 玩得! 就咩都得!
關小姐:
睇相都唔係好過份肥, 稍為節制便可, 最重要有四得, 食得,痾得, 瞓得, 玩得! 就咩都得!
關小姐:
睇相都唔係好過份肥, 稍為節制便可, 最重要有四得, 食得,痾得, 瞓得, 玩得! 就咩都得!
貞子小姐,又唔好咁講...
各貓有各貓的可愛處,我米米同忌廉哥都like,不過最鐘意都係自已屋企個兩隻英短
平時屋企無人,所以有放長糧。屋企4隻,其中一隻亳無節制,越食越肥。其中一隻唔係好食,唔放長糧就要放工後handfeed。handfeed多又怕佢太依賴...
結果一係就一隻越來越肥,唔係就另一隻越來越瘦...好煩...
佢地兩個以前都有互相差差吓玩,依家都冇。可能因為隻肥仔以前係BB,依家又大咗又肥咗,隻瘦覺得佢initimidating
哈哈.,,,相中看丁得出真真同米米都幾老友呀,,,,,,
我都覺得貓兒肯食肯飲水肯玩肯瞓,,做主人,,已經好安心的了,,,
如我的貓兒,,肥肥地,,,已經不給牠們零食,,,是可以廋d架
零食就改為種新鮮貓草,,對牠們的腸胃又有益,一樣食得好開心
2隻肥貓又響度賣萌 ^o^
阿寶和Kidd無事嘛?
得罪講句,我有like忌廉哥個fb,不過真係唔覺佢有幾可愛,係肥囉,但表情各樣都係肥米Q D,連捕貓捉影版主影D街貓都多表情同萌過忌廉哥,可能因為忌廉哥D相同內文九唔搭八啦~
好可愛既一張相....^^