虛驚一場
2013/03/22 08:41:33 網誌分類: 生活
有了小甘前車之鑑,對於年紀漸大的貓,真要打醒十二分精神。老貓身體機能漸弱,病痛日多,近日見阿寶一直瘦下去,擔心牠身體有事,捉了牠去看醫生。 醫生摸勻牠全身,問了牠的生活習慣,發現牠有口氣,說要驗血,報告出來一個指數偏高,一個指數偏低。他再觀察牠在籠子裏不知是緊張還是亢奮,心跳快得幾乎爆燈。他再問阿寶是否不時表現亢奮,擔心牠是甲狀腺機能亢進症。 想起阿寶有時會無端追咬自己的尾巴,便跟醫生說了。他認為最好多做兩個測試,包括T4(甲狀腺素水平),因為甲狀腺素高,嚴重的會因為心跳太快而心律不正,甚至猝死。 等報告的那個下午,真的食不知味。結果呢,是正常過正常。其實阿寶不過是牙肉發炎,令牠無心機吃少了,才日漸消瘦。 和醫生面面相覷,瞎擔心搞出一場大龍鳳。不過錢是大把的花了,知道阿寶無事,唯有說花得值。 關慧玲 |
sammcheu ,
有人話綠豆水可助去燥熱,尤其長年吃貓餅的貓咪,口腔常熱氣。但我唔知怎樣令貓對綠豆水有興趣呢?
貓可否飲涼茶 , 菊花水之類.
同意!錢洗左可以慢慢賺番,健康先最緊要,尤其家中寶貝,佢地唔識講有乜唔妥,靠既係我地觀察同帶佢定時 body check. 大家加油!
關小姐:
說得對!錢花一大把不打緊, 最緊要得知牠們身體無辜就安心, 並可對正照料。
食多 d 嘢 , 身體強壯 d , 病都少 d .
貓貓25, 26 歲都可以很健康, 還可以跑跑跳跳.
紅豆小姐很有儀態
嘩,,,,,阿寶十五歲喇,,,,好犀利呀,,係太爺爺來了,寶爺加油,您有關小姐照顧,,生活一定繼續愉快和安心
臻淇貞子,
kidd都瘦不少,不過佢比較精神。下次再帶佢驗血。
mtleung,
阿寶十五歲了。現在是家中老大啦。
sammisp821,pat ma,
係丫,仲要俾阿寶食營養高的。不過首要是替牠剝牙,但牠年紀大,唔知麻醉會否有問題,要問醫生意見。
瘦到腳仔軟,咁阿Kidd呢?上星期你話佢同寶爺爺都瘦左架喎
阿寶真係廋了好多,,,,牙肉發炎都好辛苦,因唔會即刻好返,,暫時比些流質食物阿寶,補充營養先喇,,太廋冇營養,,會影響倒牠的身體機能架,,請教下獸醫吧,,飲奶奶(貓專用),或要食住營養高的濕糧。
關小姐,您是位非常負責任的好主人,對每隻貓爺都照顧有加,我好敬重您的
好彩無事...一於開罐罐啦, 仲要係每位貓爺一罐...yeah...
既然無事, 咁要開罐頭當同佢擺大壽慶祝下囉
其實阿寶今年幾大呢!?