肥佬退休
2013/04/30 08:41:43
網誌分類:
生活
西九海邊這堆充氣展品，撇開藝術水平策展方向不論，造型充滿娛樂性，聲勢也有，而且這麼一爆，大家又添知識，原來充氣藝術品，通常受不住風吹雨打云，就如這「篤屎」，輕身兼駁位多，就出事了。
展覽只做了兩日，「篤屎」就漏氣打回原形，「蓮花」又放氣，一Pat膠袋塌在地上，都算失禮。
展品有風險，事先應知，西九管理局何解未有做足預防工夫？
吾友中年藝術家見多識廣，M+今次穿崩，她說：「算啦，反而上次油麻地M+展覽，就真係要鬧。」原來展覽講明，要在社區撒播藝術種子，讓大家集體創作西九社區的藝術品，但去到油麻地，才發現取材完全鬼佬口味，說明有英文無中文，「在油麻地上海街喎，市民點睇？」真抵鬧！
講開管理局，傳訊總監陳家燿七月退休，順便找Garmen問問，他說「六十歲啦！」啊！時間過得真快，筆者入行時，他是《南華早報》高層，大好人一個，在西九做了三年，社區諮詢行政會立法會都通過，合約完，大功告成走人，「下階段做marketing，唔係我個瓣」他說。
知道筆者教點書，他吩咐，「你最緊要教ethics同protocol，教啲學生，問題幾尖銳都得，但要有禮貌。」前線記者招呼得多，經驗之言了。教當然教，但學生行出校門，見到才子名記者一開口，唐唐當奴咁叫，問問題呼呼喝喝，立即有樣學樣，而且年輕人無禮貌，也不獨是記者，只能盡做！
盧愛玲
回應
(0)
我要發表