新台新景象﹖
2015/08/25 08:41:10 網誌分類: 生活
按道理是，但這叫程序，政府做乜都要講合乎程序。發個新電視牌，要諮詢公眾，要通訊局政策局行政會議先後通過。全部做完，等多久新台才開播？看看誰是申請者吧！王維基等了五年，仍未有牌，有線和now反而已經攞到。
亞視明年三月底收工，新台新亞電視能否緊接開播？主席邱達昌話，牌照到手後六到九個月，就能啟播，換轉講，九月底前攞到牌先得。九月底，諮詢才剛做完，時間太緊逼了，新牌肯定發不出，觀眾等睇免費now易啲！
搞新聞的，當然關心新聞點做。新亞不做二十四小時新聞頻道，改辦體育頻道，前輩老鬼話啱，話本地二十四小時新聞頻道已經有幾條，觀眾不愁無得看，只愁撳來撳去看不完，反而體育頻道無着落，新台肯辦最好，體育新聞可播多啲。至於「不與中國對抗，做應做的事」，就話唔明喎！
邱達昌一句「子彈充足」，羨煞多少人，手握四十一億銀彈，不必自己拍劇，與獨立公司合作或外購，點揀點買都得。邱公開讚王維基，隔空講合作，觀眾自然樂見其成，希望兩個加埋now，齊齊撼無綫，搞場電視風雲。至於能否播入內地，電視台老闆個個都想賺內地錢，無綫已搵來中國梅鐸助陣，邱先生亦不例外。
其實市民有乜想法？想睇甚麼節目？六星期好快過，到時就知。
盧愛玲
回應 (0)
我要發表