轉過彎
2013/10/18 08:41:17 網誌分類: 生活
哥哥吃得真多,一隻貓狂掃四份貓餅,搞到其他貓都不夠吃。 牠的頭等大事,就是等吃,每朝早一聽見我起牀的腳步聲,就已企到門邊等,其他貓在伸懶腰、舔手舔腳,但牠只專心看着我,一待分發貓餅,就自個兒獨霸四個位埋頭苦吃。其他貓不跟牠爭,牠就愈吃愈多,直到吃清為止。 六個月的哥哥極速長大,現在身體長度已跟Mo仔一樣,闊度則向着骰仔邁進,因為自己日間不在家,無辦法不放長糧,可是牠這種狂風掃落葉的吃法,我恐怕比較膽小如小Miu等無得吃要捱餓。 我想起分散投資法,平時哥哥愛吃的就放一份,另備兩個貓兜分別放得滿滿,放到另一邊。果然哥哥埋頭埋腦吃清後,乍看以為只得咁多,舔舔手走了出去,其他貓才有空間多吃一點。 不過,奸計只能得逞一兩日,第三日,哥哥已循氣味找到這兩個貓兜的位置,於是將它們轉到廚房的另一邊,如是者試了好多日,雖然最後都被牠找到吃掉,但能拖延一天或者幾個鐘頭才被牠吃到,都是好的。 關慧玲 |
關小姐:
睇條尾就知, 何其粗壯, 大大碌尾巴, 唔使睇肚仔。
關小姐:
睇條尾就知, 何其粗壯, 大大碌尾巴, 唔使睇肚仔。
哥哥好靚仔呀,,,,,,, 佢食得咁開心,,真係唔忍心"閘住佢個胃"囉
身形成強烈對比
關小姐,如果日間將哥哥仔分開安置得唔得?
8012,
唉,你睇下哥哥肚仔丫 好似有咗咁丫!
無辦法哥哥仔現在是發育期, 肥米無得擔心, 當減肥好了
無辦法哥哥仔現在是發育期, 肥米無得擔心, 當減肥好了
體型又真係差好遠WOR....要再諗諗辦法先喇, 難怪肥米開始擔心,除左擔心地位不保, 就係糧食不保....