陸羽仁
陸羽仁
陸羽仁

內銀尚可

2013/10/28 10:13:16 網誌分類: 經濟
28 Oct

    亞馬遜及微軟第三季度業績好過預期,股價大幅飆升,市場情緒高漲,而最新公布的消費者信心指數創了12個月新低,進一步加強市場對聯儲局壓後退市時間表的預期,美股上周五造好,杜指升61點,收報15570點,而標普500指數漲8點至1760點,創盤中及收市歷史新高。上個星期,杜指升1.1%,標普500指數及納指漲0.9%。表現最好的板塊係工業股,大升2.2%,金融股則逆市下跌0.4%。美國國債息口繼續回落,10年期國債回落至2.5厘水平。

    美國9月份的耐用品訂單較上月增長3.7%,好過市場預期的2.5%3%10月消費者信心指數的終值為73.2點,差過市場預期的74.8,且遠差過上月的77.5點,係去年12月以來最低。據彭博社調查,消費者之所以對未來經濟增長失去信心,主要原因係愈來愈覺得政府已經成為經濟進一步強勁增長的首要障礙。

    正正係投資者唔睇好經濟增長,對大市的走勢反而變得更為樂觀。市場普遍認為大市仍會漲到年底,主要原因係預期聯儲局今年都唔會採取任何退市行使動。PIMCO的資深分析員Tony Crescenzi日前表示,由於政府停運,聯儲局未能掌握到充份的經濟數據,市場上有太多的不確定因素,因此估計當局唔會採取任何動作。退市時間表會往後推一推。

    另有分析員指出,即使採集到相關的經濟數據,但由於所收集數據的時間及程序已經給打亂了,例如原本在月底公布的10月非農就業數據要褪到11月初才能公布。數據的恆常性已有偏差,未必能正確地反映經濟真實狀況。

    沒有了QE退市的憂慮,美企業績表現成為左右大市的主要力量。美企第三季度業績普遍表現不俗。例如亞馬遜上周五公布的業績好過預期,股價就勁升近一成!截至上周五 243家已公布業績的企業,當中有68%的盈利好過預期,收入好過預期的則有54%。今個星期,將有近四份之一的標普500成份股派成績表。分析預期美企績優股將繼續推動大市向上。

    當然,唔係所有分析都對後市咁樂觀。有分析指大市現時最大的隱憂係牛氣太盛。據American Association of Individual Investors做的最新調查報告顯示,睇淡後市的投資者人數跌至21個月最低,睇好的人數升至10個月以來最高。認為未來6個月內美股會跌的人數比例大跌7.3%至只有17.6%,係20121月以來最低。熊市情緒在7個星期內由平均30.5%下跌了5倍!人人都睇好,大家反而要加倍小心!

    事實上,美股已經出現超買的情況,標普500指數今年已經累積升了22.9%P/E已經去到16.5倍,高於15.8倍的平均值。市場已經去到高危的位置啦!

    股神巴菲特此亦都提及,美股現時未到爆煲的地步,但要搵平貨已經好難。相反,中國股市近日由高位回落,且正在尋底,平貨唔難撈。此前提及一個板塊值得留意的是內銀股。

    建行(939) 昨日派成績表,首三季淨利潤1765億元人民幣,按年增11.6%,經營收入3789億元,按年增10.6%。期間利息淨收入2865億元,較上年同期增長9.8%。手續費及佣金淨收入801億元,增長14.5%。不良貸款率1%,較上年末下降0.01個百分點。負債總額接近14萬億元,較上年末增加9229億元,增加超過7%;存款12.12萬億元,較上年增6.8%。存貸比率為69%,保持在合理水平。截至今年9月底止,公司資本充足率13.5%,一級資本充足率及核心一級資本充足率同為10.9%。較今年6月底分別升0.180.21個百分點。

    陸羽仁在專欄提過內銀股業績唔錯,可以趁低撈下。中國下月召開十八屆三中全會,市場陸續傳達出有關這次全會的一些信息。民生證券首席經濟學家邱曉華上周表示「中央將於是次會議提出全面深化改革,改革範圍之廣,力度之大,都將是前所未有。中國經濟社會發展將迎來新的機遇!」

    有消息指中央將要求降低金融行業準入門檻,大幅降低各級政府對金融機構的持股比例,又會加強國家對金融機構的控制力。中國加快經濟改革,銀行業反而將會加劇競爭及監管,對股價將造成一定的壓力。要撈底的話,轉向撈反映整個國企股的恆生H股ETF 2828),會比買內銀穩陣啲。

我不在港暫停答問一天


陸羽仁


回應 (26)
我要發表
k-i
k-i 2013/10/29 12:08:55 回覆

陸sir:咁呢隻普華和順(1358)點睇?thx

陸羽仁
陸羽仁 2013/10/29 11:46:20 回覆

Ki:重慶銀行估佢表現一般,幾巴仙升幅。 講炒作Mega Expo好啲。

陸羽仁
陸羽仁 2013/10/29 10:38:10 回覆

陸羽仁覆網友

 

Wood:3800可以低吸,但做間尺黨睇佢可以再回深啲,或者現價一注,等回到2.25第二注,可能安全啲。

 

勝不驕:民行唔係幾好,招行都可以,但走勢略弱於工行、建行。

 

Any: 招行係平過工行、建行少少,佢係進取啲,但而家講利率市場化,中型銀行風險大啲,所以市場偏愛工行、建行,認為佢地多大型國企客,唔會走得咁快,可話市場口味變咗,由進取變成避險。

另外留意內銀慢慢變成中移動動咁樣,係有風險的行業,不過中移動10.1倍市盈率,4.3厘率,工行6.2倍市盈率,5.7厘息,又唔可以當內銀咁高風險,不過買入唔使用「做人世」的心態去揸,升番10%又可以走一轉。

 

落錯車:你問好唔好用600萬去買樓。政府放毒,樓市中毒,利息大環境慢慢上,雖然中間有波折,樓市可以反彈,但中線都係慢慢落,要回番兩三年,到美國10年債息上番4厘較正常水平時(而家2.5),才睇到樓市點樣。可以等再等一吓吧,若老婆唔等得都無辦法。

 

依家控股:美國大升跟本就因為水多,唔係因為經濟好,企業盈利OK啦,唔係咁標青,萬一真係明年升多20%,只係俾高啲市盈率,咁股市都有泡沫,爆的機會增大。暫時泡沫不是很大。四圍都係平錢,係咁依借錢可以買樓及做生意,都唔講話炒股啦。

animal666
animal666 2013/10/29 09:38:24 回覆

{#icons_dog5}

 

子龍 (kaka就是大叔的契哥)
子龍 (kaka就是大叔的契哥) 2013/10/29 09:36:11 回覆

盈大.....絕...... {#iconb_374} {#iconb_374} {#iconb_374}

animal666
animal666 2013/10/29 05:51:27 回覆

{#icons_dog5}

 

animal666
animal666 2013/10/29 05:06:08 回覆

癲炒股仔
2013年10月29日

  港股上周在外圍高收,香港預期高開,但反彈力度一般,全日升幅都在一百點左右,主要係市場觀望下個月三中全會的政策出台,加上內地息口繼續抽緊,限制了港股升勢。

  撈內銀不如撈2828

  傳統上三中全會未必一定有好多經濟政策出台,但習李上場,外界估計強勢的新班子要有所作為,方向之一是推動產業結構改革。日前,被指係國家主席習近平「軍師」的發改委副主任劉鶴,就傳出提交了引入競爭提實質建議,包括中央政府不再直接規管成品油價;高電量用戶可直接與電企訂立合同,以達「電價上網」;並再次重組電訊企業等。

  內地為壟斷性行業引入競爭,似乎已成為今屆政府發展方向之一,除了油價、電價,對香港股民最有影響的,可能是利率市場化對內銀的衝擊。因為這個原因,內銀股今年表現一直弱勢,建行(939) 股價及相關新聞 第三季多賺9%,被指屬市場預期較差的成績,管理層舉行電話投資者會議,就指存款下跌主要由於保本理財產品的入帳方式改變,強調資金成本比例合理,股價隨大市漲0.06元,報5.77元;工行(1398) 股價及相關新聞 亦升0.06元,報5.2元。

  由於政策不明朗,加上拆息高企令內地股市再度腳軟,資金吸納意欲低,港股餘下大部份時間在22800爭持。恒生指數收報22806,升108點,國企指數收報10258,升80點,成交金額縮減至481億元。

  中環茶友中,有唱淡內銀派,話自己兩、三年前開始,已經無再買內銀股,佢咁做唔淨止因為外資唱淡內銀股貸款質素,又或者影子銀行危機,而係早在工商銀行成為全球最大銀行時,就要對內銀興趣大減。茶友話,工商銀行無錯係內地質素最好的國企銀行之一,但從佢市值大過摩根大通、花旗呢啲跨國銀行,就令人有啲不安啦。中國目前係全球最大發展中國家,美國已經係全球最大已發展國家,加上美資銀行係全球搵食,市值都唔夠工商銀行大,可見四大國企賺取的暴利幾厲害,遲早必然會引發改革,所以就算內銀股隻隻大件夾抵食,佢都唔係太開胃,𠵱家政策浮面,撈內銀不如買隻2828恒生H股ETF仲穩陣啦。

  大藍籌動力麻麻,但好多股仔炒到癲,搞到股民紛紛即日跟炒。唔計其他無厘頭亂炒股份,最標青係市傳土地儲備不多的盈大地產(432) 股價及相關新聞 ,或有機會獲主席李澤楷注入新收購的富衛保險,消息刺激盈大爆升,午後仲停埋牌,待發內幕消息公告。停牌前報2.94元,大升0.74元或33.64%。

  盈大注資要考財技

  富衛保險掌舵人係前港交所主席夏佳理,他於第26屆太平洋保險會議上表示,小超人對保險市場非常有興趣,同股神興趣差唔多。富衛保險的投資至今已經超過20億元,將來仲可能會加碼。

  盈大地產8月時公佈上半年業績,生意真係毛毛雨,半財年營業額唔夠5億元,按年減少41%。純利增長則有7%至3100萬元,又唔派中期息。股價自2004年初的4.8元大插至2元,之後的幾年都一直在2元上下浮沉。至2010年4月一度飆至3.15元,但又鋤番落嚟。香港地產愈來愈唔掂,盈大都可能係時候要轉型,不過,盈大帳面淨值14元,就算計埋發展的換股工具,淨值都高過股價好多,小小超點樣可以搞到注資,小股東又肯接受,就要考吓前港交所主席的財技啦!

  陸羽仁

 

animal666
animal666 2013/10/28 23:24:05 回覆

{#icons_dog5}

 

大戶終結者 ( 等人齊 )
大戶終結者 ( 等人齊 ) 2013/10/28 22:38:46 回覆

// 比 "多日" 時間來, 好不好!  //

"多日"? 

幾時先幫到動物兄? 幫大家有鮑魚食? 幫大家買平啲?   {#iconb_233}

子龍 (kaka就是大叔的契哥)
子龍 (kaka就是大叔的契哥) 2013/10/28 18:11:05 回覆

bluepanda: VHSI....查實有什麼用架??? 謝謝.

子龍 (kaka就是大叔的契哥)
子龍 (kaka就是大叔的契哥) 2013/10/28 15:00:15 回覆

馬仔: 噢...小超人咁好人, 發盈喜..... {#iconb_266}

幪面馬仔
幪面馬仔 2013/10/28 14:52:18 回覆

將軍· 為了美少女你有咩儍事做吾出??可能發盈喜。

子龍 (kaka就是大叔的契哥)
子龍 (kaka就是大叔的契哥) 2013/10/28 14:45:55 回覆

馬仔: 未知...尚未示意. 大手買入, 怎麼可能, 唔通會傻到走去買一球咩.... {#iconb_284}

幪面馬仔
幪面馬仔 2013/10/28 14:40:34 回覆

將軍, 發生咩事停賽?是否你大手買入形成股價不正常波動,故要停賽呀?

子龍 (kaka就是大叔的契哥)
子龍 (kaka就是大叔的契哥) 2013/10/28 14:09:59 回覆

馬仔: 重食米線, 咪買唔起貝沙, 走去買左佢隻盈大.... {#iconb_516}

幪面馬仔
幪面馬仔 2013/10/28 14:04:53 回覆

將軍, 邊隻停賽?我食緊米線啊!

子龍 (kaka就是大叔的契哥)
子龍 (kaka就是大叔的契哥) 2013/10/28 13:53:13 回覆

馬仔: 停賽....咁絕..... {#iconb_516}

animal666
animal666 2013/10/28 13:48:12 回覆

Brother cat ...

There is a delimma whether i should follow strict discipline or relieving myself from pain by cut-gain immediately ...

{#icons_dog5}

SIGH ...

DELIMMA ... DELIMMA ... DELIMMA ...

SIGH ...

 

animal666
animal666 2013/10/28 13:40:27 回覆

{#icons_dog5}

 

 KFC
KFC 2013/10/28 13:28:55 回覆

《大行報告》摩通升騰訊(00700.HK)目標價至506元 評級「增持」2013-10-28 11:13:45

摩通報告指,雖然騰訊(00700.HK)股價今年至今升72%,但相信目前股價尚未充分反映未來1-2年手機移動業務可帶來之貢獻。騰訊今年於社交平台推出6款手機遊戲,表現最好的一款首月已帶來1億元人民幣收入。因此,預期明年每股盈利增長將提速,由今年的20%增幅加快至明年的40%。

反映移動業務前景,上調2014-15年盈測18%及19%,較市場預測高13%及22%。目標價由433元上調至506元,即明年及後年市盈率分別為26倍及19倍,維持「增持」評級。(ca/m)

阿思達克財經新聞

animal666
animal666 2013/10/28 13:25:18 回覆

Brother cat ...

HSF further away from my cut-gain again ...

Please help ... help ... help me ...

{#icons_dog5}

SIGH ...

 

幪面馬仔
幪面馬仔 2013/10/28 13:13:09 回覆

將軍   {#iconb_223}

子龍 (kaka就是大叔的契哥)
子龍 (kaka就是大叔的契哥) 2013/10/28 12:17:10 回覆

破頸, 后抽, 受制, 雙頂, 支持......

今日買入432 {#iconb_381}

animal666
animal666 2013/10/28 11:01:51 回覆

{#icons_dog5}

 

幪面馬仔
幪面馬仔 2013/10/28 10:49:49 回覆

陸sir及各位C兄姐早晨!

user

最新回應

幪面馬仔
幪面馬仔 2021/03/08

門門

話時話星期一可能會升,我希望佢跌,俾你走貨。。。

好手痕,想沽期,但現真冇胆及時間。老了老了。

認同你說法,完美圖形如你說,但我有時覺得相差不遠亦不用太執著,但是否過頸線是確認圖形的關鍵。但大户亦用資金說明了,他們真金白銀買下去。

明天八婆可能會升,但我仍然覺得他要跌。

門徒
門徒 2021/03/07

馬爺小門唔認同八婆嗰係頭肩頂,右肩不應高過左肩 {#iconb_62}

子龍 (kaka就是大叔的契哥)

大戶契哥: 祖移動已歸類為收息股. 即是增長前景有限, 但派息穩定的標的. 問題是大市現在約三萬點, 如大市受制資金出逃而下跌, 收息股也會跌. 這是大盤風險呢.

很多時投資重點不在標的本身, 反而重點在投資者的素質. 是固執的投資者, 還是猶豫的投資者主導呢.

{#iconb_62}