包書
2013/12/15 11:31:24 網誌分類: 生活
早幾日從瑛師伯度攞左咁多曲詞,當中有好多重覆嘅;我諗有多份重覆果啲係佢出過騷嘅歌啦!
結果,都搵倒有幾十份曲詞係我冇嘅。果啲舊到得「叮、板」冇「工尺」果啲我唔留啦!果啲歌冇人識得同我唱,無謂花時間學。咁呢幾日咪努力包書囉...
我嘅藏書經已向五百本邁進啦....
早輪伴奏班教「唐婉傷別」,老師猛咁讚呢首曲啲腔好靚!但係果份曲詞、因為寫埋音樂師父伴奏果啲譜,所以花到唔恨。哈哈!居然響瑛師伯啲藏曲度搵倒個靚版喎,幾開心呀!
你地蝦我!
你都覺得佢離譜呢!
van、有冇比妳個仔激親呀!
晒命?唔包書、包輸就弊啦!
我而家唔駛包書啦!有同學幫我做!哈哈!