香草(二)

又同759阿信屋賣廣告啦----咁蝕抵嘅嘢都做？冇所謂啦，益吓啲姐妹都好吖！你死：歧視男人？叻煮餸果啲都係男人嚟架！

唔知大家有冇留意，阿信屋近排大興土木---我紅磡咁細嘅社區都有四間(唔知仲有冇啲開埋響一二角我時運高睇唔倒添)。初時諗：真係咁好搵？勝業坊太尉府一街之隔都有兩間，咪變左困獸鬥？原來佢地有特別安排，可能佢一時間租唔倒大鋪位，於是大小通吃，響貨品度做分流(好學唔學、學醫院)---一間專賣零食、一間賣急凍食品同糧油。對於顧客嚟講，梗係有些不便啦！要走幾間先買齊想買嘅嘢、而且佢地有時買滿三百蚊七折，咁你每家買啲咪儲唔夠三百蚊囉！

以前阿信屋都有少部份食用香草，好似黑胡椒之類賣；依家可能因為賣多左西式食材，所以最近見佢有些分店所賣嘅香草/香料好齊，但係價錢比兩大超市便宜很多，甚至較香料專門店還便宜，啱用嘅不妨入番啲貸。

我見佢依家有熟麵包蟹賣---分大、中、細三個價錢，$50-70，我未食過，尋晚同人傾開，佢地話麵包蟹好食，呢個價錢亦超抵！

講番香草/香料。雖然我都有好多，不過都買左兩樽(每$13.90)---香葉或月桂葉(Bay leave,中廚叫它做咸蝦葉，煮羅宋湯冇佢唔掂，炆餸落佢又錯唔倒去邊)及椒鹽。吾係講笑架，惠記一樽香葉真係賣30-40蚊。

雖然香港人唔太習慣用香草/香料，其實香草本身天然，用左佢可以唔落鹽同糖(如果食得較淡的話)，佢地嘅味道亦冇中式香料如八角、桂皮(等如西式香料「玉桂粉cinnamon，食麥記蘋果批果種味，唔係人人接受得倒，但係玉桂食療功效很好)之類咁霸道。

香葉的食療功效

味苦，性溫。有清新芳香氣味。葉片煎湯洗澡，可解除四肢疼痛。