鹽焗烏魚

都市閒情Annie師父啱啱教嘅！

材料：

烏頭魚一條(不要去鱗)

蛋白少許

檸檬葉兩三片

香茅一枝

南薑幾片

粗鹽半包

錫紙

一. 烏魚洗淨抹乾用少許幼鹽抹一吓魚肚位置。

二. 將香茅切短略拍扁、檸檬葉撕開與南薑片同放魚肚內。

三. 在錫紙(大小足夠包住條魚)放一層粗鹽(足夠放上條魚)。將魚一邊身抹上蛋白，將有蛋白的一邊放上粗鹽上，再在向上的一面魚身抹上蛋白，上灑一層粗鹽。留意，不要將粗鹽放入魚肚內，否則會太咸。用錫紙將魚封住。

四. 預熱焗爐220度，將魚焗25至30分鐘(視乎魚的大小)，取出打開鍚紙再焗5分鐘。

五. 吃時將魚皮連粗鹽揭開。

註：

一. 因為香茅、南薑、檸檬葉分開買較麻煩，我索性買左包「冬陰功」湯包，攞左所需香料，剩番乾蔥留番煮餸用，辣椒撕開攞嚟種....一包15蚊，除笨有精！

二. 行勻成個街市，最細呢條魚都斤幾重。不過，去晒頭尾同皮嚟食，都唔太多啦！

三. 咁樣焗啲魚好滑，即使焗耐左都唔驚。