莫耶斯的轉工啓示

曼聯終於炒莫耶斯, 好多球迷拍哂手.  但正如好多人要老梁下台, 大家未知跟著又如何 ?  搵阿水做呢,  再來一次貪曾換老董就PK啦.

今日不談政, 談轉工.  現在年青人轉工頗密, 求升呢, 無可厚非.  但從老莫被炒可上一堂.

1.  你轉去的工, 上手是否如費爺一樣, 戰績彪炳, 光榮而退?  係就麻煩, 你好難超越, 壓力超大.  轉工最好揀上手是非常不滞而被叫走, 或是一個新岡位新地區等.

2. 期望管理, 同請你的講明一個定期目標, 未到期之前唔可以動我.  如果我是老莫, 我會講兩年內不可预期有冠軍等等. 

3  明白接的是甚麽班子.  團隊情況如何, 大家化學文化差距有幾大.  如有一两個種子隊員, 最好大家傾下睇睇夾唔夾先, 如果大家無可能合作, 就話定俾老細知, 你一上塲就會裁幾個夾唔到的, 可能也是老細想你做的.

4. 上塲就要有下馬威, 多數要移動幾個等其它隊員有危機感.  你做得阿頭, 心狠是必要.  

5. 要知上手成功或失敗的主因.  有些成功因素是你無可能做到的就不要轉過去.  如上手跟大客是親人, 你不是.  如費爺可影响球証判球, 老莫唔得.

不過在體壇上, 被炒也是平常事.  强如車仔的摩連奴也要轉會食回頭草.

NBA 的 New York Knicks 今年季後是全教練團被炒.

NBA 及美國 各球圈的冷酷, 可為更甚, 有空再談.