中西掌學之分別

　　 為保持大家的新鮮感，今期試試講解掌。掌學一樣可以睇到好多嘢，從中可以了解性格、身體狀況、家庭倫理、事業發展、運程起跌等等。掌學源於印度，後來傳至中國，西傳至歐洲，自此分開發展，基於民生不一樣，思想不一樣，自然訴求亦不一樣，結果亦會不同。譬如︰中國人一向認為「命運決定性格」，西方則認為「性格決定命運」，所在玄學上中國人愛研究及愛知道幾時發達，幾時行運，幾時結婚，幾時生仔，條命好唔好，有無運行等等。

　　 而西方注重研究性格，深信有咁嘅性格，自會有咁嘅經歷。但在研究上，中西方亦有相同的背景，中國古代研究玄學命理，多為皇室望族，達官貴人，乃上流社會傳頌交流之秘學，鑽研命與運，何謂富、貴、貧、賤，屬上等人，還是下等人等等。而西方，當時政教合一，教廷影響皇室，掌相之學，由教士 負責研究，用作了解性格，觸摸民心，控制民意，要的為鞏固皇朝，中西方同樣都是秘而不宣，禁入民間，避免外傳；但因為欲蓋彌彰，反令民間更為渴求，無論禁傳避傳，結果都是外傳出去，自始，中西方掌相之學，各自在自己的地域裏，傳頌得更精采，各自發展出一套模式基制，各自開枝散葉。下期進一步和大家講解掌學。

　　電郵︰yloleon@hotmail.com

　　編輯回應：掌相為大家所熟悉的玄學，相信的話，會希望從中可以得知許多命理，而下期開始會逐一講解。(2007年8月16日)