波動之年
美股第二日向上，全日走勢可以講係平平無奇。杜指開市後由低位反彈，之後窄幅構行到收市。收市微升10點至16543點；標普500指數收高4點，報1892點. 納指在京東上市的刺激及生物科技股反彈下，跑贏大市，收漲23點至4154點。
生物科技股、科網股等動能股，繼續近期的波動走勢。跌完一輪後，昨日反彈。Vertex Pharmaceuticals大漲6%，Alexion Pharmaceuticals 升2.5%，納斯特克生物科技股指數升1.9%。全球最大的線上銷售軟體生產商Salesforce.com 升6.1%。小盤股羅素2000指數升0.9%，跑贏標普500指數。上星期，羅素2000指數跌入修正區域，即較近期收盤高位回落10%的水準，其後收復部分失地，目前較近期高位低不到8%。算係暫時脫離危險時期。Solaris Group投資長Tim Ghriskey認為，「小盤股和動能股昨日表現不錯，但整體市場要再度強勁上漲，才能帶動那些高成長，高風險的股票走出每天波動的狀況。」
拖住大市後腿的主要係全球最大個人電腦生產商惠普（HP），昨日公佈第二季業績，營收下滑1%，不及預期，股價收挫2.3%。地產股則頂住大市，地產股整體漲1.2%。其中D.R. Horton及PulteGroup齊升超過2%。美國公佈4月成屋銷售年化465萬幢，高過3月時嘅459萬，但略差過預期的468萬幢。而4月二手房售價的中位值為20.17萬美元，較上年同期增長5.2%，主要原因係二手房供應量有所縮減。
對於美國房地產市場前景，華爾街以至聯儲局官員的賺睇法頗爭分歧，睇好的有前美盛集團首席執行官米勒(Bill Miller) ，佢認為住房市場需求將繼續表現強勁，並且睇好抵押貸款保險商、住房營建商和次級抵押貸款服務商的前景。而貝萊德(Black Stone) 首席執行官芬克(Laurence Fink) 及DoubleLine Capital創始人岡德拉奇(Jeffrey Gundlach) 則認為美國住房市場上有很多令人擔心的問題，例如潛在的年輕買家唔願意做抵押貸款、許多美國人都推遲了結婚的時間，將令到擁有住房的比率下降至最低的55%，住房市場過於依賴抵押貸款融資巨頭房利美和房地美等等。岡德拉奇更建議投資者做空SPDR標準普爾建築商上市交易基金(SPDR S&P Homebuilders) 。聯儲官方面，費城聯儲行長普羅索(Charles Plosser)上日稱住房市場的基本面「仍很健康」；而紐約聯儲行長達德利(Charles Dudley)則認為住房市場將面臨深重的、長時間的滑坡形勢 。
市場昨日的焦點係騰訊有份投資的京東，在美國納斯特克市場首日排牌，最後定價19美元，高過此前估計的定價區間16至18美元，融資額接近17.8億美元，市值達到260億美元，在中國成為僅次騰訊、百度的第三大互聯網上市公司。據易觀智庫數據，京東後2014年首季中國B2C市場第二位，市場份額20.1%，第一係阿里巴巴旗下的天貓，市場份額48.4%。
京東昨日在納斯特克市場成交量第一，開市即抽上22.8美元，但已經係全日最高，之後好快就插番去20美元附近橫行，收市報20.9美元，較定價高10%。值得留意嘅係，今年首季，有71隻IPO在美國上市，首日平均升幅係21.1%，遠高過京東的10%，如果比起2013年嘅全年平均接近41%，京東就更加不濟啦。另外，我在上日前的文章中提過，京東的生意模式唔及阿里，到目前未至虧本，但仍未賺到錢。加上現時炒中概股同科網股的氣氛麻麻，據資料顯示，今年已經在上市的4隻中國企業IPO，除了在上市前降價縮規模的微博，仍有6%進賬外，其除3隻已經潛了水，微博上市首日收市漲19%。京東上市首日未至於見紅，但表現亦唔係幾靚仔，上市後會唔會步潛水後塵，大家拭目以待。
美股上日升完昨日不調整再微升，兩日夾埋升咗1.2%，大市在高位升升跌跌，成交清淡。未來夏天會點？記得年頭講過，影響大市的三大因素：第一是美國經濟波動，第二是新興市場的關注，第三是烏克蘭局勢。如今看來，美國經濟未太壞。新興市場仲要升，iShares新興市場基金升至去年9月以來高位，今年以來升咗3.1 %，多過標普500指數升的2.5 %。另外烏克蘭局勢也在和緩中。結論係樂觀雖有理由，但小心上述因素變化時，波動難免。
陸羽仁
陸羽仁覆網友
好開心可以同咁多網友見面，好似見到認識多年的老朋友一樣，可惜我口水太多、時間有限啊。
Ki:你的總結好好，可以在我咁散亂的講話中理出一個脈胳。
大笨袋鼠:你引的膠評都幾膠喎J
Joyjoylife:你問「中航科工第一注上星期$4.18入咗,咩位入埋其餘兩注好呢?」我覺得若回到4.18元可以入多一注先，其餘再睇睇。
Gamesimon:你問「本人$3.45持有中國銀行, 依排升返d, 請問應該現價沽出/等除淨前幾日(我覺得除淨前幾日多數爆一爆上去)先沽呢?已經持有一年, 收過一次息了, 定或是收多次息呢?因睇個勢好似無乜動力升到$3.7-3.8, 所以唔知點做好!」
中行未來走勢可以睇番好啲，因為息差走勢在四大行中算最好，在擴闊中。但若短期升上3.7、3.8元都可以游一游，因為掂吓呢啲位又會回吓。唔到又可以坐吓，收下息都唔妨。
吾識炒:你問「之前請教過你對按了居屋之後買405收息的睇法, 我見到405的程生有幾篇的訪問, 被問到會否買入財富中心的時候佢話仲係新, 所以唔會買入住, 不過如果好似陸sir你話佢可能會發新股去收購，咁如果我而家一次把按來的錢買入，之後佢供股，我冇咁多錢再買，咁我的回報係唔係會dilute一半，咁點算呢？謝謝陸sir, 呢個都係我人生中最大的投資決定, 所以15,16呢...」
第一，財富中心新，出租率未係咁好，而家注入作價必差，大股東唔想咁快注。
第二，若注入多數係配一部份股出街，同增大股東收一部份股份作代價，比較細機會要供股。
第三，我唔贊成把咁大舊錢一筆放在一隻股中，起碼分三舊，放三分一好啦，所有嘢都有風險，略分散可以控制風險。
亨仁:
去巴士的報開網誌可入去先創建帳戶(http://backend.bastillepost.com/wp-login.php)
你讀歷史可以寫借古論今之事，也可以寫有趣之事呀。
陸SIR今日節目重溫
第三部份 Part 3 (HKT 0804:0900) Time Bar由46:00開始
http://programme.rthk.hk/channel/radio/player_popup.php?name=morningsuite&pid=400&eid=&d=2014-05-26&player=mp3&type=archive&channel=radio2
又是晴朗的一天呢.
奇哥: 你....你已盡得陸sir真傳.....
投機不一定盈利, 反而很大機會虧損, 嬴家嬴在運氣, 輸家輸在情緒.....
陸SIR, 潘記︰
怎樣在《巴士的報》開blog?想寫些歷史文化野
賣樓似有小陽春
2014年05月26日
在特區政府略為放寬雙倍印花稅的樓換樓限制之後，本地樓市有少少升溫之象，二手買賣活躍番啲，長實(001)
以較相宜價錢，推出荃灣新盤環宇海灣，傳聞截至上周六已累收4400票。
環宇海灣在尖沙咀開設的示範單位大打蛇餅，場面墟冚，成個盤有逾1700伙，發展商日前為首批350伙開價，涵蓋大小呎碼單位，定價介乎535萬至1309萬，整批平均呎價12149元，發展商提供最高佔樓價15.75%的優惠。入場單位7座7樓D室，實用面積483方呎，定價535萬，折實後約460萬，實用呎價約9336元，建築呎價低過8000元，難怪吸引咗咁多人入飛。
環宇甚熱 長實有景
若長實開盤順利，本地地產股應該仲有一小浸向上。香港個市一直頂住唔想回，問題係內地個市唔得，拖住港股。𠵱家本地地產股好似好番少少，唔知大戶會唔會借熱推吓本地地產股同本地銀行股，不過記住呢啲都似係短炒格局，地產商利用呢個政策小窗口出吓貨，唔係真正全面向好。
呢一浸小陽春若能成事，都要多得政府放寬雙倍印花稅的樓換樓限制，買咗新樓等入伙才計數，業主可以等到差唔多入伙才沽舊樓。呢一下放寬其實又唔係咁大，但就畀咗等住買樓的市民一個感覺(我認為係錯覺)，以為政府好快會放寬樓市辣招，其實這只是誤解。政府之所以要稍稍放寬，主要係雙倍印花稅法案提上立法會審議，上次立法會差啲卡住另一項辣招稅，搞到差啲過唔到；政府今次為免麻煩，先行搞啲小讓步，等發展商食少少甜頭，唔好咁大力玩嘢，如今做出一個賣樓窗口，但係唔好望樓市會反轉晒，我估發展商唔執輸會大力出貨，出幾浸大貨後吸走購買力，樓市又會軟番，關鍵係各種辣招稅太厲害，住宅無得炒，無咗炒家的樓市好難熱得起。
內房反彈 博有政策
香港樓市稍回暖，內地樓市仍冰封。上星期五，大市比較淡靜，但內房股大升，原因係有傳中央政府將容許一線以外的大部份城市調整和放寬限購令，內房股大幅反彈，例如中海外(688)
反彈5.5%，可以算係內房股嘅迴光反照啩。
內地《華夏時報》引述接近住建部人士話，全國樓市庫存激增、部份城市房價大幅下降，引發了中央關注，日前住建部兵分幾路密集研究地方樓市。住建部研究結果顯示，部份中心城市樓市表現尚可，對經濟衝擊並不大，雖然首四個月各樓市指標按年下滑幅度較大，主因是去年基數過高所致；惟市場開始出現新的分化，部份三四線城市情況，比杭州、貴陽及瀋陽等二線城市還要好。
有出席廣州樓市座談會人士話，政府目前重視成交量能不能提升。住建部官員會上表示，2008年和2011年兩次樓市調整時，皆因中央為保增長而中斷，這一次中央希望市場能夠自我調整，而地方政府在防止供應過剩的同時，不能用傳統救市思路，將泡沫再次吹大，引發之後硬着陸風險。
融創出手 搶住做大
聽完內地官員呢啲講法，唔好對中央太快出招、太猛出招有過份憧憬，內房仍有要捱一段時間。
上周內房業最大的新聞，還是融創(1918)
以每股11.46元、高達49%的溢價入股綠城(3900) 
。入股後，融創持有24.3%綠城股權，與早前入股綠城的九倉(004) 
持股一樣，成為兩大股東控股綠城的局面。併購消息初次出街時，市場覺得融創以天價收購綠城，會造成財政壓力，唔睇好呢個收購，融創股價當日下挫6.5%。
其後融創公佈收購細節，解釋今次購入綠城的作價，是按綠城資產淨值計算，收購價實際已較淨資產值折讓超過10%，不會影響現金流及負債率；市場對融創又睇番好啲，上周五股價反彈8.2%至3.81元，綠城也漲6.6%至8.2元(融創收購價較現價仍有40%溢價)。這個世紀交易，當中值得講嘅嘢有好多，對內房股的前景也有不少啟示。
據內地房產業界分析，由於競爭愈來愈劇烈，未來的發展將好似一個淘汰賽，汰弱留強，只有體積大又做得好的房企，至可以生存。體積大的主要好處，係與政府的議價空間可以較大，在一些較細城市仲容易攞到平地，另外做得好有品牌效應。
去年，綠城的銷售額553.8億元，融創有508.3億元，在內地可以講係近大型開發商。融創收購了綠城，總銷售額就到達1062.1億元，可以加入房企千億俱樂部，在全國房企中排行第8位，只與排名第7的恒大(3333)
相差20億元。融創不惜以天價買綠城，就係打緊做大做強嘅算盤。
綠城投訴 政策迫死
至於綠城，主席宋衛平一直都在出售股權，早期引入九倉做股東，現在又拉埋融創入股。估計下一步，宋衛平與副主席壽柏年剩低的的股份，有機會全部賣給融創。宋衛平拒絕再玩的原因，可以歸結為兩個。第一個係內地市道唔好，畀宋衛平好大的經營壓力，有點心灰意冷。另一個係宋衛平好賭。上周五開併購記者會的時候，有記者問宋衛平賣盤係唔係賭輸錢的關係，佢對自己好賭直認不諱，仲將賭徒形容為快樂嘅旅遊者，賭博有一種誘惑。不過，佢話今次賣股主要唔係因為賭錢，當中佔嘅比例只有1%至3%。
宋衛平話賣股的主要原因，係唔睇好內地房地產市場的前景。關鍵係政府政策，過去三次嘅宏觀調控，令到市場變得十分扭曲，面目全非。又指出綠城雖然今年首季達標，但4至5月的形勢發生了從未遇過的根本性變化(相信佢係指銷售大不如前)。佢愈講愈慶，直指內地政府政策愚蠢。
以投地為例，價格唔可以超過原價的150%，超過後，就要買保障房；政府亦唔講信用，賣地時說價高者得，賣樓時卻限購限貸。佢話住建部官員做事不動腦子，只管自己烏紗帽。之前那個部長下台，應該放炮仗。佢對前國家領導人溫總亦唔畀面，抨擊溫總3年前用「身上應流着道德血液」來批評地產商的言論，仲寄語李克強總理會比之前嘅總理聰明啲。宋衛平在地產行業可以講係半退休狀態，所以又唔怕向政府開火。但無論如何，內地的樓市政策，令到發展商叫苦連天。
前景未明 仍然要捱
融創及綠城兩隻股，上周五雖然大幅反彈，但股價仍然好低迷。兩間公司賣樓收入超過500億元，假設佢哋純利率有十幾個巴仙，賣樓兩年後都有60至70億純利。不過，兩間公司的市值都好細，融創市值127億，市盈率3.1倍，息率6.3厘；綠城市值177億，市盈率2.9倍，息率6.7厘。固然啦，舊年賣地500億元，唔等如今年、明年都可以賣到500億，亦唔可以保證個市唔再冧。然而，內房股股價之所以咁低，已經一定程度反映咗市場對佢哋前景有好大嘅憂慮。
我覺得融創這個行為，相當勇進，在這樣差的市況下，以高價併購綠城24%股份，日後可能還會增持，無疑係火中取栗。如果市場在半年至一年之內快速轉好、如果政府好快放寬限購令、如果人行好快會降低銀行存款準備金率，或者放鬆銀根，融創就賭贏，低價併購同行，擴大市佔率，即時加入千億俱樂部。但此舉帶有好大的賭博成份，因為這樣做會消耗佢手頭上大筆現金，提高了負債比率。融創呢一着，風險頗大。
反觀綠城，表面上睇，命運已與融創連在一起。綠城與融創組成過聯營公司，「拍過拖」，在融創力谷之下，成績也不錯。不過，加入了九倉這個因素，情況就比較複雜。融創買綠城，變相搶親，九倉自然唔高興。不過，不高興歸不高興，萬一融創唔掂，會連累綠城，到時九倉作為其中一個大股東，為了自救也好，想食咗綠城也好，最終都會出手。綠城有人包底，會較融創睇高一線。所以若綠城跌穿7元，不妨投機性吸納，小注怡情。
這次內房企業併購，顯示內房市道好差，睇嚟內房未來還有一段日子要捱。
陸羽仁
陸sir網聚講的話(我聽左之後，自己的理解，可能會理解錯左陸sir的意思）：
一，要清楚知道自己的行為，究竟係投資定投機。
唔好以為係投資，但卻做緊投機的行為，以致賭博的行為，或者連賭博都唔係，係唔知做緊咩。
二，一般人投機較難贏錢。
三，大股比細股易贏錢。細股好多股都係呃人。
四，心態唔好求快速發達，回報目標要合理，以股神為例，一年目標係15%。
長線每年有此回報，有望退休之後財務自由。
五，每一項預測，呢一刻啱，下一刻可能有變或不變。
需要自己執生，隨機應變。
預測亦可能會出錯。
六，想要係股市贏錢，需要有一套適合自己的方法。
學習贏家，贏係邊度？
睇下輸家，輸係邊度？
多謝陸sir和金曹大哥舉辦今次聚會。
多謝送出香港股史呢本書的朋友。
多謝陸sir同金兄分享!!!
今日識到好多新朋友呀~
請各位多多指教~
陸SIR &各位新舊網友
今日能見到陸Sir同大家，真係好開心，學到好多野，謝謝你地呀!
TonTon
袋鼠以為只有高登仔先至可以攪出高登神獸，但係鼠嫂竟然在BBK搵到膠級股評…
轉載如下:
(大笨 has blanked out names to protect the guilty)
原帖由 ****** 於 14-05-23 發表
豬就緊係比隻雀嗒咗啦， 係入行第一手呀 至於其他人， 溝水飲都要交水費， 大家 happy 啫！ ...
四海之內襟兄弟嘛！
失匙娶加分時唔擺世紀婚宴，
就係怕佢地坐埋一枱，
一齊講股。
孔雀開屏：我新股買入。
走音天王：我短炒，止蝕離場。
股壇大亨：我先買後沽，翻左幾翻。
平治男模：我高位接火棒。
失匙二世：出貨無望，不如長揸。
可惜貓咪沒有來........好掛住佢.....個公文袋.
浩氣長存 !
陸SIR & 各位網友，好高興認識大家，多謝陸SIR 及各位網友無私的分享及指導，雙子今天獲益良多，今後會繼續努力，多向各位學習學習的！還有還有... 多謝陸SIR提點！
主席有冇鋪頭?
陸SIR &各位新舊網友
真係好開心見到大家，發覺真係好多 CD ROM出現，反而平時係大廳就唔見人。HA HA HA。
有舊網友問起，我究竟做咩?其實我既工作好難用三言兩語解釋晒，於是我係陸SIR個巴士的開左個BLOG，如果大家有時間，又想浪費下時間，不妨CLICK入去睇一睇，喜歡既話LIKE 埋我既FANS PAGE LA..
巴士的Blog:
http://tinyurl.com/q3ml9nq
TO: 陸sir
話時話，大家見到陸sir你個真人真係同大家想像出入極大，我第一感覺你好瘦呀，快d 增肥啦。
小潘
開心0既時間過得特別快, 網聚4 小時好快就講拜拜 !
多謝陸SIR , 金兄 !
快D 攪第2 次啦, 唔駛好似牛郎織女咁 一年見一次 !
盧sir, thanks!
大笨袋鼠：我搵人睇睇。
多謝陸蛇同金兄分享，獲益良多～
陸sir,
聽到陸sir今日網聚的分享十分有得著，最想學陸sir找到各樣事情竅妙的方法。
盧sir，在巴士的報寫網文，唔知係wordpress嘅問題，定係個web server有問題，好多時preview好個formatting，一出街上網頁就唔同晒，要用其他get around嘅方法先至做到。麻煩睇睇。
出得好古怪，結果要用indentation加italic，雖然表面做到效果，但就失去網頁內置markup tag使用的原意。
blockquote 原本例子改寫故事之歌 - 《冰雪奇緣》的 Let It Go - 大笨袋鼠@巴士的報睇埋NBA就出發了～
漫長球季後，我地球迷都係時候休息下。有大半個月抖下，世界杯見！
無乜心水!見波睇波先!
Yeah，同道！今屆有何心水？我每屆都熱捧荷蘭不過現實些說他們今屆機會唔大。
我估阿根廷應該唔錯。剛才迪馬利亞有亮麗演出！
差唔多! 九届至十届左右!
我睇左十屆，嚟緊第十一屆，你呢？
persie兄: 講講吓!又到世界杯! 一生人睇得幾多次世界杯!
以馬體會班費，值得為他們鼓掌。
距離冠軍只差幾十秒，施蒙尼好嘢。
皇馬 拉莫斯值五億
, 換入 馬些路 形勢改觀不少! 皇馬好嘢! 
各位大大，我由09年起睇呢個blog，一直係CDROM ，對呢度都無作出過貢獻，但係對於陸sir既意見，我就非常之尊重，我曾經問過佢幾個問題，我都跟佢既意見做咗，我認為只有我信一個人，我先會問佢意見，而任何意見亦都會跟住做，包括09年買股票，10年買重慶樓，剛剛又將手上既居屋賣咗，跟住又會跟住聚財去做，我見好多大大正在思考賣樓問題，我係呢度都係分享一下，唔啱聴唔好插。
陸Sir/金兄/BoBoFox/出席世紀網聚的網友
拍攝全家福時可否徵詢大家同意貼大合照在 陸Sir blog?
哈))) 見了狐狸吃不下飯? 係呀! 秀色可餐呢噢!
5月26日(下周一) 是美國陣亡將士紀念日假期, 英國就是銀行假期, 港股自由行, 大鱷通常會趁呢d日子出手, 正好為轉倉及結算作出部署
小潘, 見了狐狸吃不下飯....HEHE
我都病緊, 同病相憐, 明日提我食藥, 明天見~~
BoBoFox
今日有點唔舒服，我本來想唔來
但因為你，點辛苦都要來見你 XD
小潘
潘記, 之前見牛腩有報名, 唔知係用左真名定係唔來~~
黠解冇牛腩貓咪份？
子龍又唔去?
早呀！話咁快明天就係網聚了^o^
S2000兄: 今次都未到, 就報定下次, 有心.
我要報定下次網聚名，金兄
溫馨提示：陸羽仁財經博客5月25日網聚， 風雨不改。當天出席網友如想分享投資人生， 請預備一下，用最多3分鐘的時間，講講自己最成功和最失敗的人生經驗，不一定要講股票，那些年的事，結婚生仔揾工買樓開鋪移民，都可以講一餐。人生無take 2, 有的事總會有很深的感覺， 講出來可以幫到人又提醒自己就最好。
流程
12:30 點名、聯誼
12:45至1:15 短講：投資人生 （陸羽仁）
1:15至2:30 用餐、抽獎、網友分享投資經驗
2:30至3:30 分組交流
地點：江山笑
香港金鐘道89號力寶中心一樓商場2B舖
(港鐵金鐘站B出口)
電話： 2810.6921
傳真： 2810.6931
電郵： ckwan@jiangshanxiao.com.hk
請到金曹在頭條網的網頁檢查你的名字筆名已在5月25日網聚的"出席芳名"名單。
http://blogcity.me/blog/reply_blog_edit.asp?f=IGHCKEJP8M22369&id=627786
5月25日12:30PM當天出席網聚時，請出示入數紙當作當天的入場券及抽獎券。
如遺失了入數紙，請盡早通知ckwan@jiangshanxiao.com.hk，否則或會被拒絕進場。
多謝陸sir及網友TC、Chris Wong送出抽獎禮物。如有任何抽獎贊助（通常是現金、禮券、財經書籍等等）或建議，請電郵金曹： jin.cao@hotmail.com
今次網聚火速爆滿，將會與陸sir商量盡快安排下次聚會，今次候補的網友會獲優先通知。多謝各位的支持！
陸sir 師兄師姐早晨.
袋鼠：have a good weekend, too!
2014-05-23
Dow Jones Industrial Average (^DJI)
16,606.27
63.19(0.38%) 4:29PM EDT
陸蛇：我係80後.....
抓住核心
淡友真係好悲...好可憐...
SIGH...
五窮定唔會窮?