獅吼記之雨中緣(一)

尋日北上，完全不在狀態。約左芳芳唱三首、同佢朋友唱一首共四首歌。

呢首歌幾年前學過，個人唔係咁喜歡，所以學左都冇操過。芳芳同佢啲同學操過幾次，佢問我識唔識？我地通常兩個月前約定唱局，心諗：有兩個月時間，點都攪得掂嘅。但係，呢排真係好忙，所以祇能兵來將擋；過完一山又一山----攪掂一局再咪下個局嘅歌。

誰料上星期一個唱局出左意外，呢幾日唔舒服，邊有心機咪書吖！尋日出門前上網再聽番呢首歌一兩處我覺得未得嘅地方，跟住就遠征啦！

我同芳芳都係逢約必早嘅人，我乘火車去到大埔墟站，咁啱見佢企響我果卡門口，即刻叫佢入嚟啦！我地原本係約左響羅湖站等嘅，結果大家都較約定時間早左廿分鐘到達羅湖。

曲情描述：

「獅吼記」呢個故事，相信好多人都知。即駛你唔知，你都知陳季常係出晒名怕老婆囉掛！佢老婆叫柳玉娥。任白名曲「獅吼記之跪池」個故事咪係呢首曲嘅下集囉！

話說陳季常生性風流，礙於家有惡妻，才不敢行差踏錯。曲情講因天子選妃，琴操寧願作妾、也不願被選入宮，於是請求蘇東坡安排她與陳季常會面，陳季常一見琴操，一時將惡妻拋於腦後，將皇上賜予的碧玉錢交與琴操作訂情信物。

回家之後咪死囉----被玉娥罰佢跪池頂燈。

日期：2014年5月24日

地點：麗音

演唱者：芳芳/Van

https://app.box.com/s/72ltbswydxy7hb2ym3zt