跟阿Kidd的恩緣
2007/10/04 00:00:00
網誌分類:
生活
當時在愛協內,有不少人左挑右選,一位太太先看中小Kidd,把牠拎出來,抱在懷內,跟牠玩了好一陣。我們同時看中這隻像穿了踢死兔的貓仔,但不夠她快,只能旁邊乾着急,心裏暗說:「唔好呀,唔好呀……」
這太太把玩了一陣,又三心兩意起來,把小Kidd放回籠內,再看其他貓B。太好了,待她一放手,我一個箭步衝前說:「唔該,想領養這一隻。」「喂喂,是我先看中的。」太太不料黃雀在後,急急折返,大大聲跟我們爭執起來。
作為中間人的職員,此時出來主持公道:「太太,剛才我沒聽到你說要領養喎,是這位小姐先說要領養牠的。」太太悻悻然走了,就這樣,靚仔小Kidd成了我家一員,日日優雅地在屋裏巡來巡去。
說來奇怪,所有貓中,就是一眼看中了牠。領養嘛,不是買衫買袋,一旦三心兩意,就會被其他人搶走的了。
關慧玲
去年,我都救咗一隻踢死免貓貓「吞吞」。
嚟我網頁睇吓佢地吖。
我相信緣份.
昨日在網上睇完"殺貓案", 令我感到傷感及憤怒. 雖然兇手得到懲罰, 但也於事無補. 生命何價!!!
阿kidd不是名種貓,只是我眼中十分靚仔的普通唐貓,情人眼裡出西施,可能亦有人對阿kidd不屑一顧。
我養過十二隻貓,有三隻尾巴都是斷掉的,一隻領養時有眼疾,一隻有金錢癬,一隻有牙齦炎,要晚晚替牠擦牙,又有一隻長短腳,但在我眼中都是超級靚仔,但我又不會專登挑殘疾的養。
領養,最重要都是合眼緣,而這個很主觀,我唯一的堅持,是愛貓盡量領養,唔好買啦!
陸sir,領養猶如買股票一樣,你要對那隻股票有感覺,才會畀心機研究它的往績、P/E、業務前景等所謂的基本分析。你對那隻貓有想收養牠的感覺,我不敢講最後會否大團圓結局,但至少踏出成功的第一步,你才會願意用心去照顧牠一生一世的。我自己揀配偶,都不會揀個又醜又病的人啦!
作為一個有愛心的養貓人,係咪應該揀過另一隻被人睇中機會較低的醜病嚟領養,有意思過鬥爭靚貓呢?