焗法國鵪鶉
2014/05/31 19:26:24 網誌分類: 食譜
千其唔好讀錯左「發覺鵪鶉」呀！
早前在「大棧」買了一包兩隻的鵪鶉。當時用了最正常的方法：煲湯。煲後覺得佢啲肉仲好滑，幾好食，今次一於試吓焗嘅方法煮嚟食。
法國有機鵪鶉肉香鮮嫩(食後證實係啱嘅)。它的體型不大，適合一人份量。與高膽固醇的鵪鶉蛋相比，其肉質屬於「三低二高」，即是低熱量、低膽固醇、低脂、高蛋白質和豐富膠原蛋白。
因此它的營養價值比一般家禽更優勝，是追求健康飲食的不二之選。據講適合以烤、焗、煎、燉、燜等不同烹調方法。鵪鶉肉是典型的高蛋白、低脂肪、低膽固醇食物，營養優於雞肉、無抗生素添加、無生長賀爾蒙添加、無防腐劑、以及百分百素食飼料餵養。
材料：
鵪鶉兩隻(解凍後一開二或四，切記去除其內臟及毛)
醃料：
芫茜碎三棵或番茜碎3茶匙
蒜茸2粒
紹酒2湯匙
生抽2湯匙
橄欖油2湯匙
糖1茶匙
薑汁1湯匙
五香粉1茶匙
一. 鵪鶉以醃料醃一夜。煮前抹去蒜茸(如用芫茜，亦要抹走)。
二. 預熱焗爐180度十分鐘。
三. 放鵪鶉在熱鑊內略煎兩面至金黃(因醃時已有油，不用再落油煎)。
四. 將鵪鶉轉焗盆上，焗25-30分鐘即可。
註：
一. 無焗爐，可以直接煎熟，我冇諗過佢真係好嫩、好juicy。
二. 喜歡炸嘅，可以炸熟醮淮鹽食----當佢係燒乳鴿食得啦！但係乳鴿
膽固醇高，佢安全好多喎。
三. 喜歡濃味嘅可增加五香粉；如炸左醮鹽食嘅，可減少生抽份量。
好靚樣！我又食！
响Solomon時食得最多鵪鶉,土人打擸後拎啲戰利品上門賣,好平.
老伴通常都係用嚟炆,果時佢炆得好好食!