比嘢上身有乜計?

同事今日問我關於比嘢上身問題應該點樣攪番掂? 因為佢嘅朋友比嘢上咗身一段長時間, 又搵人做過下法事, 但喺效果就唔喺咁理想, 到今時今日對方仲未離開身體, 都唔知有咩嘢辦法可以幫到佢朋友咁話! 筆者就講唔使審當事人一定起咗某種唔好心念, 或者喺信咗某啲靈異, 先至攪到易請難送咁大鑊!

根據佛道兩家嘅因果論睇嚟, 如果唔喺有宿世嘅債喺唔會咁易上身嘅, 又或者喺經過當事人同意入屋幫手做嘢之後, 冇比應得嘅嘢作報酬, 先至激親對方唔肯走之餘, 仲上埋身添! 要知道心正邪難入, 同埋一正壓百邪嘅大道理大原則! 如果當事人唔喺存咗唔好嘅心, 做咗唔啱嘅事, 縱然對方想上身都唔易!

俗語話 : 冇鬼唔死得人! 大部人都一致認知呢隻鬼喺身外嚟嘅, 卻唔知呢隻鬼喺自己壞心腸之下變種出嚟, 完全唔關身外鬼嘅事! 全部冇宗教信仰嘅人都相信善惡到頭終有報, 只爭來早與來遲嘅真理! 我哋個心唔光明即喺黑暗; 唔乾淨即喺污糟! 故此, 所有鬼嚟自內心藏污納垢, 要解決就要從自心做起!

凡比嘢上身, 都離唔開因果! 當事人千祈唔好同對方講惡, 反而要懇求對方比機會自己修補所拖欠嘅債賬! 再請對方睇在上天有好生之德, 當事人願意修心修身勸善揚善嚟累積功德迴向! 始終冤冤相報何時了? 仲要請對方監察自己喺唔喺有講冇做! 如果當事人講咗唔算數唔做, 到時再另行計數都未遲嘅噃!