蝦籽京蔥燴海參
2014/07/06 11:05:55 網誌分類: 食譜
有一個星期冇煮過飯,係時候食番啲好野啦!
材料:
京蔥 兩條切段再開邊
已發透大海參 一條切段再切長條
冬菇仔 六隻浸透開邊
已處理蝦籽 1/2-1湯匙
一. 燒油略炒京蔥至軟。
二. 加入冬菇及海參爆炒,灒酒。加入水(蓋至材料一半)、蠔酒、生抽、糖煮至滾,收細火炆10分鐘,埋薄芡。
三. 上碟洒上蝦籽。
註.
一. 我用的是「大棧」買來發好了的大海參。袋上寫住煮15分鐘便可。我根據平時煮法,用薑片出過水,所以炆煮10分鐘便足夠。
二. 相中所見有帶子。何解?因為雪柜剩左幾粒,又唔想雪得太耐囉!夠fusion呢?
三. 何謂處理過嘅蝦籽?蝦籽買回來要先用白鑊炒過才可用。
四. 京蔥我一向是斜切成片煮。今次試吓咁樣切,我覺更入味。
多謝!不過,唔係人人鍾意食海參、更加多人唔鍾意食京蔥。
真係好吸引. +1