每日一萍果、終生荼毒我？

醫生睇倒呢個標題，一定「嘩」然！咩嘢係「每日一萍果、醫生遠離我」咩？我講此萍果同你諗果個萍果唔同，你咁聰明，諗吓就明架啦！唔明唔好問我---係都唔好認自己係「春天下面两條蟲」吖馬！

先解釋何謂「荼毒」。「荼」是一種苦菜，音「塗」；「塗」有泥濘、粉刷等義；另「荼」形近於「茶」；「茶」音「查」，是一種常綠灌木。「荼毒」指苦菜和螫蟲，比喻毒害，所以當用「荼」而非「塗」、「茶」。

過去幾十年嘅公務員生涯，因為工作關係，每天都要睇十份八份報章----要知民情、了解民意；更重要，係要知道香港每天發生嘅大小事情！即使退左休，另一份工每天亦要睇六七份報紙章；除左各大主要報章外，果份生果報亦係必睇---因為無論真民意、假民意都要知；所以，即使真正退休後，我每天都買呢份假民意報章睇---要知道佢如何劣造事實先得(醫生都要知你中嘅係咩嘢毒，先知道可以點樣醫啦)難怪佢咁好銷路啦！正常嘅報導大把途徑可以得倒。不過，經過咁多年，我經已係百毒不侵，佢作啲咩嘢都影響唔倒我！但係，香港嘅年青人就難講，每日洗一洗，個腦唔聽駛！

我地中學同學響whatsapp開左個群組，方便約聚會。不過，whatsapp組群有佢方便嘅地方，亦有令人討厭嘅時候。好似啲人好鍾意三更半夜傳埋啲「無理啦謂」嘅嘢，攪到瞓瞓吓俾佢炒醒；有陣時傳埋啲未經證實嘅嘢，攪到你虛驚一場！

我地班中學同學原本都得廿幾人，畢業後幾十年死嘅死、移民嘅移民，留響香港嘅得十幾人；依家大家都退晒休，每月一聚、打吓麻雀仔、預防腦退化！

畢業後大家有唔同際遇，其中一位F因為呢幾十年都響啲「公民袋」度度日，所以思想一面倒；我地每月聚會，聽佢言行，大家都明！反正我地通常聚會都係風花雪月，極少講政治，因此都冇問題。

今年七一遊行後(F梗係有行啦，當然亦有參與較早前的公投)，其中一位同學E響whatapp群組上載左段某教授指責香港人的文章，其中幾句「香港人，你已把自己曾建立起，可以引以自豪的安樂窩一手破壞！」、「我期望未來的香港人會變回理性，有智慧，而不是今天的反智、狂妄、活像個瘋人！」另外亦上傳了一段美國警察在華爾街清場的粗暴行動的錄影帶。

這便引起F同學的不滿，她寫：「我當日在遊行隊伍中。請相信我，警員當時真的很冷酷和不友善！」

E答(她所講得到一面倒的支持)：「我相信你當天的觀察。但從新聞報導的錄影所見，香港警察並不如美國警察那麼粗暴對待示威者！我們設身處地想想，七一那天，天氣酷熱、間中還有狂風驟雨；前線警察腰負幾十斤重裝備，企足一整天！從新聞報導所見，香港警察並不粗暴、相反不少示威者衝擊鐵馬！我當然明白警察中會有害群之馬，但示威者、甚至一些立法會議員一樣不知所謂！我相信大家都認同，今時今日，香港警員質素較英政府年代好幾百倍。雖然你認為他們冷酷與不友善，但響那麼惡劣的環境下，我覺得佢地經已好克制！如果我有冒犯你之處，請見諒！」

F：「請勿介意！我明白不應將我的不滿指責前線工作者。但那天真的很擠擁，特別在灣仔警察總部！如果警方可以開放多幾條行車線，我們便不用花上三小時才可以由維園行到灣仔！」

我將較早前另一位遊行者所寫的心聲上載群組---這便所謂一個銀仔要兩面睇，才能得窺全豹(一面係字、一面係公仔，唔反轉，點睇得清楚Every coin has two sides)！亦並非所有遊行者都清楚當日真相---要睇你企響遊行隊伍嘅邊個位置！有心人有意製造假像，令不知就裡的人埋怨執法者，目的係挑撥市民對政府不滿！(唔知內容者可參閱7月3日本網誌「賊喊捉賊」一文)

另一同學搭訕：「即使警方開放更多行車線，一樣冇用！因為主辦者有心製造混亂！」

又另一位同學搭訕：「我那天也在灣仔，我同意其他同學所講！」

雖然政見不同，我地一樣君子，唔會為左搏見報，亂嗡廿七！

E今日再上載一篇文章，太長啦！祇轉載小部份：

「每個人對事物，都可以有自己的取態與立場，可以理性討論，就算不認同，也應彼此專重，這叫民主。今日香港的問題，不是一個人或一屆政府可以做成的。

我們上一代生活艱難，但卻從不埋怨，因為知道政府不可靠，要靠自己！他們都待人以誠，互相幫助，默默耕耘，終於為我們這一代建立了衣食無憂，繁榮安定的環境，這是上一代最終的目的。......

今日社會，人們都祇講權利，不講義務，自己一點責任也沒有！」

補充：我地大部份同學都並不認同CY治港，但更加不認同那些自認民主人士！呢兩日某位阿姐成日響電視度講：「我地香港市民.....」哼！邊個授權佢代表香港市民？即使622那個所謂公投，都祇係代表10%香港市民(我假設佢冇造假咋)！條數好易計啫，我地十幾個同學、頂晒籠得一個半人係支持佢地，亦係10%！有九成沉默大多數未表態呀！唔好忘記，呢10%仲要再分三個餅仔：衝動派最少人支持(好彩！香港壞左腦嘅人仲係佔好少數)。

做得特首，最基本要求係冇咩嘢衰嘢俾人捉倒啫！僭建、開會上網睇三級片....都係唔可以接受嘅！反而阿松哥當年果件事某程度上可以愿諒，佢唔係公務員出身，唔知咁多嘢，不過佢都主動辭職啦！呢啲咪叫做承擔囉---做錯就認、打就企定！

講句實話吖，無論邊個方法，選邊個出嚟香港都係死路一條---即使選倒果個係佢地嘅人都死！你估佢地自己唔爭餐死咩？要捉人痛腳容咩易，你估佢地係聖人咩？到時日日都叫人落台，香港人真係咩嘢都唔駛做，淨係上街得架啦！

註：同學們用英文溝通，我盡量嘗試用我有限知識，將佢翻譯成中文。如有偏差，恕不負責----哈哈！我都係今時今日嘅年青人嚟。