域 流亦詩
域 流亦詩
域 流亦詩

羊群心態?

2014/07/15 10:35:05 網誌分類: 時事
15 Jul

 

 

糠鬼賀七一

賣貧兼賣屈

從前勝今日

慨歎窮不甩

 

最近聽聞有人話七一逛街大隊之中有很多參加者是屬於羊群心態一類人、但事實又係唔係咁嘅呢?大歸以來紫荊衙門每年都舉行一次盛大嘅慶祝酒會、並承繼前殖民傳統封侯、封爵兼頒發荷蘭水蓋。唯一不同的就是受封者除咗白底之在、紅底、甚至甩底嘅都有份。然而民間亦每年組一枝雜牌軍(近年還有家鄉軍加入)上街遊行以示普天同慶。據說今年有五十萬人上街攞景兼贈慶、即使打個三折都有十五萬、認真不可以小觀。不過人們所贈的慶並非「吉慶」嘅慶、而係被人焫「声殳火」咗嗰個「聲几火」。無奈紫府卻不以為然。

 

歷屆相閣爺到訪紫荊城嘅時候、總是像聖誕老人一樣帶來包大包小嘅禮物。之不過受惠的大多數是老闆階級、而小蟻民所得到的絕不能抵償所失去的。朝廷總以為冧掂那群老闆、下面那班小蟻民自然貼貼服服的跟在後面走。冇錯、城中的老闆的確越來越富有、但小蟻民被剝削嘅感覺亦越來越濃厚、每當人們思前想後心中積聚嘅怨氣就會越來越澎湃。事實上小蟻民在大歸之前是享有往上流的機會、但在大歸之後這條路已經式微。在大歸前要供一層樓自住是有機會的、但大歸之後就連一塊階磚都買唔起。更加離譜嘅就係、正當適婚年齡嘅年青人人渴求一屋成家立室之際、紫府居然站在普羅大眾嘅對立面、煞停興建公賣屋計劃、並拒絕加速公租屋興建、企圖以小蟻民嘅痛苦去成就地產霸權嘅事業。這還不止、紫府為成就財團發大財、在小蟻民的傷口上灑鹽、大開中門讓一群又一群家鄉產婦湧入紫荊城分娩、結果搞到民怨沸騰、對紫府管治威信構成巨大負面影響、以致在施政方面寸步難行。紫府不僅不反省、還將責任賴到反對派身上去。問題係、若無強大民意作為後盾、你會相信單憑區區反對派就真的能夠翻天覆地嗎?

 

今日紫荊城一切皆以政治掛帥、紫府又未能體諒民間疾苦、反而利用那套「以矛盾制矛盾」嘅方式去作出所謂反擊。事實證明這樣做已經激發起更多沉默大眾走出來跟紫府對立。現在朝廷似乎已經感受到外來勢力對金紫荊嘅影響力係幾咁巨大、並且以強硬姿態去重申「以我為主」嘅方針。唔係我靠嚇、如果紫府繼續自欺欺人認定「行企」與「爛法」兩者之間無矛盾嘅話、後果勢必更加堪虞。請看看亞洲四小龍近年表現、獅子國民間是不存在外來勢力嘅問題、高麗政府早已從民怨之中走出來、雖然社會上依然有矛盾但不致會令政府陷入施政困境、反觀寶島和咱家紫荊城卻不能擺脫多事之秋。這一切已經說明、當政府能夠體察民情、以及多做一些利民之事嘅話、即使社會上有矛盾亦無礙安定繁榮的。

 

回應 (0)
我要發表
user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!