烏國之災

陸羽仁覆網友

小貓: 我啲文啱年青人睇，但我估年青人偏偏唔鐘意睇，我自己年青都係咁，海洋性格，天不怕地不怕，好多事情都覺得自己知道，唔衰過錯過唔識反省。到年青人有一定經驗時，體會到輸錢之痛後，才會明白某些忠告的道理。

MonsterGary:你話「外家有層樓荃灣自住，不過樓齡都近50，而家外家想賣換樓，約三百萬。問題就係，賣左後下一步應該點樣。」

樓價係貴，但沽咗自住樓就要租樓，租樓要小心租金亦會升，可以租住先，但最好搵到兩年死約，唔係一年死約，費事業主太快加租搞到好煩。

ken_cong:你問「耶倫警告科網股會否影響騰訊後市表現？」直覺覺得美國科網股唔會即散，但美市升得太多，有個像樣調整好正常(5%那一種)，但要等到美國聯儲局明示明年何時加息才會出現。

騰訊的產品真是佔據很大市場，你話「騰訊市盈率都幾高下又驚距爆煲，一直唔敢入」。貴價但好的東西，可以等它回吐時，以炒作心態入，即係要有止蝕，如跌一成就打靶，都可以買。

你問恒大，恒大被視為風險高的股份，但也是一隻可以炒上落的標的，用炒作心態去睇會大不同。

高沽低揸有得執
2014年07月21日

　　周末去咗書展為買咗新書的朋友簽名，見咗好多讀者網友，佢哋問咗唔少問題，可以將有關討論和大家分享。

　　最多人提到的問題是︰「揸住股票唔郁，上上落落得個桔。」我的答案就係唔好揸住股票郁都唔郁，升得高啲時沽吓，跌得多啲時買吓，增加回報。唔好覺得我講高沽低揸，即係話「阿媽係女人」，舉個例子可能易明啲。

　　我5月時話啲內房跌到咁上下，喺專欄講過可以買吓中國海外(688) 炒吓波幅，我公司有個靚女聽咗我講入市，在17.84元買咗中海外，我當時話過如果有15%可以食胡，佢在20.5元先沽一半，另一半本來想等21.5元，但沽完第一轉見佢回番落去，再上20.6元時走埋，扣埋手續費都有15%賺。

　　買中海外 食胡走人

　　靚女沽完見隻嘢再上，上周五收20.7元，有啲揼心。我話算啦，你兩個月唔夠賺咗15%，仲想點，錢落咗袋才是自己的，記住「有胡唔食，罪大惡極」。即使中海外升到22.3元(今年高位)都唔好恨，記住自己唔使兩個月賺咗15%就得啦，唔沽落番去又係一場白做。股神巴菲特一年回報都係15%咋，你一年走一轉，賺15%，若然有幸走多一轉賺30%，好強啦。當日書展有個讀者話，佢都係跟咗我在17個幾買中海外，亦係上星期走咗，不知幾高興。我叫佢將來又見中海外回至17個幾時可以買番，或者在中海外跌番到17個幾時買萬科(2202) 。

　　另一個女讀者問我，佢揸住隻中移動(941) ，成本價40元，最近升到81.6元，問我好唔好沽？我問佢其他有乜貨，原來佢亦有32元的國壽(2628) ，𠵱家得番20.5元。兩隻股都買入好長時間，都係無郁。我話國壽有唔少股票投資，內地股市低迷，當然無運行，股價郁都唔郁。但佢持有的中移動升咗上去，咁又唔怕分段沽番啲中移動出街，例如先沽一半，等佢升高啲(比如85元)或者佢出埋半年業績後，沽埋另一半。

　　高位沽貨 套現低揸

　　唔知中移動第2季業績係咪有驚人突破(唔易有大突破)，所以春江鴨先炒，抑或只係炒吓落後股，總之最近輪到炒佢。佢3月低位63.65元，升到早前高位82元，升咗28.8%，但升到𠵱家市盈率只有10.5倍，佢手持好多現金，所以好可能因為個市話跌話跌，跌極都跌唔到落去，就炒吓中移動呢啲落後股。

　　股壇老雀形容呢啲係藍燈籠股(見到佢掛出來就有死人)，見到佢哋升開始要小心。個市炒完好股先至炒衰股，先至升到呢啲股，所以手上有貨食吓胡無壞。我同那個女讀者講，沽完中移動個市再升亦無所謂，佢仲有啲咁高位買嘅國壽，有排都未見家鄉啦。佢高位沽番啲中移動出去套番啲現金，又點知唔可以低20%(即係65.3元)買番呢？若果操作得好，個組合有啲出入，可以增加回報，好過幾年郁都唔郁。

　　呢種在高位將部份貨沽出套現的方法(不用全部沽清)，最大風險是遇上一個罕見的大牛市，好似2007年那一種，太早沽貨就好傷。不過我認為，一來叫你沽出一部份，不是全部清倉，萬一遇上大牛市都唔怕，仲有貨。更重要的是港股唔得，因為內地股市唔得，A股唔得因為內地經濟進入轉型期，兼且銀根較緊，中國經濟即使好轉都會慢慢發生，所以內地股市唔似會爆升，港股就好難出大牛市啦。

　　讀者見我叫中線客沽貨，問我對大市點睇，我話主要睇美股，美股不斷創新高，港股跟唔足都跟五成，所以美股未跌，港股亦未跌得住，暫時仲係輪流炒階段。但到美股回吐之時，港股都要跟跌。即係短期順美股勢繼續炒，睇長少少要小心有一浪較像樣的回吐。

　　順勢而炒 唔講盈利

　　先講繼續炒。炒股其實都係搵理由炒吓，唔只炒國策股，亦炒到業績股，炒到呆股，一個行業一個行業咁炒。唔好信晒那些炒作理由，例如係國策。很多讀者問我各種國策對股份的影響，我話係有影響，但要在業績反映出來，可能要到明年3月公佈今年全年業績之時才見到，但如今大市在高位無嘢做，個別股份都炒得幾癲，例如那些AH差價股，又或者國策股，有啲股𠵱家個價已經反映咗國策利好因素，舉個例有隻股一個月前1元，𠵱家炒到1.3元，你以為將來有國策利好佢可以繼續炒上去，其實佢炒作只因為大市搵嘢炒，到大市回吐時，佢又可能跌番1元，到時國策無變，只係市場變咗，所以要留意基本因素，短炒時不可盡信基本因素，不要只睇佢盈利升唔升，否則佢跌時你以為佢有基本因素好堅，盈利會上，唔識走，好論盡。

　　要搵理由炒亦有好多理由。其中一個係阿里巴巴上市，佢最快在8月底、較遲就在9月在美國上市。據阿里巴巴向美國證券交易委員會提交的IPO文件披露，阿里巴巴向員工發出的購股價每股估值，由50美元上調至56美元，令阿里的估計市值由1170億美元，上升至1300億美元。美國市場人士更指，阿里巴巴上市後市值可以炒高至2000億美元。騰訊(700) 現價122.9元，市值11482億港元，換成美元是1481億美元，接近阿里巴巴自行估計的市值，若阿里巴巴上市受熱捧，騰訊或有進一步炒作空間。

　　預示加息 調整期到

　　騰訊近期升幅跟唔上美國科技股，美國納指和谷歌股價早已升穿高位，但騰訊股價距離高位129.2元，仲有5%差距，騰訊會唔會再上高位，除了睇騰訊半年業績之外，更重要係睇阿里巴巴上市快，還是美股回吐得快啦，睇嚟阿里巴巴上市係美股短期走勢最後一劑激素。美股有少少位高勢危，炒股的朋友應順勢而炒，唔得就走。

　　至於美股幾時回吐，𠵱家杜指、標普、納指都創咗新高或近年高位，走勢甚強，早前好多人估杜指破17000點就回吐，但佢都唔肯回。我話咁短期走勢難測，較可能的回吐位是聯儲局明示明年要加息時。好似去年儲局在6月預示年底開始收水減少量化寬鬆，債息急升，股市就回。若然今次又係早半年前預告，估計佢明年第一、二季開始加息，咁9月打後，聯儲局開口示警明年會加息的機會不低，佢一預警，債息又升，股市就回。

　　最後總結一下在書展見讀者網友的感覺。第一，讀者普遍說睇呢個專欄的最大得着，是無咁亂買股票窩輪，輸錢少了，以前真係亂咁買，買完又輸，輸完又買，完全唔識計數。第二，比較好的經驗係買中好股可以長揸。有個讀者話騰訊近200元時，我叫過大家買入作長期投資(應是2011年中)，佢買完隻股後來跌到160元，好彩佢買得唔多，頂得到無沽，揸到今天賺唔少。另有讀者多謝我在2012年和黃(013) 60幾元時叫佢買，佢買咗好多，揸到𠵱家好開心。

　　第三，另一種賺錢經驗係利用大市波動進出，例如買中海外，高沽低買。但好多讀者話唔易執行，主要是升的時候唔想沽，跌的時候又怕唔敢買，我話已經揀咗啲唔會執笠的股份畀大家走波幅，例如中海外或恒生H股指數基金(2828) ，萬一買錯可以揸吓，唔會死，所以低位要敢買。3月底隻2828跌到95元時，我叫大家分段買，即使買唔齊都有啲貨在手，𠵱家走都執12%。高位亦要敢沽，唔好對啲炒波幅的股票太有感情，沽咗食咗先至係真錢。沽完等佢回落到低位用同一筆錢買番，又多執10幾個%，咁樣複式增長，幾和味㗎。

　　有唔少人話高沽低買唔易執行，我反問一個讀者你「你有幾何最低位買，最高位沽？」佢答我話「無試過」。我話「咁就得啦，但大約在低位分段買，在高位分段沽，唔使一次全部入，一次全部出，咁心理上好過啲，唔好預自己食到盡，一次食到10幾個%已經好正啦。」

　　陸羽仁

我好似小粉絲等待偶像出現嘅心情, 一見到陸SIR時緊張到個心卟卟跳唔識講野, 只係傻傻的攞咗簽名同影相, 再次喺度同陸SIR講聲多謝 ,真係好開心呀

陸SIR比起之前剛現真身時肥番小小, 更加英偉同後生

達摩都好想見到陸蛇 噢!

唔知仲有無機會 呢噢?

非常榮幸書展能和陸SIR合照, 見到神交已久的各位. 子龍真人說真的比我想像中靚仔很多, 不負子龍之名!!!

陸SIR , "書" 多D !我都買了書支持陸SIR 寫多D !

係書展買了陸sir 簽名新書

網誌與專欄八年差不多共四千篇文。

陸SIR，謝謝你。

To:陸SIR

恭喜您的網誌8周年啦,回看您06年第一篇網誌,我想您當初寫網誌的本意達到了,幫到包括小貓在內的許多人,輸少許多錢。

我想...我可能也是因為看了您的文章後,才慢慢接受自己是一個弱者的事實。

而弱者在强者操控的市場裡,唯一的生存方式,不是要戰勝强者,而是配合。(包括配合强者屠宰散戶的心態和計劃)

避免與强者對賭,不去參與窩輪等的高風險賭局。

所以這幾年,投資(以前的是對賭)才真正有了回報,而不是僥倖的暫時風光,最終都是一局輸光。

如果早十年能看到這些網誌,可能可以少走很多路。

(也可能沒差別,畢竟年輕人總是以為任何事都有可能,任何賭局都有僥倖的勝機,就像現在的年輕人一樣,甚實我們也曾經是這樣)

可以說陸SIR的文章適合能獨立思考的投資者(年輕人更喜歡Lucky NumberI式的預言貼士。),

可能自己也經歷足夠多的失敗吧,所以才能觀察到陸sir分享不同名家的投資心得背後的觀點。

我想,這幾年,像我這樣因為陸sir提醒或驚告,而能捉住機會、避開跌市的讀者應該很多吧?

在這裡再一次說一聲:謝謝!

p.s.書展的人海太可怕了...書還是直接書局買吧,祝陸sir網報能得到廣範讀者和市場認同。

終於買左簽名新書，祝陸蛇生意蒸蒸日上～

原來唔覺唔覺就已經8年了......

Eric兄: 同意的, 量寬形成的資產通脹會否因為老美就業市場, 樓市復甦而結束呢??? 相信快則半年, 慢則一年,息口亦會開始回升呢. 未來十年, 又會邊集股份跑出呢??? 真是要細心思考下先得.....

謝謝陸sir及眾網友，共渡8😺 年晴雨。

或者前主席對數字敏感而失咗蹤…

終結者，北歐神話，並不是單睇經濟數字的好壞，而是在經濟盛衰週期中，政府和人民之間，有沒有堅守履行雙方面的社會契約。

芬蘭就唔清楚，不過挪威個主權基金絕對夠全民退休用。

嚴格來說，地理上冰島都係北歐國家，但係班友仔就去晒美國學師，仲要青出於藍，結果佢個政府及銀行，咪一度被英國佬列為恐怖主義組織，被凍結資產囉！

子龍兄，股票投資我係好保守，688是內房入面盈利最好的，823擁有全港最多商場/停車場，392入面有北京/中國燃氣同埋燕京啤酒，以上股票我覺得是進可供，退可守的公司。

至於買樓投資，而家已經係水尾，除非自住，否則論回報，論增長，點解唔買reits呢？

至於未來十年我最睇好的公司，並不是FB或者是Google，而是Tesla 呢！

大戶兄: 唔見貓主席大人, 可能忙於嘆世界呢.

陸sir: 嘩....陸sir才是俊男呢, 子龍離俊這個字, 差太遠了. 有機會要再向陸sir請教股票, 人生的道理呢. 謝謝.

Eric兄: 過去八年, 好像買樓是最好的投資呢. 股票不知何年才再創新高, 破31958, 你的組合都幾保守, 想輸都難....

寫專欄開網誌八周年啦，希望幫到大家啦!

大戶終結者:

子龍真人當然威猛，還是一位俊男。

子龍兄你好，無錯，過去八年投資所得係正數，但相比正職收入是輸了九條街 ，所以係股票市場入面，我是弱者。

而家我主力月供股票（每個月供款都超過1萬蚊），包括688，823，392等，其中以823供款額最大。

供823目的並不是為盈利而是為了股息收入。

點解唔買其他reits呢？因為中銀月供股票只有823這隻reits

至於點解唔直接買股票？最近我買了2202，但我覺得買股票set價位，睇價位太困身，也會影響工作情緒，所以唔太適合我。

將軍,

昨天沒有到輸展  ...  怕人多   

將軍一定很受歡迎呢!

有冇見到前主席?

陸sir 師兄師姐早晨.

陸sir出新書, 當然要捧場,先睹為快也. 多謝陸sir送上親筆簽名呢. 謝謝.

大戶兄: 何解唔見你???

馬仔: 嘩...書展好多人, 記得帶把電風扇,無咁熱......

Eric兄: 何解??? 見你多數盈利, 好少輸喎???

twohitsix兄: 與君一席話, 勝盲炒八年, 謝謝.

女網友: 你隻威靈要用或然率模型睇下先, 請待心等候.

孫網友: 下次講多少少你的I.T.專長, 等子龍學下野呢, 謝謝.

TC主席大人: 市場會行自己的路. 美股在高位, 阿爺在低位, 港股又何去何從呢???

黃國英：從AH股差價尋投資機會    2014年7月20日

【明報專訊】因港元強勢，傳聞最近熱錢流入本港，但股市反應甚微，那現時主導港股的因素為何？又應作何種部署？

豐盛金融資產管理董事黃國英認為，香港面對滬港通其實是一件大事，因未見過兩個相差那麼大的市場可以有一新措施令其合流，投資者應從中找到搵錢的契機。

「滬港通後，我們除了可在香港買H股也可以買內地A股，最近一些細價A股已大升，雖然港股整體發展最近看似平平無奇，但如中石油(0857)表現也強勁，不少中資公路股突然升了20%至30%，電力股也升得很快，中資電訊股也很強。」

黃國英說，資金和從前一樣都會是挑股來買，但這次很明顯因滬港通而大價股沒表現，香港的地產股現高位徘徊，不算差也不算特別好，和以往不同，以往有熱錢流入，地產股必先行，現在因辣招效應，市場覺得地產股沒有了投機的空間。

資金流入    港資產價格應升

他指出，「資金充斥是環球現象，因其他很多地區性貨幣也很強，而並非港元得天獨厚，日圓也不再超弱。因港元與美元掛鈎，沒法自我調節，如資金流入，香港資產價格應上升，但滬港通壓住了不少大藍籌，如地產股稍後上升，會升得較速，因為是有重估的空間，現在大市變成了大部分的股票受壓，出現了股市滯後的效應。」

「現在內地的資金和本地的莊家多追捧較細的H股，如江西銅(0358)已上了近期的高位，可能已有基金入市，我覺得有折讓的H股強勢，現在看安徽海螺(0914)和華潤水泥(1313)一強一弱，華潤水泥沒有A股因此而強勢，可說是滬港通已發揮效應，令市場買平沽貴…… 世人看中國的新領導層已有一年，措施說負面的多已完結，而開始趨向正面，國企改革試點等數據開始向好，中國股市其實落後很厲害，長線可以，但短期卻受壓，但股市是炒預期的，很多平穩的中資股如電訊及公路股其實最近的表現已是很突出，可能是覺得價值被低估了，像現在的越秀交通(1052)已升至5元以上，這說明投資者現在傾向買一些穩陣的但被低估的東西。」

黃認為，如滬港通合流後，會拉高平保A和拉低平保H(2318)的股價，價位應向中間靠攏，但應不會同價，因為兩個市場的口味不同，交易效率也不同，理論上最終應是H比A略貴，但價格會趨向靠攏，現時市況是港股醞釀慢慢變好，第一段的幅度未必太勁，但後市應會再向上一點。

「現在港股每天成交僅為五百億至六百億元，如有資金流入，本港為何仍不大升？一來港股現在波動小，令不少炒即日市的資金卻步，況且成交偏低已是環球現象，如美股屢創新高但成交同樣偏低，因市場已經改變，出現了很多的投資工具如債券等等，很多人都不投資股票已是一個事實，另即市波幅不足而失去了以往的一班炒家，但投資是預測價位而並非市場氣氛，所以成交多少未必太重要。」

不要看指數    趨吉避凶跟風去做

「作為散戶，滬港通的實施會否造就一個亮麗的升市？我個人不敢這樣說，其實如上證指數能升至2600點已很不錯，港股能升至24000點也已是小陽春了。」黃表示，滬港通是一個很大的機遇，但要挑股買，不要只看指數，「淨看指數會較不利，因指數相對會升得較慢，只要覺得在滬港通中那些股票會受惠，那些會受害，去趨吉避凶去跟風去做就可以了，其實單看AH股間的差價也可發現不少機會。我還會看一些有催化劑作用的，如中鋁(2600)，現在中鋁的AH股間有可觀的差幅，且最近顯示可能鋁的下游業務不錯，香港有一隻股票叫中國宏橋(1378)，是做鋁的下游業務，最近升幅很好，因為市場認為汽車工業中會愈來愈多使用鋁，而國際鋁價相對強，有較大的反彈，中國的鋁價反彈遠不及國際鋁價，因國內需求不佳，令這麼多年中國鋁業的股價極為弱勢，現汽車業多要研究耗能的方面，因鋁比合金輕，已較多用於汽車業，再因其長期弱勢，長期持有者應不多，根本是一隻被人長期遺忘了的殘股，如能重新起動，就會上升，這就是我說的催化劑了……。就總好過去買那些已經暴升，持有者準備出貨的那些股票如天津環保(1065)。」

Luk Sir, congratulations & many thanks!

唔驚唔覺又8年啦

過了八年後我終於知道自己係弱者

多謝陸sir這八年來的支持同埋鼓勵

陸sir：早晨！恭喜您個BLOG成立八周年！

時間過得真快，多謝您八年來的教導和分享，受益良多！

並祝您各個專欄都收視爆燈！長寫長有！

更祝您的個人事業一帆風順！蒸蒸日上！

重温陸sir 第一篇文：

不要做弱者   2006/7/20 下午 03:01:31

頭條老總叫我寫網誌，我聽後十分擔心，怕沒有能力天天寫，怕寫出來的東西不貼市，怕．．．．．．

但頭條老總口材好到極，叫我什麼也不要怕，試一試啦，不用日日寫，唔得至多將來執咗佢，你寫吓文幫吓網友，讓他們不要輸咁多錢啦！

  倒是他最後這一句打動了我，如果可以做點事，幫到頭條的網友，我也不能「拔一毫利天下而不為」。

我希望寫網誌有主題，以後網上寫的文章，主要圍繞兩大方面，第一，分析大戶獵食散戶的技巧。第二，和大家分享名家的投資心得。

我希望各位有興趣投資的網友，若有慘痛輸錢經驗，不妨拿出來和大家分享。

我想令大家明白投資第一律，股市是一個大吃小的遊戲場，有人賺錢就有人輸錢，股神巴菲特講過，「如果你打了３０分鐘啤牌，還看不出那人的牌功最弱，你就是那個最弱的人了。」

弱者是強者的點心，聽聞去年香港窩輪市場總發行金額是６０億，扣除成本發行商隨時賺了４０、５０億，這些錢都是散戶貢獻出來，你話香港投資者的貢獻大不大？

  究竟你是不是弱者？先要問問自己一個問題，埋單計數，你投資股票是賺多還是蝕多呢？

陸羽仁

話說今日書展巧多ren，排左成個鐘先入到場。一入場即時衝去搵陸sir啦，望下個鐘已經過左5點。去到仲見到陸sir坐係到，職員話剩返5分鐘。渣渣臨係收銀旁邊買書即時比陸sir簽名啦。

btw，陸sir真人比相入面英偉，更有魅力。

How Nokia's Finnish homeland took the news of Microsoft cuts

如果北歐經濟轉差, 會唔會係北歐制度神話破滅之時? 

陸sir伱就好啦，見到將軍真身。。。明天見:-)

係咪高大威猛, 英俊瀟灑?  

終於見到子龍的真面目啦!

戴耀廷尋找不存在的縫罅　注定要失望〈蕭若元：最新蕭析〉2014-07-18

我剛看到報紙，戴耀廷話要尋找一條狹窄的縫罅。我第一個印像是覺得很咸濕。為何要找一­條縫罅，而且還要是狹窄的。這當然是講笑。這所謂縫罅不是物理上或者生物上的縫罅，而­是法律或者政治上的縫罅。他覺得北京的意圖和香港支持民主的意圖是好像這樣頂住，那中­間就有一條罅。找到這條罅，便可以談到。但我想講，很對不住，你找那條罅是不存在的，­如果認為存在，那只能找兩個字來形容，就是幼稚。北京已經講得很清楚，因為雙方不是這­樣互相頂住，而是互相蓋住對方。那是沒有罅。由張德江開始，到白皮書、林鄭等，都是講­愛國愛港。但這是不能量化，不能定義，即是北京意圖是逐個逐個去看，那就不能制度化。­北京因為靠保證提委會而篩走他認為不是愛國愛港的人士，她是要在制度上作出這個保證。­那是非常清楚。在制度上保證不能讓一個她認為是不愛國愛港人士出選。而民主派就要求一­個市民支持的人，像余若薇可以出選，所以，是互相交疊蓋住，所以罅是不存在的。即使用­顯微鏡，在半夜找很久，也注定要失望。

俄國搞亂烏克蘭 馬航不幸中彈擊落〈蕭若元：最新蕭析〉2014-07-18

人「黑」無藥醫，馬航4個月內遭遇第二次慘劇，怎麼全世界那麼多航空公司，又會是馬航­遭殃。我只能夠用「黑」來形容。兩個字的話是「好黑」，三個字是「好x黑」。這已證實­是烏克蘭東部的親俄分子做的。這當然俄國是有份。高空的飛機不是那麼容易打下來，要俄­國雷達幫忙鎖定位置，而俄國雷達就不知道那是馬航的客機，是誤射。這是繼幾十年前，韓­國航空公司被擊落之後，俄國再做的事了。擊落大型民航客機，是舉世所不容。因為民航機­是沒有防禦，如果大家都去擊落，一定會遭受到報復。當日韓國民航機被擊落也鬧得很大。­現在，歐美無法不加緊對俄國的制裁。這些制裁會是傷骨傷筋，一步步收緊制裁，到最後，­俄國在美國的儲備化為烏有，凍結資產，就如伊朗或者敘利亞那樣。那俄國不能不大亂，俄­國經濟不能不崩潰。問題是俄國有大量核子武器，所以美國不敢做。

我要問，究竟普京想做甚麼。美國和歐洲已經經濟制裁俄國。他在烏克蘭東部搞事。第一，­他想美國和歐洲放寬已進行經濟制裁。他用搞事來要求放寬制裁，第二，換來烏克蘭政府向­俄國低頭，不做傷害俄國利益的事，而背後的政治利益計算是希望因此而得到國內政治的支­持。民粹撩外敵都是是如此。這令普京在國內的支持度增加，但這些遊戲實在是太危險。因­為一旦去度聯合國譴責，中國也不敢袒護。這件事對烏克蘭影響很嚴重，民航機大都不敢飛­去烏克蘭。俄國今日玩這種霸權遊戲，她根本是屍居餘氣，她只有一億三千萬人口，是一個­中度經濟發展的國家，只有七八千元美金GDP，能夠靠的只是之前造下的武器。否則在世­界上，她根本不重要。以前控制半個東歐，還有中國支持，那影響力是差很遠。基本上，她­已經不重要，無法抵抗歐盟步步東進，而她的勢力步步削弱。何況美國和歐洲發展更多頁岩­氣，俄國更加沒有重要性。但是普京就是一個這樣的人，獨裁者永遠都是如此。

馬時亨唔罵唔得〈蕭若元：最新蕭析〉2014-07-18

繼林鄭嘲笑黃之鋒之後，又有個馬時亨在李慧玲節目中話恭喜黃之鋒進入高等學府。我知你­馬時亨很叻，讀HKU低我一兩班。你是三級榮譽畢業，一直是靠擦鞋起家。他從來都是做­這些事。他有何厲害呢？黃之鋒今次考試成績不及你好。但你也只是三等榮譽畢業，其實即­是畢不到業。然後馬時亨你有甚麼事是做得成功，一路都是逢迎別人起家，是一個虛善的基­督徒。這些人真的不罵不得﹗

劉慧卿「國際標準」只為妥協〈蕭若元：最新蕭析〉2014-07-18

開常開變成了門常關，這也變成一個堡壘，因為恐怕再給人圍攻，這也展示了8月的政改決­定會是怎樣。另外，我想講的是劉慧卿會見戴耀廷，再三強調他們不會為公民提名而佔領中­環。他們只會為違反國際標準而佔領中環。這是完全蔑視出來投票那七十多萬人的意願。那­七十多萬人投票，那三個方案都是有公民提名，但劉慧卿公然背叛而換一條底線。先不要理­公民提名是否合理，但這七十多萬人就是民主派的選民，但當中只幾萬人不同意公民提名，­但民主黨是堅決不理會，公然背棄他的選民。而她所謂的「國際標準」，因為國際標準是比­較空泛的東西。這是容易走位。她也是希望和北京談出一個妥協方案出來。我可以話比劉慧­卿聽，這是沒有用的。你是晾乾水等人，也不會來找你的。北京是不會理你們的。佔中三子­話約了政改三人組，那他們就會聽你講一次。人民力量那些也找他們談過一次，但只是各有­各講，而且他們也會告訴你，他們是沒有權力下決定，只是由北京去講。如果他講了之後，­那又會怎樣。一有機構提名和集體意志，那你劉慧卿又會怎麼做。劉慧卿這個人的頑固，世­上只有一個人可以相比，那個是不能說的。

見到陸sir,攞左簽名，影埋相，好開心哦！

子龍兄：下星期又挾淡...

老美升得幾好, 唔錯.....

2014-07-18

Dow Jones Industrial Average (^DJI)

17,100.18   123.37(0.73%) 4:34PM EDT

袋鼠：you have a good weekend, too! 

補番段新聞 (更正，那百多人當中，並非全數科研人員，但都是去開會)

Malaysian Airlines flight MH17: AIDS conference delegates among plane crash victims, officials confirm

看來啲傳媒開始做緊"Roll Call"，逐間逐間航空公司，同佢哋算賬算清楚，邊一間行『死亡快線』，邊一間行相對安全繞道慢線… 或對商譽有長遠影響。

MH17 disaster: Flights over war zones 'because it's cheaper'

Kwokc，你好!

澳洲債市並不蓬勃，澳洲政府債劵總額，三千億都唔夠，十分之細。當中亦有州政府債劵。雖然上市企業都有發債，但對象是機構投資者，更有不細的比例是在海外發行 (Eurobond)。 此外，而家四大銀行及二線銀行，都發行一種hybrid債click，在交易所買賣，不過啲細節都幾多，亦各有不同，例如有一些可能有強制換股條款，而一部份係永久年期，交易所係唯一可套現渠道。(按入呢個段落啲links睇吓有無用…)

最近聽聞傳統形式嘅債劵，亦可以經交易所買賣，但詳情唔清楚。

如果你有睇袋鼠留言，你應該知道袋鼠都媽义飛天袋鼠Qantas好多年，而家個管理層、尤其是呢個行政總裁，以廉航風格去辦國家航企，可以去死。上年尾Qantas已經失去投資級別的評級，佢嘅債劵係垃圾級別 (junk bond；雖然評級上係最頂級嘅垃圾)。昨日澳洲政府修改了Qantas法案，放寬外資股權限制，加上區內有一個競爭對手好可能玩完 (唔講明都知道講緊邊個吧！)，對短期股價有幫助，但買債券要穩陣為上的話，全世界任何一間航空公司啲債券都唔應該諗。

click here to see another opinion － 但重點係唔會瞓身買囉…　夠資金的話，（rule of thumb）例如唔好多過十分一，亦唔好買其他垃圾級嘅嘢。

袋鼠係透過經紀行買賣股票，相對網上交易平台，經紀佣係貴好多，不過袋鼠買賣唔多，個額又足夠，所以佣金都唔係問題，反正用開呢個經紀夠正直，而且有時出現小問題亦即刻有人幫到忙。

袋鼠估，買賣情況和香港大致一樣，唔係打電話找經紀，就係上網/apps做。不過不論經紀行或銀行，都唔似香港，沒有『金魚缸』－沒有櫃位作買賣或㩒機報價。上經紀行或銀行，主要都係文件上或見客嘅嘢。

不過經銀行定係經紀行，睇個人喜好啦！連同會計師在內，全部都係好耐關係，只係個以前啲經紀轉行，將袋鼠個A/C轉轉吓轉到而家呢個，但又係無乜問題，所以袋鼠唔知有乜心得講。不過financial planner，袋鼠就完全迴避－如果你自己有關心金融市場、與及有一些簡單嘅風險知識的話，投資嘅意見你隨時仲知得多過佢哋。

既然你到時退休，就睇吓Financial Review過日晨，（只要唔好俾那個臭富婆股東整衰份報紙－自從佢入股之後，份報紙已經多咗癈話，尤其是個社論），有好多嘢可以學到。如果你有睇開信報，應該唔會唔習慣。呢度袋鼠寫５、６成嘅嘢，都係睇那份財經報紙學番嚟。睇一般時事，睇fairfax啲報紙之外，另一個就係abc.net.au，雖然係政府機構，其實比起不少坊間言論更加中肯；其餘澳洲媒體嘅資訊十分參差，更差嘅係有啲商營電台評論員（尤其有幾個在悉尼出晒名），係經常隨口嗡、作假數字、自編方便自己偏見嘅故仔，偏偏日日就係有幾十萬人聽佢哋亂點。

澳洲四大銀行及唯一投行（不過袋鼠對這間Mac投行無乜好感 - 此外Comm bank單嘢，政府內閣成員擺明幫拖；順帶一提，佢哋個住宅loan book係在鼠國最大的一個。），在香港應該都有佢哋嘅存款公司（上幾次返香港，都見到某袋鼠銀行嘅櫃員機），或者先去四大銀行探吓路、同佢哋接洽，作為起點。（但這不是推介，因為下一個金融危機亦唔知點發生、幾時會發生、邊啲銀行會出事、邊啲銀行會穩建。）

有一樣可以好老實講，任何一個銀行、金融機構，客戶金額夠大（但袋鼠唔知幾多先至叫做大），股務絕對會好啲。不過最終都係自己要帶眼識人，永遠有點戒心（包括睇袋鼠回應你嘅嘢），咁就唔會死錯人。

袋鼠兄： 我住澳洲時冇SMSF呢樣嘢，如果將來家人做part time、set up trust 或報綐之顃要搵會計師，都唔知點搵，一來離開太耐冇乜connection，二來聽你講完先知有啲咁無良會計師！請問搵會計師有乜心得？又，你只投資股票，而我識嘅人就只投資住宅物業，所以問佢哋有關股票嘅嘢係嘥氣！其實原本我只想退休後投資債券收息（嫌打理物業或股票投資煩）但澳洲稅重，加上而家又息低，要靠franking credit稅務安排先有so，被迫要學習投資澳洲股票。再請教你1. 澳洲bond market蓬勃嗎？最近見Qantas隻債券幾吸引，你對呢間公司有乜comment? 2.喺澳洲透過銀行或股票行買賣股票，同香港係咪大致一椂？你覺得銀行定股票行好啲？原因何在？有睇過啲新聞報導，知道CBA嘅financial advicer俾人告，將來返澳洲，都唔知點選擇broker或financial planner，諗起都頭痕....

馬航MH17原來載咗成百多位研究HIV疫苗嘅醫學家。成個世界損失唔少。x3

有D公司高層出去開會，會分幾架機坐， 

有D全家人去旅行都會分2架機

減少損失

馬航MH17原來載咗成百多位研究HIV疫苗嘅醫學家。成個世界損失唔少。x2

Kathleen，have a good weekend!

馬航MH17原來載咗成百多位研究HIV疫苗嘅醫學家。成個世界損失唔少。

重視過程而非結果

陸羽仁

//  ...  這個例子說明，在有技巧的賭博或投機遊戲中，要計算機率和賠率，在機率和賠率有利時下注。雖然這樣做在一局中未必會贏(如上述德州撲克的賭局就出現罕見的 例外情況，杜旺咁好運抽到好牌取勝)，但不必太注重短期的成敗，賭上1000局、1萬局時，還是以合理的、科學的方法下注的人可以勝出。過程正確，長賭會贏。  //

國泰抵讚

Can Malaysia Airlines survive MH17 disaster?

Cathay Pacific, Australia's Qantas and Korea's two major carriers are among airlines that stopped flying over Ukrainian airspace months ago due to concerns.

gary兄，在下覺得呢個世界有三種人

1，自己好有主見，唔會聽人講，問你意見只係預左聽到支持聲音(多數成功人士係呢類)

2，做咩都冇主見，永遠等人幫佢make decision，但呢種人又再分兩種：人地比咩意見都接受/人地比咩意見都ban, 但自己冇意見

3，自己有少少主見，但又冇乜信心，希望聽多d唔同人晚意見，又真係會認真考慮其他人既意見，心大心細，好多時未必可以快速做到好既決定

gary兄可以諗下外家係咩人，然後決定比乜野/唔比意見最有利於閣下同外家既人際關係…………

buddaau: 噢...但gary兄想show off, 最好是用--->語言偽術.

叮噹...全日大市收234, 跌未夠1舊.

//

都係唔出聲穩陣啲...

//

Totally agreed...

SIGH...