搶錢世界

呢個喺搶錢世界! 因為我哋生於功利社會, 不爭白不爭, 不搶白不搶! 所謂執輸行頭, 慘過敗家! 為咗要分一杯羹, 為咗要吞噬一大杯羹, 當然喺無所不用其極! 想想我哋呢班地球生物真喺可憐, 似英國放107方呎嘅房租要收港幣一萬零三佰蚊! 比起香港劏房而言, 收費有過之而無不及, 叫國民生活艱難!

講又講得番轉頭! 聽聞英國福利好, 救濟金好, 加上容易申請, 攪到好多英國國民寧可失業等政府救濟, 總好過日日番工做餐死, 都剩喺得雞碎咁多! 反而失業救濟金嘅金額比正職收入仲要多, 有咁好著數, 有咁筍嘅福利, 又唔使自己做餐死, 一於人搶自己又搶, 見人申請自己又申請, 過得海就喺神仙啦!

107呎要過萬蚊租金, 邊個有咁豪呀? 有都留番自己慢慢搣啦! 仲以為香港劏房貴到得人驚, 點知未喺英國果一皮! 真喺一租還有一租高! 諗深層真喺糟糕! 連啲租都咁高, 弱勢社群又點租得起, 去到最後仲唔喺要瞓街咩? 所以講唔好將英國睇得咁高, 當年有咁多殖民地, 唯有香港, 年年都比佢揸乾揸淨!

而家冇咗香港呢隻識生金蛋嘅雞, 國庫收入自然喺大不如前! 幸好九七回歸前, 已經同香港瓜分咗一半儲備, 先至可以保持衣香鬢影假裝紳士出嚟呃呃騙騙! 如果唔落啲本錢, 點會引得被獵物注意! 咪話靠租金搶錢, 只要有逼於無奈嘅時候, 可以出賣自己肉體去搶埋一份都得! 笑貧不笑娼, 一啲都冇講錯!