誰較恐怖--壁虎、蟑螂？

壁虎，又名「鹽蛇」，屬蜥蝪科；蟑螂，又名「甲由」。

呢類蛇蟲鼠蟻，我估冇人會鍾意！我天生怕四腳爬行嘅嘢，「鹽蛇」更加係我見尤怕---曾經見過一條大蜥蝪，眼仔碌碌，嚇到暈左！

兩幾日去相熟中醫果度做治，佢話診所好多蟑螂。我答：「咁奇！你呢度都冇嘢食，點解會有蟑螂？」

中醫：「你屋企有冇鹽蛇？」

我：「間中見倒一條，都好驚架！快快脆脆關中柜門，眼不見為乾淨。」

中醫：「嚴鹽蛇食蟑螂，有嚴蛇就冇蟑螂！我以前間舊鋪有兩條嚴鹽蛇，所以冇蟑螂。」

我：「吓！唔驚蟑螂，但好驚鹽蛇喎！」

中醫：「有冇法子捉條鹽蛇嚟呢？」吓！搵啲咁嘅嘢攪？

我：「你嚟我屋企捉左果條鹽蛇囉！」

以貌取昆蟲，我真係覺得鹽蛇樣衰得多架！

無線依家播緊嘅「沒女大翻身」。前晚睇左一集，咁啱係第一位沒女嘅完結篇，唔知之前講過咩，亦唔知呢個節目想表達咩嘢，祇不過果位醜女整完棚牙、化到個妝好似死人化妝咁，竟然有人請佢做嘢，真係好似做戲囉！

生得醜樣唔係果個人嘅錯(好似我生得咁惡死，都冇法子架)---雞仔聲既然係自己刻意整嘅，咪改囉(有好多人專登扮雞仔聲，等人覺得佢cute架)！個口生得大加埋棚牙黃，箍牙/洗牙整齊、整白佢咪得囉！佢全棚牙整過，假到好似個假人咁，唔整好過整！

最失敗係佢個化妝。嘩！真係好鬼難睇呀！我寧願佢保持番原來面目---豈碼似番個人！