坐享其成

七月廿五日，我響網誌介紹過黑蒜。

與友人傾開計，原來好多人都食緊。我都係果句啦：我無電飯煲，想自製都唔得；而且要有保溫功能嘅電飯煲，用左嚟整黑蒜、基本上唔可以再用嚟煲飯---因為個電飯煲唔得閒！而且，果頭有收成，又要開始做下一批，所以好花時間。

我高叫一聲(我覺得黑蒜好食，雖然未確實知道佢係咪真係可以抗三高、甚至連膝痛都解決得倒，但蒜對身體有益呢樣嘢，係無可置疑(註一)嘅)，好友紛紛講：我第日整開預埋你果份！仲言出即行，今日收倒第一份啦，全部係獨子蒜！下星期又收第二份(都應該係獨子蒜，因為我講過獨子蒜好味好多)。

哈哈！可以坐享其成(註二)，唔係人人有份架！最近響油麻地永安見一粒普通黑蒜賣$28，算便宜架啦！

註：

一. 無可罝疑：事實明顯或理由充足，沒有什麼可以懷疑的。

二. 坐享其成：享：享受；成：成果。自己不出力而享受別人取得的成果。