欖菜肉碎煮青茄子
2014/08/14 11:05:03
網誌分類:
食譜
星期一買左一札三條嘅青皮茄子,除左整早兩日講果個「肉碎腐乳蒸茄子」外,剩番一條,尋日用欖菜肉碎煮埋佢。
材料:
青皮茄子一條 (洗淨,臨蒸前才切條排於碟上)
肉碎 150克 (4兩,多少隨意,以生抽、麻油、糖、粟粉醃)
欖菜一湯匙
蒜茸
一. 茄子用大火蒸3-5分鐘。
二. 爆蒜茸,下肉碎爆炒,灒酒,爆炒至熟;加入欖菜及蒸好之茄子炒勻即可。
註:
一. 食左兩次青皮茄子,除左早兩日講過,佢嘅營養價值不及白皮及紫皮茄子外,個人都係喜歡紫皮茄子----白皮我未食過!如果蒸同樣時間,紫皮嘅稔得嚟還有少少爽、而青皮嘅則較稔滑,睇吓個人口味啦!
二. 欖菜一定要等肉碎炒熟才加入---欖菜黑色,加左欖菜便睇唔清楚啲肉是否熟透!
三. 我這樣做法,茄子蒸出嚟唔會有水;但如果一早切定,一定要用水浸住,否則茄子會變色;同時,蒸完茄子亦一定會出水。如果用後面的方法,可在醃肉時加多少少粟粉,待炒肉碎灒酒後將蒸茄子多餘的水份先加入肉碎度。
呢的簡單餸,啱我。
榄角去核撕開浸在油內帶咸味,不同牌子咸味不同,要自己試过。榄莱不宜久煮,會標油。
㰖菜係咪即係欖角?
我都喜歡吃茄子的,很多時在外面吃飯會點魚香茄子煲. +1