琴絃聚(一)

呢首歌早幾年流行一時，曲友芳芳幾年前經已揀左佢出騷。佢約左我下個月同佢操，我未唱過，趁尋日香港有唱局，於是約拍檔試唱一次先。

呢首歌子喉來說，最難唱係第一段----我聽好多人出「騷」果陣，唱呢段都係線底！都係果句啦，雖然係用「尺五線」唱，其實成段好多都係雙企人嘅譜，好高音架！(有關「尺五線」，請參考早兩日網誌：秋江哭別)

芳芳咁熟首歌，我都唔可以怠慢架---呢啲係對自己有交代、唱到甩頭甩髻晒錢兼對拍檔唔公道！盡左力都做唔倒就冇法子啦---有冇盡過力，人家一聽便知！

另一位子喉問我：「駛唔駛同你和唱？」(呢首歌佢小計都操過廿次)

我：「唔駛！我自己都未企得穩，我驚俾你打殘埋！(首歌和唱同子喉一齊唱，但係唱唔同嘅音，是但一方唔穩陣都會俾對方拖垮)等我唱熟左先。」呢首歌如果響深圳操，音樂豐富啲、加埋和唱就好聽好多。

不過，今次第一次唱，唱得唔好----雖然基本上都唱啱晒，咁祇係得五十分，剛剛及格！何解？顧住唱啱佢，顧唔倒揣摩角色、口白、感情！結果，成首曲得個軀殼，冇靈魂，點會好呢？

曲情描述：

故事講述張羽隱居于東海沙門島上，每天向著東海弄琴，東海龍王之女瓊蓮公主被其簫琴聲感動，出海相見，兩人互生情愫，私訂終身，但為龍王反對。張羽後得仙人相助，教其煮海。龍王迫于無奈，只得允其婚事。(此曲內容是紅色字的部份)

日期：2014年8月14日

地點：香港(冇得插線錄，音色較差)

演唱者：LK/Van

https://app.box.com/s/na47c1vjkhkl7qtqyj1q