加息壓力

2014/08/22 09:07:18 網誌分類: 經濟

22 Aug

聯儲局議息會議記錄，反映官員對加息態度轉趨「鷹派」，提早加息的預期升溫，而中國製造業唔係好得，匯豐編製的PMI初值差過市場預期，人行又在市上抽水100億元人民幣，搞到中港股市上日腳軟軟。

不過，未有打擊美股的投資情緒，美股繼續向好。杜指重上17000點後，在附近爭持，收市企穩17000點樓上，報17039點，升60點；標普500指數漲6點至1992點，而納指亦再創14年來新高，漲6點至4532點。

昨日美國出爐的一堆經濟數據，頗為靚仔，對上一周的首次申請失業救濟人數減少14000人至29.8萬，再度跌穿30萬關口，好過市場預期的30.1萬人。7月份的二手房銷售也好過預期，較上月增加2.4%至515萬幢，比預期高出15萬幢；另外，8月份的費城聯儲製造業指數亦從上月的23.9大幅攀升至28，創出2011年3月以來新高。而美國7月領先經濟指標指數上漲0.9%，表明美國的經濟踏入夏季以來，增長正在加速。

全球央行年會正在美國Jackson Hole召開，聯儲局主席耶倫的發言，成為市場焦點所在。不過，睇股市近期表現與股市恐懼指標VIX指數回落至11的超低水平，昨日更係波平如鏡，反映投資者預期耶倫對利率政策，仍會比較手鬆。券商IG Markets首席市場策略師凱利(Brenda Kelly) 昨日表示，雖然聯儲局會議紀要顯示官員已經討論過是否提早加息的問題，但她認為立即加息，不大可能，這仍然要取決於就業市場及通脹的數據。

華盛頓的彼得森國際經濟研究所總裁亞當玻森在英國《金融時報》撰文表示，聯儲局應維持低利率以支撐就業市場，應該暫時不要升息，以避免持續的高失業問題演變成為永久性的傷害。

不過，CNBC昨日發表專文，以五大理由說明超低利率對金融市場的衝擊，並呼籲聯儲局應立即加息。第一是金融市場到處都是泡沫。雖然有些泡沫並不大，但資產價格的確已經廣泛的膨脹。債券殖利率遠低於投資人的預期。股市的市值佔整體GDP比例，為科技泡沫以來最高。股市的本益比，與2%的經濟成長並不一致。利率維持在近零的時間愈長，資金流脫序的情況就會愈嚴重，泡沫造成的問題就愈大。第二，資產價格膨脹，但並未對消費支出造成預期的影響。「財富效應」並不廣泛，原因係財富增加集中在高所得家庭。從經濟衰退的谷底開始算起，家庭淨值增加了26兆美元，其中有21.5兆美元是透過金融資產的成長，只有4.7兆是因為不動產資產成長。即使有50%的基層家庭受惠，其淨值也只不過增加了3.3%而已。只有富裕家庭財富增加，對消費支出並沒有太大幫助，幫不了整體經濟成長。第三、零利率政策是薪資成長的雙面刃，零利率政策下，最受害的是利息所得，也是個人所得成長的一部分，另外，也壓低薪資成長。第四、金融危機如果再發生，聯儲局便再沒有應對的工具可用。

貨幣寬鬆政策就像零售業大拍賣，時間拉得愈長，效力愈低。當局已經連續67個月將貨幣的價格壓低，後來的影響力已經沒那麼大了。聯儲局必須保留貨幣政策工具，以防下次金融危機發生，而且一定會有危機再發生。

最後是通膨率已達目標，但勞動市場仍緊繃。雖然聯儲局官員認為仍未達到完全就業，但短期失業率已降至4.1%，已是頗低水平。首次申請失業救濟金人數也跌到了歷史低點，已有愈來愈多僱主表示，很難找到合格的人員來填補空缺。這是結構性問題，因為薪資不成長，公司好難招人，而貨幣政策維持現況，則無法解決這個問題。CNBC專文認為, 有鑑於零利率政策的風險、風險造成未來的不確定性，以及政策的有限效益，聯儲局必須盡快開始升息。更重要的一點是，歐洲央行將開始接下寬鬆貨幣的棒子，現在是收回資金的最好時機。

泡沫苗頭已現，要求加息的壓力日增，但估計短期內聯儲局主席耶倫未似會出囗（出手加息當然更遲），所以莫看見這些評論就急急沽貨，但中長缐就要預明年加息了。

回應 (81)

我要發表

陸羽仁 2014/08/25 16:44:24 回覆

迷途小書僮，

假如在加息週期買樓,是應該選擇P按風險會低一點。

要選用H，一定要有P按為單位的鎖息上限,不過通常上限都會比P 按高一點，所以長年期借貸都係P 按好少少。

KFC 2014/08/25 09:16:04 回覆

陸SIR今日節目重溫

第三部份 Part 3 (HKT 0804:0900) Time Bar由47:20開始

http://programme.rthk.hk/channel/radio/player_popup.php?name=morningsuite&pid=400&eid=&d=2014-08-25&player=mp3&type=archive&channel=radio2

子龍 (kaka就是大叔的契哥) 2014/08/25 08:56:24 回覆

港股未算高, 今日準備入牛..... ${#icono0_2}$

animal666 2014/08/25 06:48:36 回覆

低處不勝寒
2014年08月25日

　　美股上周五輕微低收，杜指剛剛收喺17000點樓上，由於美股同港股都係險守心理關口，唔排除呢個星期，好友淡友仲有一輪角力。

　　上上落落一番，港股上個星期終於企穩咗喺兩萬五千點，同時亦係6年幾新高。喺呢個時候，示警叫人小心的聲音開始多咗，由於恒指已經幾年無見過咁嘅高位，故此好多人形容𠵱家個市係高處不勝寒。

　　究竟個市係咪高處不勝寒，呢樣係好主觀嘅，先唔講寒唔寒嘅問題，淨係講港股算唔算高，咁又點睇呢？港股高唔高，可以分好多指標去量度。從指數嚟講，港股雖然係升到兩萬五千點，但就同歷史最高點喺2007年10月30日創出嘅31638點，相距差不多6600點，仲未計入期間通脹因素。

　　橫計掂計港股唔算高

　　相比港股，美股早已創咗歷史新高，上個星期杜指收報17001點，當然唔係歷史新高，但都距離不遠，即係話美股頂峰是在呢一浪創出。杜指上一個浪頂出現時間係14198點，時間同樣係2007年10月，之後由於次按出現，再陸續引發毒債問題同衍生金融產品，令美股大跌，事隔一年美股跌穿9000點大關。美股呢個熊市維持兩至三年，之後喺聯邦儲備局用直升機派銀紙泵水下回升，終於到2013年4月11日，杜指創出14865點新高收市。

　　以目前指數，杜指比上次歷史高峰再超出一成半，用番同一把尺，等如恒指升到36000點樓上，即係要升多四成。如果用內地A股比較，相差就更遠了，上證綜指同樣喺2007年創出新高，到達6124點，𠵱家只係高位嘅三成半而已。港股近年受內地股市影響多過受美股影響，或者因為呢個理由，故此港股喺金融海嘯做起步點計，比起美股跑輸差不多三分之一，不過，比起內地股市就好得多啦，如果用美股把尺嚟睇，港股唔叫高而係低，用內地比就相反嘞。

　　至於個股情況如何呢？以今次帶領美股升浪的科技股計，龍頭蘋果公司喺推出新手機帶動下，升破咗拆細後股價100美元，衝上歷史高位。至於港股，龍頭騰訊(700) 無錯係升好多，但其他帶領呢個升浪的的重磅股好似港交所(388) ，歷史高價是2007年11月創出的265.4元，比上個星期收市價高出44%，幅度同大市差唔多，喺差不多時間創出過154.2元的價位，相差仲多，有成62%。所以如果用股價嚟計，𠵱家好多藍籌仲喺中途站浮沉緊，有好多股民仲做緊大閘蟹等甩身，所以你喺街唔係見到咁多人興奮講股，兜去中資銀行，仲唔見到牛頭角順嫂喺度爭撳機。

　　除用指數同股價嚟睇大市外，用估值又點睇呢？以市盈率計，1973年股災前，恒生指數成份股市盈率係33倍，至於2007年大市31000點樓上時，市盈率係24倍，𠵱家大約係12倍左右。過去3年計，港股市盈率最低去過10倍，甚至9倍樓下，今年4月最低去過10.4倍，有人覺得高處不勝寒，多少就係因為個市幾個月間，由低位急升咗咁多產生的感覺。

　　唔高不代表無危險

　　講咗咁大堆數據，大家唔好誤會，以為陸羽仁想講個市好抵買。陸羽仁想講嘅係，個市升咗咁多，但究竟算唔算高呢？從好多角度嚟講，個市其實唔算真係好高，但唔高係唔係等於唔一定寒呢？咁又未必，因為寒唔寒仲要睇好多因素。好似𠵱家美股嘅牛牛，就算唔係老牛，至少都步入中年，健康好容易出問題，加上美國聯儲局班理事，已經夾埋為明年加息出晒口術，如果未來復甦步伐唔變，息口好大機會上調，隨時觸發美股出現一次有深度的調整。

　　至於中港因素方面，好明顯係經濟仲係下行循環運動，企業經營環境唔係咁好，股市升得高，就等於同實體經濟背馳愈嚴重，兩者差距愈來愈遠。換句話說，𠵱家股市問題只係指數高或股值高，而實體經濟仲未得，要驚嘅係股市走得太快，所以投資者唔係要驚高處不勝寒，而係驚低處不勝寒。

　　有人會問，高處不勝寒同低處不勝寒有乜分別先？陸SIR你係咪玩語言藝術呀？高處不勝寒同低處不勝寒最大分別，係高處不勝寒嘅時候，指數同估值升得咁高都有人買股，皆因經濟環境好旺，環境睇落好好，大家感覺好易賺錢，而且明天仲會再好啲。喺咁嘅環境下，公司盈利可能已經走上頂峰，加上估值偏高，咁就變成高上加高，寒起上嚟就好勁。到投資者發現唔對路，想走番落山已經唔係咁易，結果有可能一坐艇就坐十年八年，最近期嘅例子就係2007年炒港股直通車，當時無論指數同估值都咁高，走避不及坐咗艇者，𠵱家捱價已經捱咗7年，但仲未返到家鄉。

　　至於低處不勝寒，雖然股市同低位升咗唔少，但估值始終唔算高，主要原因係實體經濟仲係探緊底，氣氛唔會令人咁有信心，股民多數係炒吓又睇吓，未敢全軍出擊，擺出十個前鋒的全攻型戰術。由於咁樣，就算市場吹吓冷風，股民多數都係傷風，唔會咁易肺炎入廠甚至無命。

　　流入資金仲未買晒嘢

　　講起股民未被勝利沖昏頭腦，陸羽仁同中環投行老友講起，佢都話最近呢排個市有錢入嚟，但大家買嘢唔係咁急，主要原因係新股發行唔係咁多，除了話上市公司招股唔係咁大型外，大公司批股、供股集資唔係咁多，所以仲未完全抽走流入的資金。部份有錢的基金、大戶就喺市場買吓嘢，正因為有佢哋喺度買嘢，個市變成累升咁多都唔跌得落，搞到個市好似有啲危危哋咁。

　　投行老友仲話，有人話個市高，奇怪係𠵱家好多平股無人買，佢形容成個中資金融股板塊都係大落後，好似上個星期公佈業績的中行(3988) ，收報3.67元，市盈率只有5.12倍，中期純利增長11%，雖然唔係咁勁，但都係有增長；佢同7年前創出的歷史高價5.06元仲差好遠，仲唔計佢呢幾年盈利增長咗。內銀股估值咁平，主要係外資擔心中國銀行體系爆煲，先唔講內地政府有無能力控制同保護金融體系，但如果內銀出咗事，港股固然無眼睇，全球金融體系肯定都波濤洶湧啦！從呢個角度睇，無理由其他地方股市估值咁高，內銀股就咁低喎。不過，投資市場唔係百分百理性嘅地方，啲錢有平嘢都唔吼，係都唔買內銀股，咁就幾抵買都無符，化而大之，所以有時炒股唔係只講平定貴，有時愈平愈無人買，愈貴就愈搶手。

　　個市究竟係咪位高勢危，抑或係股市比經濟走得前咗，應對方法係有分別。如果股市係一片樂觀，人人以為個市有金執，買股收息要成世先回到本，股民最聰明的做法，就係全線清貨，一股不留，然後死忍，直至個市大跌屍橫遍野先出嚟執平貨。

　　順勢而炒唔使急離場

　　要喺高位全線清貨，跟住睇人家賺錢忍住唔入市，絕對係好唔人道兼違反人性的行為，因為人係群體動物，要離群獨自行事唔係咁易，尤其係見到人哋炒股賺錢咁快樂的時候，所以要咁做，真係要睇得好清楚，有十足信心先好行動，否則清貨太早，忍到最後忍唔住入市，隨時就變成最後入市接火棒。

　　以𠵱家情況，個市距離炒到癲，要全線離場仲有距離，喺呢啲時候，投資者適宜順勢而炒，邊戰邊走，意思係𠵱家個市已經升咗唔少，當然唔適宜再擲大筆資金入市追貨，但同時手頭有貨者，都唔使急於沽晒佢博翻兜，比較穩妥嘅方法係個市升，就沽小小貨等自己開心吓，等佢跌番小小又入番，總之買賣唔使咁心急，有乜就等吓先，因為照睇個市仲有得熬吓，股民唔怕寒咪可以衝吓浪囉。

　　陸羽仁

animal666 2014/08/24 21:09:14 回覆

HSI 。。25 August

${#icons_dog8}$ ${#icons_cat8}$

2014/08/24 20:42:34 回覆

Kathleen，唔係長週末，只係袋鼠諗住無時間入大廳，所以早啲同你講聲啫。

有趣：Talking Turkey - How to speak the language of money

KFC 2014/08/24 10:23:53 回覆

山水董事被指侵吞老員工股權

前國企爆股權糾紛入稟港法院

【明報專訊】2008年來港上市的前國企山水水泥(0691)爆股權糾紛，近800名老員工入稟香港法院，指公司執董兼前董事長張才奎及前執董李延民，透過股權架構重組及成立絕對酌情信託，侵吞員工託管於二人合共約21.26%股權、市值約17.4億元的山水水泥股份。入稟狀又稱，張才奎濫用代理人職能謀取私利，批出或承接違反公司利益的合同。山水水泥於截稿前未有回覆。

業界：暴露港監管上市有漏洞

山水水泥的股權糾紛，除了揭示國企改制的潛在隱憂，有業內人士指事件亦暴露本港監管漏洞，因山水水泥的招股書已披露股權架構上矛盾之處，但未為監管機構所發現，反映新股上市審批仍有不足之處。

根據入稟狀，事件最大爭議是大股東及執董張才奎，與前執董李延民，以成立張氏酌情及李氏酌情信託，代為持由一批員工共61.77%山東山水股權，等同侵吞有關員工的權益。

山水水泥2008年來港上市的招股書披露，2005年近4000名員工將股份權益轉移至兩個信託，「境外全權信託將成為一項既符合相關法律法規，並可令中國員工持股計劃的精神和宗旨得以反映，每位員工應佔山東山水實益權益的百分比將與其透過這兩隻信託於中國山水投資的權益分配相同」。

招股書資料似自相矛盾

有業內人士指出，絕對酌情信託與固定信託不同，絕對酌情信託的受託人可全權控制及處置信託財產，信託受益人可以「一個仙都分不到」，固定信託的受益人則有權隨時要求取回名下權益。

故此，山水水泥招股書所述，每位員工透過兩個絕對酌情信託持股，應佔公司權益無變，是自相矛盾的說法，而且是十分顯淺、明顯的謬誤，質疑新股上市文件經過各方專業人士及監管機構過目，仍然可以出現上述問題，是審批及監管存漏洞。山水水泥上市保薦人為摩根士丹利、瑞信及建銀國際。

全文：http://www.mpfinance.com/htm/finance/20140824/news/ea_eaa1.htm

2014/08/23 23:35:48 回覆

HSI 。。25 August

animal666 2014/08/23 15:27:09 回覆

IG Market...

${#icons_dog8}$ ${#icons_cat8}$

2014/08/23 04:44:54 回覆

2014-08-22

Dow Jones Industrial Average (^DJI)

17,001.22 38.27(0.22%) 4:34PM EDT

Prev Close:	17,039.49
Open:	17,038.27

Day's Range:	16,984.52 -17,064.28
52wk Range:	14,719.40 -17,151.60

Dow Jones Industrial Average (^DJI)

2014/08/22 22:31:24 回覆

請問陸SIR,

假如在加息週期買樓,是不是都應該選擇P按風險會低一點?

但是有些銀行會給選用H按客戶同時提供以P按為單位的鎖息上限,

那在加息週期中應該選用那一個呢?

還有我想陸SIR指點下買樓既迷津,小弟見到樓市不斷破頂,真係越等越灰....

2014/08/22 22:06:52 回覆

IG Market

2014/08/22 19:51:36 回覆

KFC, 謝謝 !

不好意思, 再麻煩你了.......

下次會記住貼昨日的POST , 謝謝你的幫忙 ! ${#iconb_513}$

animal666 2014/08/22 19:15:55 回覆

IG market...

${#icons_dog8}$ ${#icons_cat8}$

animal666 2014/08/22 19:15:27 回覆

期貨(八月)日市...

${#icons_dog8}$ ${#icons_cat8}$

animal666 2014/08/22 18:42:20 回覆

中原城市領先指數 CCL

日期	中原城市領先指數 CCL (所有成份屋苑)
2014/08/11 - 2014/08/17	125.31
2014/08/04 - 2014/08/10	125.66
2014/07/28 - 2014/08/03	124.00
2014/07/21 - 2014/07/27	123.54
2014/07/14 - 2014/07/20	123.20
2014/07/07 - 2014/07/13	123.36
2014/06/30 - 2014/07/06	123.35
2014/06/23 - 2014/06/29	121.19
2014/06/16 - 2014/06/22	121.16
2014/06/09 - 2014/06/15	119.89
2014/06/02 - 2014/06/08	119.23
2014/05/26 - 2014/06/01	118.37
2014/05/19 - 2014/05/25	119.07
2014/05/12 - 2014/05/18	118.56
2014/05/05 - 2014/05/11	118.86
2014/04/28 - 2014/05/04	118.12
2014/04/21 - 2014/04/27	118.40
2014/04/14 - 2014/04/20	118.31
2014/04/07 - 2014/04/13	119.04
2014/03/31 - 2014/04/06	118.82