冬瓜消暑去濕湯

唔係馬，呢個湯都要介紹？實情係要介紹呢樣嘢：

呢樣係咩嘢？響759見倒，韓國出品：用佢嚟裝住啲藥材煲湯或者煲藥，咁煲完出嚟嘅湯同藥咪清好多囉！以前我煲湯(特別係魚湯)多數會用魚湯袋，但其後有朋友同我講：果啲魚湯袋嘅物料都唔知靠唔靠得住，仲要煲咁長時間！諗吓又係，因此我情願煲完搵個篩嚟隔渣；今次買呢種袋嚟試吓---佢有兩種呎碼，不過我覺得細果種太細，唔合用，所以買左呢種。雖然有16X14.5CM，但係裝湯渣都嫌細，我用左兩個。

試後評：個袋設計唔錯，好似個枕頭咁，開口處反落嚟就封左；煲完湯亦沒有霉霉爛爛。

材料：

去濕湯料一包

冬瓜切大件

甘筍(咁啱屋企剩左一舊，無謂嘥，煲埋佢啫)

豬骨先飛水

陳皮一角

煲兩小時。

我唔記得左隔油便拍照！