股民常犯的三個錯誤
美股跌得多出現報復性反彈。美國8月新屋銷售理想,加上克利夫蘭及芝加哥聯儲主席發表講話,認為仲未係時候提早加息,美股反彈,結束連續三日的跌勢。美股走勢唔錯,朝早跌一跌之後就全程一路向上,杜指以升154點,收報17210;標普500指數漲16點至1998點;納指收升47點,造4555點。
美國8月二手屋銷路唔得,但新屋銷售就認真威威,較7月大漲18%,年化的量增至50.4萬幢,創了6年多新高。月升幅更係1992年1月以來最高,反映美國住房市場仍然在復甦之中。
另外,聯儲官員的對加息的鴿派講話,對市場也起到提振作用。克利夫蘭聯儲主席梅斯特(Loretta Mester) 雖然重申,聯儲局政策聲明中關於加息的時間方面,應該刪除「相當長時間內」這一措辭,但同時稱寬鬆政策仍然適宜,加息時間取決於經濟數據,而美元繼續走強將影響美國經濟增長。
芝加哥聯儲主席埃文斯(Charles Evans) 講得就更加直接啦,佢話對有關提早加息的呼聲很不安,聯儲局不應該在時機不成熟的情況下加息,只有在對經濟與通脹狀況有信心時才能加息。他認為失業率6.1%仍然太高,而個人消費支出物價指數(PCE) 只有1%至1.2%,預計也只會緩慢回升至2%目標附近,目前幾乎沒有通脹爆發的風險。加息,未係時候也。
華爾街日報昨日有一篇關於投資基本法文章,話投資者不斷犯三個錯誤,幾有趣,值得分享。華爾街日報專欄作家Morgan House話由於市場是不可測的,再加上人是情緒化的,兩個因素加起來,結果便做成投資者錯誤行為及悔恨。股民通常高買低沽,這可以每年造成1至4%的損失(對不頻密交易的投資者),令回報低落。以10年計,投資10萬,年回報7%,可以變成38萬,只有4%年回報,就只得22萬,差別極大。
當中又有三個錯誤是投資者不斷地犯的。
第一係太多投資者太過自信,錯誤評估自己的情緒,而情緒令他們經常做錯事。例如好多人相信自己係可以如股神講那樣,「在人們恐懼時貪婪」,但現實上並非如此,因為驚慌係一種非當強勁的情緒,在做決定時,往往比邏輯更有支配性,如果你在2008年金融海嘯期間「騰晒雞」,拋售手上的股票,你的風險胃納指數其實唔高,根本做唔到「在人們恐懼時貪婪」,這種恐懼情緒的遺害是你通常會在低位嚇到沽貨,只會在看似好安全的環境中入市,低沽高買。所以,首先不要對自己太有自信,以為一定會做得對,才能控制自己的情緒。
第二個錯誤係未能夠明白股市波動係正常不過的事。拿破倫對軍事天才的定義是一個人能夠在周圍的人都瘋狂的時候,做平常(average)的事情。這個定義也適用於投資,事實上,你無需是一個天才,也能夠在過去十年間的股市做到不錯的表現。你只需在2008年,周圍的人都非常瘋狂地恐懼的時候保持鎮定就可以。要做到這樣,你只要在股市向下的時候謹記著股市下跌是正常不過的事情,沒什大不了的。由於好多投資者唔明白大市變動係好正常的,將會認為跌市好不尋常,他們便會十分關注,十分緊張,繼而採取行動,例如沽貨走人。據耶魯大學經濟學家Robert Shiller的數據顯示,由1900年至2013年,扣除通脹及股息影響,美股平均每年增長6.5%。大市正在某段時間亂套是正常的,事實上年度最大的上下波幅,其實只有23%。
投資者經常尋求市場下跌的解釋,其實最老實嘅答案係:股市有時就係咁。就好似天氣一樣,有時熱,有時冷。投資者太過關注股市的升跌,只會做成過度的分析、緊張,以至做出錯的動作。
第三點係試圖預測股市的走向。股市的不可預測性未能阻止投資者要預測股市的欲望。前聯儲局主席格林斯潘去年話,我們未能做出準確的預測,但我們仍然假裝能預測,但我們真的不能夠。投資銀行Dresdner Kleinwort出了一份關於市場上的分析員在預測股價、利率以及GDP增長準確性的報告,他的們的準確性都好糟糕。不過,當中卻發現一個普遍現象,就係預測及實際結果有一個滯後關係。分析員會等待至股價上升之後,然後預測股價會上升。利率下跌後,預測利率會下跌。其實他們只是告訴我們已經發生了的事情,對未來將會發生的事情,講得好少。
作者指出沒有預測的世界並不恐怖,只需有足夠容許錯誤的空間便可。偉大的投資專家Benjamin Graham曾經提過關於要有一個安全空間(應急的資本、彈性的工作以及避開貴價的股票)的目的,就是「無需對未來作出準確的預測」。我們操控不了市場下一步會怎樣,但我們可以完全控制自己對市場表現的反應。
陸羽仁
陸羽仁覆網友
Andy188:人恐懼時貪婪,都要睇對象。第一可以分散,買指數基金安全。第二2008年亦唔難揀,穩陣揀高盛,股神入埋股,照抄佢得啦,進取點買花旗銀行,最低0.96美元,當買窩輪,銀行好過經紀行啦,美國政府擺明唔俾銀行衰。
蛋散:呢一浪插到月底,期指淡友都食唔少啦。
各位早晨 !
今早睇返陸Sir貼文,有感例如「在人們恐懼時貪婪」, 逆向思維等等投資概念, 在現今資訊發達的社會,早以為人所熟悉,其實它們的實用性是因人因時而異。比如雷曼時件剛發酵時,用"在人們恐懼時貪婪"," 逆向思維"等原則買入雷曼,相信結果如何不用多說了,幸運地買入花旗, 美銀等股票,還要有實力和信心才能守到今天呢。
十一無金周
2014年09月26日
港股呢排真係弱到無朋友,美股挑戰再創新高,內地股市企穩,唯獨港股升完之後好快再插過,跌穿24000點。9月埋單前個市壓住結算,大戶可以話如予取予攜,唔使理外圍係升定係跌。
外資入內地居多
有說法美股升、港股跌係因為日前內地媒體傳出人行行長周小川會被撤換,令人關注內地權力轉換會唔會影響財金系統,以及內地貨幣政策係咪出咗問題。對於呢個講法,先唔講內地已否認換人,就算講法有根據,照計應該內地股市反應大過港股,無理由港股仲要帶頭跌喎!隨時因為係期指市場係淡倉底,要壓住結算。
有中環茶友分析,話佢聽過一個講法,係滬港通下個月嚟料,初步估計反應係外資流入內地市場,興趣會大過內地資金買港股,原因一來係中國股市仲喺低位;二來係過去外資唔係咁多渠道可以投資內地,唔同內地人要來港開戶炒股咁方便,故此開通時北上的錢會多過南下,由於預期北上熱南下冷,港股要等中國股市熱起來先有機會跟炒,醒目資現時就沽咗貨先啦。茶友話,如果根據呢個分析,個市短期熱極有限,股民若有興趣中線投資,都係等佢跌多啲喺低位分段買貨,然後等兩地股市開通後出現互動。
港股弱過藥煲,全日先升後挫,挨近全日低位收市,恒生指數收報23768點,跌153點;國企指數收報10640點,跌76點,成交金額808億元。
IGG(8002) 一早錄得大手上板,每股作價3.99元,涉及9600萬股,有人大手沽貨套現3.83億元,市傳為基金股東IDG-Accel China Growth Fund及IDG-Accel China沽貨。受配股消息拖累,該股今早應聲急插,失守配股價,昨日收報3.73元,大跌逾13%。
睇番呢隻嘢喺年初科網股熱潮,股價升破10元大關,創過10.92的高價,𠵱家跌咗接近65%,幅度雖然無2000年科網股咁勁,但高位接貨者已經損晒手。𠵱家佢市盈率仍然有62倍,資產淨值係0.775元,基金見到阿里上市的刺激已完,就算𠵱家個價同高位差咁遠,都掟咗貨先至算。
除了政策因素,中港兩地前景麻麻,都係入市資金減少的原因。瑞信集團董事總經理陶冬於記者會表示,維持今年中國經濟增長7.3%預測,估計第三季中國經濟增長7%,第四季介乎6%至7%增長。
10月或減準備金
由於中央政府已釋出訊息,指不介意經濟增長略為低速,以換取推行結構性改革,相信中央政府今年餘下時間不會推出重大刺激經濟措施,佢唔排除若果經濟繼續下行,10月人行或減一次存款準備金率。
香港方面,陶冬好坦白咁講,第二季本港經濟令人失望,主要是由於服務業、出口下跌,當中包括旅客減少來港消費。他相信,疲弱情況或持續,但下半年會有改善,不過,整體本港經濟令人失望,預計今年本港經濟增長2.2%,「滬港通」帶來資金流入,將增強本地流動性,支撐本地樓市及資產價格明年增長3.2%。
其實,唔使陶冬講,睇番市面都已經知,「十一」就快到,但今年大家都估自由行唔會多,除內地打貪外,個別偏遠地區傳話香港爆發社會事件,都有小小影響,故此零售股今年索性棄守黃金周概念,澳門博彩股仲衰,係假前持續下插,所以大家唔好諗炒黃金周股份啦。
陸羽仁
2014-09-25
Dow Jones Industrial Average (^DJI)
16,945.80 264.26(1.54%) 4:31PM EDT
袋鼠:返咗香港嗱,食多啲好嘢噢。
本來袋鼠唔想俾人知,自己走咗去北海道,刺激日本經濟,不過除咗可以講大多數日本人都十分友善之外,今晚回港乘搭國泰CX航機時,機組服務人員,服務真係滿意稱心(係呀,如果你哋好似以前玩蝴蝶雙飛嘅OTG會睇陸羽仁,今晚問攞form條友就係大笨袋鼠),結果都係要上嚟留個言,寫個讚字!
盡管香港有不少令人沮喪之處,見到今晚班機組人員,除了誠懇態度、更尤其是融洽,睇見到都開心 - 鼠嫂係咁話架!
今日大巿成交有800幾億
2800平日成交十幾億
今日成交三十幾億
沽壓咁大 正常應該大跌先係
但現在只係跌好少
好似有人頂住左個跌勢
似係大戶籍震倉儲貨多d
呢噢!
(免責聲明:只係段估)
老散不可犯的三個錯誤:
1. 同動物兄對賭
2. 做 TC 主席大人對手
3. 同前主席同船
Bro.CAT...
You should ask Bro.TC bor...
Bro.TC...
只好被迫繼續win money...
SIGH...
港匯今日收午後大爆發,今月17日epfr全球資金流向報告新興市場資金流走,都猜到港股也不例外了,收市後大戶終於露出狐狸尾巴啦,依家黑期跌緊0.8趴如聽日開市如是,rsi14應該落到超賣水平,唔知港股仲會殘到幾時哩
好友真係...慘...
咁我只好被迫繼續過夜了
animal666, 收不收徙弟!
我是沽空之王!
恒生指數期貨(九月)夜市...
IG market...
Bro.CAT...
Welcome back and please save me now...
THe big good friends are forcefully putting money into my pocket every day...i cannot cut gain...
SIGH...
twohitsix
仲有隻易陸易生一樣玩殘散戶
唉...淡友未食夠...
唔高追可以試撈底,不過可能係低處未算低,我都有隻揸咗年幾嘅深水蟹,入肉 6、7 成嘅股仔,用咗一個星期左右,浮上水面有凸,沽咗唔使蝕仲可以飲餐茶,真係一額汗。
1398 5.0 成千個血肉長城呀~
戰雲密佈...都係退守遠D安全D~呢D反攻的機會,
唔係小動物玩的地方~
噢...創新高后散水, 好妖呀>>>>>>>
將軍 最妖o個隻狗山恩都唔知, 莫非將軍...
(留意成交額)
叮噹....全日大市收237XX, 跌到你怕.....
twohitsix兄: 邊隻妖股???
花姐 你話喇, 早10年係咪跌得多即停先?
隻唉豬豬咩事
貓咪主席大人一出,果然
咁絕....又收低238....成交808...
嘩!高追妖股好易中招,我已心如止水,讓別人賺好了
香港仲話國際金融中心, 妖股橫行, 認真保障到散戶.
以前跌15%停左9年啦. 我估而家SFC/HKEX 打去公司: "喂喂, 老細同xx副主席, YY委員長開緊會喎, 有咩講低啦, 我地收市後會出份"不明股價升跌原因聲明" 比你交差架啦. 千祈唔好停阿, 你揹唔起架!!"
利申: 我冇係呢隻野度輸錢.
萬種行情歸於巿
搵左個頂
再搵個底
股民三個小陷阱......
貓咪主席: 有無5舊???
牛腩貓咪
不准退潮 如果唔係有好多裸體人士出現
忘記嬴 才能嬴!
無需對未來作出準確的預測
市場是不需要預測!
午安!
反彈真快完結,
是時候主角出場!
叮噹.....半日大市企239. 怕怕.....
即使身邊世事再毫無道理......與你永遠亦連在一起
你不放下我......我不放下你
我想確定每日挽著同樣的手臂....不敢早死要來陪住你
我已試夠別離並不很淒美....見盡了......雲湧風起......還怎麼捨得放下你....
是否很驚訝 講不出說話?
沒錯我是說 你想分手嗎?
曾給你馴服到 就像綿羊
何解會反咬你一下 你知嗎.....
TC主席大人....這是238的命....
發生咩事,直插了...
訊息太快不多...腦袋能反應過來嗎....
停一停吧...讓唉瘋息機片刻...
動物兄又發訊息....
2014年09月24日 (06:54 PM)
誰這麼傻...去買猩尾....
重生大師: 大師說出投機的最高境界--->吹水.
Good morning.
這樣...怪不得分色員常常說他們沒有持以上講的股....齋噏就不犯錯...
各位早呢...
陸sir師兄師姐早晨