一字記之曰「蠢」

網友KC成日形容啲人係「春天之下兩條虫」：蠢呀！

蠢咪即係笨囉！俗語有話：精人出口、笨人出手！

今次又嚟啦！班精人出口叫班蠢人去「飲」：去瞓街、去衝擊政總、去嘗吓胡椒噴霧同吹淚彈。飲「蒸餾水」啦！

而呢班精人---都話精人出口咯，都係去飲！不過係上茶樓真係飲茶啫。

一位受訪小朋友喊住對「妖精」講：我地做左咁多嘢咯，輪到你地啦---食嘢！

依家香港人未見其利，先見其害！

我原以為祇係住響香港嘅市民淒涼啫！真係冇諗過住九龍一樣死---今日去油麻地：地鐵固然冇得搭，巴士一樣冇得搭，好在都搭倒的士；但回程時連的士都搵唔倒，要由文明里行到登打士街才搭倒的士。平日$15車錢，今日用左$70！我代表的士同業向呢班禍港殃民嘅小眾三躹躬致敬，多謝佢地攪到股市暴跌接近五百點、多謝佢地令全港市民冇得睇煙花匯演、多謝佢地攪喎香港旅遊業！

依家最開心嘅係：黎生(洗左啲錢終於有回報，可以向佢服務嘅國家交待)、的士從業員(從未試過咁旺，仲到處室車，平日廿蚊車錢、今日可能收四十)、懶嘅教師(趁機罷教，如果仲有糧出俾佢地的話)、懶嘅學生(坐/瞓街好過返學)、果隻「癡鋒」(下次選垃圾會一定得，班細路當正佢係民族英雄)仲有係台灣政府(搵人潛伏響香港咁耐，今次仲唔一鋪撬起你)

不過，我係領導人都唔會屈服！否則，日後施政更加舉步艱難。或者出錢進行反間計吖---人地出錢搵漢奸、你都可以出多啲錢買架！最驚佢地係有骨氣之人：講骨氣、講義氣就話有錢都冇用啫！呢班擺到明有錢甘做漢奸嘅，錢解決得倒嘅就唔係問題啦！不過，別國又俾更多錢俾佢地，咁又點呢？

今日約左幾位女友見面(唉！擇錯日呀，好搵唔搵、搵今日)，其中兩位係老板娘嚟！一見面就恕容滿面(搭唔倒車、塞車)，佢地不約而同講：我一定唔會請呢啲人做嘢！

你少擔心啦！佢地大把出路---做外國間諜(有學識、識外語嘅)、做道具部(冇學識)、專業遊行示威者(有膽識︴有精力)、再唔係，入「生果報」或者「X傳媒」間接幫外國政府做嘢囉！