佔中假和平?

睇到報章專欄提到, 有學生主辦單位公開叫參予嘅學生衝向官方所設嘅禁區位! 呢種行為比專欄作家評為講一套做另一套嘅卑鄙行徑, 因為以和平示威嚟表達訴求作為藉口, 呃咗一班無知學生得到家長同意後參予活動. 於此同時, 利用羊群心態, 利用學生純真, 利用群情洶湧底下, 即時做出犯法嘅指令;

令到所有學生衝向禁區向法律挑戰! 所謂和平示威? 有咁樣行動就叫做和平咩? 難怪專欄作家要執筆指出漏弊! 有家長從電視機畫面睇住有人發施號令叫衝, 跟事前所講嘅和平喺兩碼子嘅事之同時, 先至知道自己同仔女比某部份學生會呃咗, 原來一早預謀用武力示威, 仲要反咬警方處理不當下挑起事件!

而家有家長發文指出事實! 證明從畫面所睇到嘅, 一啲都唔關警方嘅事. 而事實上, 警方一直都好容忍, 反而集會者將矛頭從官方轉向警方. 呢種行為同做賊喊捉賊有咩嘢分別. 何況, 所有參予者只知為咗反對而反對之下參加活動, 有冇比人利用, 就連參予者自己都蒙查查. 咩嘢叫精人出口, 笨人出手?

其次, 所有參加嘅學生一開始就件比人灌輸對與錯之外, 有邊件嘢同邊啲信息唔喺比人用洗腦式移植錯誤指令? 可以講筆者同大部份學生一樣唔識咩嘢喺政治, 但都知道政府有好多地方做得唔好! 平心而論, 真喺為咗香港未來而作出和平示威以達訴求, 真喺香港後代之福. 如果唔喺, 別有用心嘅人小心報應!