佔中近一個月1

依筆者冷眼旁觀, 官民雙方都盤算梗自身利益, 不過彼此都打住為民請命呢個冠冕堂皇藉口咋. 真正做到為民請命, 又點會冇偈傾? 又點會唔妥協讓步? 又點會拚住攬住一齊死玉石俱焚? 所以話啫, 雙方講一套做另一套咁口不對心表裡不一, 之不過既然粉墨登場, 呃唔倒冷靜頭腦嘅觀眾, 都呃倒自己, 希望呃倒人.

站喺法律觀點, 大學生話如果港府喺好, 就唔會佔中. 所以佔中, 就因為港府唔好! 而另一方面, 港府話如果大學生夠冷靜, 就會知道地方政府喺要受國家憲法規限, 就唔會佔中. 所以佔中, 喺出於唔冷靜. 如是者, 大家各執一詞, 你數我不是, 我話你唔啱, 咁即喺冇偈傾. 出發點本嚟為咗香港好, 點知效果適得其反.

既然大家唔肯讓步, 誤以為讓步即喺向中央低頭, 從未稔過讓步喺為咗七百萬市民嘅福祉. 單從片面自以為是嘅想法, 坐井觀天, 唔知道水向低流至潤土地種子嘅真理, 代入嘅喺個人偏見, 無論官民都喺強姦民意唯我獨尊. 如果筆者喺一班大學生, 寧可餓死都唔食中國糧飲中國水; 如果筆者喺港府, 一於圍剿政策, 反

封鎖所有佔中人仕逃離現場, 見一個就捉一個, 達到殺一儆百效果. 咁樣, 大家齊齊造歷史下亡魂, 假民主自由嘅枉死鬼. 如果講有例可援, 莫過於放你走你唔走, 到你想走冇得走古今中外嘅事例, 真喺要幾多有幾多. 最可惜筆者喺心腸好軟嘅人, 唔見得官民雙方死於偏見, 與此同時, 令到無辜者死於雙方面嘅偏見.