「佔港」自治區！

作為一個良好市民，首要條件係要知道：佢有咩嘢權利、和有咩嘢義務？

當代議政制(簡單啲講，咪係區議會選舉囉)於八十年代開始推行時，政府第一次進行全港性大型選民登記活動。要知道，任何事，第一次推行都有一定難度---因為市民唔清楚係咩嘢？

記得當時嘅政府宣傳短片，強調公民有「義務」登記做選民。當時，就有意見認為市呢祇會關心：自己有何「權利」，不會認同市民有「義務」！所以其後改左口：作為香港市民，你有權登記為選民！

其實權利與義務，真係睇你點睇？有權利、必有義務！

香港市民有警方保護生命財產，因為市民有納稅、有交差餉；政府以低廉價錢為市民提供康樂文化節目，很大部份資源亦是從稅收而來。即使如此，香港稅收、相比其他國家，還是很低！所以外資才有興趣來港投資，香港金融業才有今日的蓬勃。

作為一個良好市民(無論是那一個國家)，亦必須遵從所屬國家的法律。香港有今日的成功，很大程度很因為有良好的法治，外資才安心來香港投資。

「佔港者」如果是學生，他/她們從未為香港付出過一分一毫，可能仲用緊政府(納稅人)資源讀書；如果是無業者，可能收緊綜援(亦是納稅人錢)；如果原本就是露宿者，更加是用緊納稅人(社署)資源-----他們/她們對香港未曾有過供獻，過去一個月，卻一直在消耗納稅人的資源，破壞香港社會的秩序！

所以，個人認為：「佔港者」既然冇盡過作為一個市民的義務(守法、納稅)，他/她們亦不應享有市民應有的權利---包括警方保護、醫療、清潔衛生....等等服務！

因此，我認為既然佢地用障礙物封鎖左某些地方，最好當然係政府合法清場啦！如果政府冇「吉士」、唔敢清場嘅，咪將果啲地方列做三不管區囉(好似以前城寨咁)---區內政府不負責清潔、瞓響裡面嘅人有病唔可以去公立醫院就醫(咪去果個聲稱唔睇警員嘅西醫度睇囉)、佢地裡面打生打死警方都唔駛理！咁先至係自治區吖馬，夠晒民主自由！佢地響入面自殺都唔關人事。反正佢地都唔守香港法律咯，咪由得佢自己管理囉！可以的話：索性起一座高牆圍住佢(啲障礙物太有礙觀瞻啦)！

噢！還有：裡面政府唔負責供應水、電、煤！

等佢地嘗試吓佢地所謂嘅民主自由=冇王管嘅滋味！