「我要真普選」扑街！

古語有話：「天要下雨、娘要嫁人」真係擋都擋唔住架！

上次有班無聊人，將條「我要真普選」橫額掛響獅子山----雖然其行不可取，但係其勇可加！若是用於正途，真係前途不可限量；不過佢地捨「前途」、而取「錢途」，咁就冇法子啦。上次政府都算唔話得：出動飛行服務隊去幫佢收屍---唉！唔知結果會唔會告佢地收番條公數！否則，納稅人又無辜辜要同佢地埋單。

容忍有限度！佢地食過翻尋味，尋日再響飛鵝山及大帽山故技重施！今次政府聰明左啦，唔浪費咁多人力物力，一於引剪成快-----於是「我要真普選」終於扑街咯，仲永不翻身添。

昨凌晨二時許，有市民發現在大帽山山頂天文台雷達站對開，被人懸掛一幅約兩米高、十米闊的「我要真普選」橫額。警方在早上九時許接獲報案，派員調查後轉交漁護署跟進。約兩小時後，兩名漁護署人員攜同一張兩米高的鋁梯上山，將固定橫額的尼龍繩割斷後將橫額檢走。漁護署發言人表示，由於該條幅的展示未經准許，故須按照法例移除，署方會繼續跟進調查，如有足夠證據會提出檢控。