香港_能交棒嗎?

面喺人比, 架喺自己丟! 呢兩句老生常談, 往往出現一啲場面尷尬, 兼而針鋒相對嘅位置同時候. 呢種實在既無奈又無謂嘅情節, 確喺令人唏嘘. 話說番轉頭! 佔中中堅份子嘅學聯同政府舉行過第一次對話, 可惜政府有本身難處, 學聯份子認為政府缺乏誠意下, 雙方談不攏下, 彼此不歡而散, 至於各持嘅立場, 依然不變!

由於佔中有其不可改變或讓步嘅理由, 可惜未有全面計劃之下, 令全港人仕失望, 更因學聯無視民生嘅經濟壓力, 先至換嚟怨聲載道. 加上時近年尾, 面對做冬, 聖誕同新年, 假使佔中一事唔能夠及時傾掂, 到時民怨更會鼎沸. 大學生有理想本嚟屬於難能可貴, 只可惜論點脆弱, 未能得到全港市民大力認同支持. 而家

佔中三子巧立名目變相撇除關係, 由得學聯獨力承受千夫所指, 評心而論, 確喺何苦來由? 唔怕蝕底為她人作嫁, 到頭嚟都喺孤軍作戰, 佔中三子當日信誓旦旦, 最後又如何? 人應該冷靜對待身外一切, 不必一刀切嘅心態想嘢; 不必一句到尾嘅口吻講嘢; 不必一個調子唱盡別人嘅錯! 人, 邊個唔希望有嘢可以大家分享分擔?

長治久安, 除咗需要心有熊熊烈火外, 更需要冷靜而宏觀, 包容而共捨偏見嘅心量, 先至可以拋開自私底下從長計議. 凡有意見不合, 必需要某一方先作出讓步, 談判先至得以延續. 我哋唔好忘記喺為咗解決問題而坐低, 唔喺為咗意氣用事而拗. 香港嘅未來, 能唔能夠交棒? 要睇佔中呢班大學生有冇出類拔萃嘅冷靜份子!