佔中_喺時候撤退?

先排筆者撰文提到除非佔中企硬, 過渡2015新嘅一年, 進一步跨越農曆新年, 又睇吓中國中央會唔會因為怕咗呢班烏合之眾而作出讓步! 因為不但一班大學生與全港市民為敵, 就算計埋佢哋嘅老豆老母姨媽姑姐同樣變相同全港市民為敵. 縱使佢哋未必贊成仔女佔中, 可憐佢哋供書教學, 養埋一班頭腦唔得冷靜嘅蛀書蟲.

呢班所謂大學生, 書喺讀得唔少, 從佢哋巳言行舉止同初生嬰冇分別. 就算媽咪餵完奶掃完風, 換埋片沖完涼, 一樣為咗扭抱詐嬌喺度開大喉嚨喊埋啲冇眼淚情節. 起初老豆老母當然順從嬰意抱一陣攬一陣鍚一陣, 時間一耐, 知道個喊包出邊櫳時, 仲會上當咩? 鍾意嘅就喊飽佢, 鍾意喊幾耐就幾耐都得, 咪使止意父母就範.

喊得耐自然會攰, 攰就會有眼淚冇眼淚, 都會埋合雙眼瞓覺. 而家佔中大學生同呢挺BB有咩嘢分別? 又唔喺得閒得滯, 食飽飯等屎痾! 仲準備將啲屎賴落老豆老母身上. BB就話啱啱出世無知啫, 唔通成班大學生都喺啱啱出世無知咩? 如果喺, 咁啲書就讀枉咗啦! 老豆老母啲心血白費咗啦! 啲金錢使得冤枉咗啦! 真喺冇陰公囉!

從佔中變成佔銅佔旺嗰一刻開始, 佔中三子同佔中大學生做埋啲言行不一嘅事, 不但擾民, 益且害民. 難為佢哋鬧港府講一套做另一套, 佢哋何嘗唔喺講一套做另一套呢? 有口話人冇口話自己, 仲扮咩嘢英雄喎! 筆者講過, 如果佔中從開始到而家都淨喺得佔中嘅話, 筆者一定撐硬. 冇嘢嘅, 呢個世界好難再搵到牙齒當金使嘅人!