佔中_坑殺接班人

而家教學將學校當成營商機關, 將學分比高低, 將市場佔有率比多少; 反而睇輕咗對新一代從心智以至於精神思想行為等各方面給予正面教育! 只知教曉學生有不滿可以伸訴, 欠缺咗以公平機會公平原則嚟伸訴; 欠缺咗表達自己之餘亦要尊重他人權利; 欠缺咗伸訴不被接受之後要靜待另一個時機, 而唔喺以武力嚟激發出任何暴亂!

佔中呢件事開始時, 所有學校學府嘅校長老師做過啲乜嘢輔導? 只知明哲保身, 怕會殃及池魚, 所以講嘅嘢如同放屁般由得大中小學生自己選擇! 冇理會某啲學府有學生會, 而呢啲學生會只知和應而和應, 冇稔過佔中由和平變武力; 冇稔過一旦開始佔中收唔到科; 冇稔過由佔中變成佔銅佔旺攪亂香港; 冇稔過激發支持者變成反對者;

冇稔過萍果商喺生意人, 冇利益會唔會攪佔中! 凡已經簽名嘅大中小學生嘅黑名單或已經上呈中央, 或已經列香港特區資料庫, 或將會成為暴民而留有案底. 佔中三子幾十歲人, 死就一世, 唔死都半世, 留唔留案底, 對佔中三子喺冇乜所謂! 至於其他大中小學生會唔會冇所謂? 而佢哋嘅父母又會唔會冇所謂? 當然呢班父母要承擔責任!

呢班父母見人簽名支持佔中, 就一頭熱簽名支持自己仔女佔中. 冇人可以冷靜去睇佔中個背後, 有乜嘢事會由邊個負責? 只以為佔中三子發起, 當然由佔中三子負責! 冇留意佔中三子事先聲明佔中喺犯法嘅行為, 一經定罪, 將會終身留有刑事案底, 永不翻身! 人哋設好個陷阱坑殺香港未來主人翁, 最難得喺佢哋父母一樣推仔女去死!