joboche1
joboche1
joboche1

佔中_教育失敗造成1

2014/11/24 10:00:37 網誌分類: 齋_TALK_廣東話
24 Nov

人類嘅劣根性在於自以為天下無敵, 鍾意成日自我陶醉發埋晒啲白日夢! 回顧一班狀棍議員; 一班專攪破壞議員, 除咗開會拉布, 開口爆近乎粗口嘅話, 以身作則, 灌輸咗批鬥文化比一班未來接班人, 好聽嘅喺受過高等大學教育嘅讀書人, 唔好聽嘅喺讀壞腦嘅壞鬼書生, 未能持平端正處理一切身外事務. 將來靠佢哋, 香港聽乞米囉.

 

從佔中咬住[我要真普選]呢件事唔放, 完全唔接受香港喺國際大都會而唔喺一個國家, 完全唔接受香港喺中國版圖入面嘅地方省市; 完全唔接受香港要受國家憲法節制種種事實, 一意孤行, 擺出攬住一齊死都要玩殘香港; 玩殘特區; 玩殘中央; 做一場小丑戲比國際舞台嘅觀眾笑餐死. 古人講: 先攘內, 外侮不侵. 而家唔使外國再次

 

打到中國, 淨喺睇呢班腦殘比有心人利用去玩殘自己國家, 都足以值回票價. 所以話者, 自己攞嚟衰比外國睇喺香港未來接班人而唔喺中央同港特政府. 無他嘅, 呢班腦殘正一喺政治舞台嘅塞竇窿, 永遠難成大器. 反過嚟可以加以利用, 自己人籠裡雞作反, 唔使費外國一兵一卒, 慳水又慳力. 呢套外國批鬥文化, 最精華就喺挑撥離間.

 

人類要奮鬥, 而唔喺批鬥! 奮鬥喺要建基於現有嘅基礎之上, 加以發揚光大, 加以推陳出新. 批鬥只喺建基於不合心意即殺無赦, 寧可玉石俱焚, 都唔會為未來福祉作出讓步. 批鬥比陰謀家有機可乘, 藉勢挑起正反對峙, 進而分裂原本牢不可破嘅團結同合作精神. 利用小恩小惠, 利用細小事情, 就可以顛覆既有安寧, 打亂咗應有嘅秩序.

回應 (0)
我要發表
user

最新回應

萬大有商量
萬大有商量 2020/07/24
@joboche1...

對的對的, 父母的愛 可以令弱者變成強者。

我在加拿大 認識一個朋友, 他是北京 石景山鋼鐵廠 的廠長 ,服務20年有機會嚟香港,但是當時的黨委書記扣留他一個女兒在北京, 說要保證他出外不會亂說傷害國家的名譽。

他這個人非常膽小,但居然能夠擊力抗爭,對黨委書記說,他犯了錯誤鄧小平說,華僑來去自由, 結果他成功了, 70年代的家移民來到香港,並且得到親戚的照顧 在hong Kong Book centre工作 他的故事令人很感動。

三年前這位廠長在加拿大走了, 由於他的事蹟 是一部歷史。 當時北京文化大革命紅衛兵怎樣進場 ,他來香港的移民生活 ,很值得記下來,我勸他在頭條開了網址 ,他有三個筆名,寫了幾十篇文章,篇篇都是歷史紀錄。

joboche1
joboche1 2020/07/07
@萬大有商量...

父愛如日光,母愛如月光,友愛如星光!所以,父母在堂,身安體健,喺仔女嘅福氣!

萬大有商量
萬大有商量 2020/07/07

誰言寸草心,報得三春暉。 大概 如是 {#icono_6}